كرهته ثم احببته ❤{باللهجة الجزائرية}♡

الحلقة 23🥰🥰

رجعت استبرق للدار و لقات يماها و باباها قاعدين يشربو في قهوة و ادام راسو على حجر يما
محمد: راكم فايقين لدك
استبرق: وشنو شابين نتاعي تشرب القهوة على 10 هههه ادام نصورك
يما : غدوا يجيبو الاظحية و نروحو للاظحية ديال محمد تاني مي ما فهمناش شكون اللول
محمد: ههههه همكم باهي
استبرق: ههههههه هم كبير هدا ههههه
ادام: من قبيل ساكتين يخمو تقول ح يحررو فلسطين
محمد: ابداو بيا و اختمو بيها نورمال
استبرق: ايه يعني نورمال...بابا مالك ساكت
بابا: والو انا نروح نرقد روحو ترقدو مام نتوما عييتو. لولاد
محمد و استبرق: تصبح على خير بابا
بابا: و انتم من اهلو
يما: نلحق راجلي تصبحو بخير و باست ادام
استبرق: ادام يا شاموتي توجور تسبق و تبوسك قبلي🙄
ادام: هههههه😝😝
محمد: علابالك شكون ليقينا ادام
ادام: شكون
استبرق: ايييه محمد لغمالة ما لقيت ما تقول
محمد: الياس....
ادام: مليح بصحتكم 😑
محمد: وشنو بصحتنا 🙄
استبرق: الله يسلمك خويا زين 🥰
ادام: هههه هيا نوحو نرقدو تصبحو بخير

(ادام علابالو الياس يعشق في استبرق و حذرو من قبل ما يقدمش ليها )

راحو قاع يرقدو و طبعا جا نهار جديد بعد ليلة طويلة 😇😍😇😍😇😍😇😍😇

.....
مهدي قعد ليل قاع يفكر في استبرق كيفاش يقوللها ما بقعدش بزااف كيفاش تكون ردت فعلها مي يبغيها خايف عليها شعور يقطع لبنادم مي متحمل من اجلها باباها كل يوم خوفو يزيد و يخمم كيفاش ح يقول الزوجتو لي كل حياتها تقلو بنتنا في حياتها ما نخليها تمرض و يتذك نسيبو لي رزقو ربي بيه و يقول عاش من رباه فعلا شعور بأنو تشوف بنادم حياتو تفنى قدام عينيك و خايف تقلو
.......

....نهار جديد ناضو قااع و الفرحة لي عامرة قلب نور و استبرق لا توصف و طبعا مهدي و محمد 🥰🥰🥰🥰
نور: يماااا دك يجووو
حاجة...: ههه ايه
نور: شوفي انا ما نخرجش من دك نقلك
الحاجة....: كيف ما تبغي هههه مهبولة
ايمن: نور قولي للصديقاتك يجيو ليك
نور:😏😏ح يروحو عند استبرق انا علاش هه
ايمن :وحدةعندك وحدة عندها
نور: ايمن خويا روح اربط الاظحية ديال خوك و روح ههه
يما: نور بنتي قولي الاكرام تجي عندنا😌
ايمن: قولي و الله دك نقوللها انا
يما: ههههه مهبول
مهدي: وشنو قاع قلوبكم يحبو في بعضياتهم
يما: ولدي زين لعريس نتاعي مرحبا
مهدي: يما 10 قالي محمد يجيو
يما: ايه قالي بااك وليدي و حنا 1 نروحو
مهدي: ان شاء الله انا نروح
نور: مهدي🙄
مهدي: وي لعروسة
نور: مهدي ح يجي😁
مهدي: أسأليه هههه
نور: صامط هههه

راح و عائلة السي.. كانو يجهزو رواحتيهم يروحو عند عائلة الحاج...

(نسيت نقوللكم عمات و خالات و خوال و عمام استبرق و نور قاع تجمعو )