كرهته ثم احببته ❤{باللهجة الجزائرية}♡

الحاقة 20🥺🤍

قااااع عقلهم عند استبرق كيفاش مرضت في رمشة عين هكدا ح تتحسن او لا

مهدي كان يسوق و كل همو و عقلو عند استبرق هي كانت راقدة ولا نقولو تغاشات
طريق قاع عقلو عندها

......
وصلو للسبيطار قاع قاراو حظا بعضياتهم ادام راح جاب السيرير هداك و الفرمليين و مهدي راح حداها هزها و راح للسبيطار و حطها فوق السرير هداك و راحت مع الطبا
محمد قعد شاد في يماه و ادام كان مع انفال خافت عليها بزاف نور قعدت مع مهدي تهدي فيه و ايمن شد ايد اكرام و الاب عقلو ما لقاش وين يروح بنتو كيفاش صرالها هكدا وشنو لي صاريلها في حياتها ما مرضت هكدا 🥺😞😞

....
بعد مدة خرج الطبيب و قاللهم الحمى الباردة صعيبة بزاف مي لازم تحاليل
بابا: ادام وليدي روح كمل الاوراق تاع سبيطار ديال الدخول ديالها وليدي محمد و لبنات نروحو للروص اقعدو لهيت هنا بزاف
مهدي: عمي روحو انا نقعد هنا
بابا: علابالي وليدي الله يجازيك بالخير 😔
مهدي: 😞

هبطوو قاااع و قعد مهدي حتى خرجت الفرملية : ميسيو نتا من العائلة
مهدي: انا راجلها
فرملية: الدكتور يحتاجك
مهدي: اك وين جاي البيرو ديالو
الفرملية: تبعني ميسيو

راح مهدي متفائل بانو حمى و مارة

✊✊الفرملية
الفرملية: دكتور
الدكتور: وي قليلو يدخل
مهدي: السلام علييكم
الدكتور : سلام ميسيو تفظل اقعد
مهدي: ياك صفا دكتور😥
دكتور: عملنالها للمدام ليزاناليز و راديوات و قاع مي المدام
مهدي: كمل تعيش
الدكتور : عندها كيست في الرأس و شهر لازم عملية
مهدي: كيفاش مت فهمتش علاش
الدكتور: ما تخافش ميسيو مي حالتها لازم عملية و لازم ما تحملش
مهدي قعد يسمع فيه و كل همو استبرق تسمع بهدا شي و عائلتها ينهارو باباها لي حسو صحيح مي كيفاش نقوللهم 😞😞
مهدي: دكتو عندي طلب منك ما تقولش للعائلة ديالها بمرضها و ان شاء الله في لادات تاع العملية تلقاني جبتها
دكتور: نورمال ميسيو مي يلزم تشرب دوايات هدو و دك صحتها احسن من قبل
مهدي: بارك الله فيك نقدر نشوفها دك
دكتور: دك دخلك الممرضة عندها مسموح دك يخلاص صيروم ديالها و تنوض
مهدي ناض و جا خارج حتى حس بغصة في قلبو كيفاش ندير كيفاش شكون لي نقلو لازم نقول للعائلة ديالها شكووون 😟🥺🥺🥺