بعد ساعات داخل العملية استبرق تعيش اصعب لحظة في حياتها ما تعرف ح تفيق او لا شعرها نحاوهولها و مهدي خاف تنوض تلقاه مكانش وشنو ردت فعلها يماها و باباها عقلهم طار ايمن يصبر في خوه و ادام و محمد كراعيهم فشلو و الحاج و الحاجة يدعيو من قلبهم نور و انفال يبكيو كل واحد وين عقلو (ايييه نسيت نقوللكم اكرام تاني سمعت مي بحكم البيي مكانش قعدت لين يقرب الموعد)
خرج الدكتور و ناظ مهدي واجد لكل كلمة او خبر
دكتور: نتوما عائلتها
باباها انا باباها و هدو عائلتي
دكتور: سي مهدي راك هنا...المدام نجحت العملية
فرحو و كل قالو الحمد لله مهدي شاف في السما و عاود شاف فب طبيب: وينها دك
بابا: نقدرو نشوفوها
الطبيب: مدام استبرق مزال ما فاقتش من العملية و التخدير كان مضاعف بحكم حالتها ليوم ما ح تفيقش قاااع كي تفيق نبشروكم
شكرو مهدي و راح خرج ما تحملش يقعد
قاع قعدو يتعانقو
نور كان واقفا تسمع فيه حتى قعدت في الكرسي و تغاشا و قاع ما تولهوش
محمد دار يتحظنها لقاها قاعدا : نور حبيبي نور
يماها: بنتي فيقي مالها
بداو يعيطو و هزها محمد داها لعرفة و راحولها الفرمليات دارت سيروم و يماها عند راسها هي و يما و محمد و لبقية قعدو عند استبرق
فاقت نور و شافت في محمد: وين راني وينها استبرق
محمد: تغاشيتي قالولي بالاك من الماكلة
نور: محمد استبرق وينهي
محمد: راهي صفا قالللنا غدوا تفيق
نور شفت في سقف و بدات دور بيها الدنيا و قلبها دار و راحت ترد و محمد شاد فيها
شوي هكدا جاتهم الفرملية : مدام الف مبروك راكي اونسانت
نور: شكون
محمد: شكون
يما و يماها فرحو مي بحكم حالت استبرق ما زغرتوش
الفرمليا: نتي مدام نور السي....
نور: انا بلكرش انا
الفرملية : مدام من بعد روحي للطبيبة نسائية في الايطاج الثاني تقلبي و معافى ان شاء الله
محمد تحظنها و نور متحيرة منين جاها ههه
نور: محمد منين جاني
محمد: من ناناك مهبولة
نور: لالا اصبر علاش انا اصبر شكون
محمد: هه و الله هم يظحك و هم يبكي مصيبة و ضربها على راسها بشوي
أنت تقرأ
كرهته ثم احببته ❤{باللهجة الجزائرية}♡
Teen Fictionفتاة تعيش في عائلة مجنونة 😂هي جميلة لطيفة مجنونة🤗 تحب كل من حولها الا البطل هههه🤭ههههه🙄 هي تعبت كثيرا و ضحكتها توجور توجور مرسوما على وجهها و دمعتها ساهلة و دائما شعور الخوف يرعبها يعني بالمختصر عائلة هايلا هههه ⏳ تدور القصة عن العائلة و حياة ال...
