ماما ماما
طلعت نظارتي وانا بنزل على طوله
حبيب ماما
مامي م اتأخرتي
م ح اتأخر ابدا ابدا على حبيبي انا
عاين لي ببراءة
بابي ح يجي الليلة صح؟
قبل م ارد ليه سمعنا صوته جاي من ورانا
و حد بيخلف وعده مع ليث باشا؟ معقولة ياخ!
ليث فتح خشمو بمفاجأة وجرا لأبوه النزل عليه دغدغة وتقبيل
ماما ماما بابي ح يموتني
ابتسمت وانا بغمض عيوني وبتذكر كيف بدت حياتي كلها 💜
فتحت عيوني عليه يقال انو اول من حضني واول من نطقت اسمو عاصم او زي م بقول أسيم😂
رباني على ايدينه لين م وصلت 10 سنوات وسافرنا بعيد عنو وعن حضنو💔
متذكرة اني كنت برفض الاكل وحتى الموية لحد م مرضت وجاني
م اتلاقينا الا وانا عندي 14 سنة💔
كنت بحبو شديد لدرجة اذا سألوني عن ابوي بقول أسيم ❤️
وين عاصم؟ مع مينا ووين مينا مع عاصم حاجة كانت معروفة وثابته حتى مواعيد النوم م كانت بتفرقنا بسهولة لحد ما في يوم ماما وبابا جوني وانا بتمرجح في جنينتا وقتها كنت 14 سنة كانوا بدوا يمنعوا أسيم يجيني كنت قاعدة وببكي
شفتو احساس يقتلوا ليك ابوك قدام عينك دا كان احساسي💔
ابوي جاء كورك وهاج ووصل انو مد يدو علي امي مسكته مني ودخلته انا وقتها فقدتو شديد💔
وعلى حظي ضرب لي وم سمعت التلفون جاني داخل بلهفة
مينا مالك!
مشيت حضنتو وانا ببكي اكتر
مسح لي دموعي اتاوهت بألم
منو عمل فيك كدا؟
بابا💔
اشش تعالي
قعدني ومشى على المطبخ وشوية ورجع مع كيس تلج
راضاني ونومني ومن بعدها م عارفة الحصل شنو معاه ماما وبابا وهو سافر
وبعدها بإسبوعين بالظبط كان رجع فضلت طول اليوم في بيته من م هو وصل ولحد المساء
متذكرة كويس كان تاريخ زواج بت خالتي الوحيدة امي كانت بتحبها جدا قدر م حنستني انا رفضت ليها والغريبة خلتني مع أسيم وقالت ليه اذا نامت م تجيبها لينا
زمان الموضوع كان عادي بس من رجعنا من الامارات بقى مستحيل بالنسبة ليهم
وفعلا فضلت معاه ومعانا امه واخوه باسل اكبر منه بسنتين جات لحظة كلهم تلفوناتهم بدت تضرب وحتى اسيم اولهم عاينت ليهم بإستغراب وفضلت لوحدي قمت جارية شلت تلفوني وضربت لبابا تلفونه مقفول وكذلك امي!!
