منيرة اخدتني بالونسة وحلفتني اعمل ميكب
برضو ظبطتني على حاجة بسيطة وادتني خلخال ناعم هدية❤️
شوية وتلفونها ضرب ضحكت وقالت
أمم دا السيد زوجك شكلو وصل
ردت عليه وقامت ثانيتين وجات ومعاها أغراض ادتني ليها وقالت
قومي اجهزي قال انكم اتأخرتوا
ابتسمت وقمت دخلت البس
لقيته جايب لي فستان شاي لبن على قولد كدا ضيق وفيه تفاصيل لأنثى رقيقة ومعاه توب حرير أناناسي
انا اصلا م بلبس تياب وإذا لبست كنت بلبس الفستان باكمام قصيرة واسي الفستان دا ارهب من انو البسه تحت التوب
بس قصير شديد م ينفع اطلع بيه يعني وصل شوية أطول من نص الفخذ لبست التوب عليه ومعاه هيلز ناعم من لون الفستان خليت شعري زي م هو والميكب كان درعة شديد انا نفسي عجبتني اللحظة ديك للاخر😹
منيرة كانت منتظرة على جنب وهي بتتكلم مع خالد وبتتبسم عاينت لي وفتحت فمها
بالجد واو ي مينا❤️
م حصل بالجد شفت بجمالك❤️
عاينت ليها وقلت
بالجد؟ يعني ح اعجبه؟
هو اصلا مجنون بسببك يعني عقله ح يطير الليلة😂
تعالى تعالى ننتهي منو زيادة
عطرتني بعطور سودانية ريحتها فايحة من على اميال
يلا هو مع خالد مستني انا ح اجهز واشوف العيال ونلحقكم
هزيت راسي بطيب وطلعنا ليهم في شقة فوق ليهم اسيم كان بعاين لي وعيونه بتلمع شديد اكتشفت اننا لوحدنا أتقدم مني ورفع وجهي ليه
جميلة شديد ي مينا انا م قادر اعبر💜
قبلني جنب شفايفي وهو مبتسم
طلع علبة فيها سد ذهب بسيط وحلو شديد لبسني ليه وهو بحرك شعري
ح يجيني سكر بسبب جمالك دا كله❤️
اشش م تقول كدا انت الكتير علي والله❤️
شابك صوابعنا وهي بسحبني معاه
تعالي
في الطريق فجأة وقف قدام محل ورد جنبه في زي مترين فيهم محل شوكولا عاينت ليه وقلت بصوت طفولي
اسيم انا عايزة شوكولا
باسني وهو بضحك
حاضر نجيب احلى شوكولا ليكي❤️
مشي وانا تلفوني ضرب كانوا إيناس وعمر ببكوا عايزيني قفلت منهم وانا بوعدهم اخدهم الصباح
