كملت مشواري رغم الالم💔
إيناس وعمر اتربوا على يدي تقريبا كانوا بقضوا معاي اليوم كامل عدا الجمعة بفضلوا مع سيد مرت السنين وحاليا أولادي كبار 10 سنوات يعني قدر ليث💔
وحياة 8 سنوات💔
حاليا منة عمرها 6 سنوات كبرت وهي حرفيا ليث بكل تصرفاته لولا انو ليث مات وهم شافوه ميت💔
لولا فرق العمر ح اكون متأكدة انو دا ليث💔
بس في الحقيقة دي منة💔
مسحت دموعي وانا بطلع من الحمام والباب بدق
مشيت فتحته كانت دي هي زاتها بتبكي
ماما ح تضربني
نزلت على الأرض وانا بمسح ليها دموعها
ليه بس اكيد ماما بتهظر عملتي شنو انتي؟
انا عايزة بابا عايزة بابا😭
خلاص ي حبيبتي م تبكي
بست خدها وشلتها
تاكلي شوكلا؟
هزت راسها ببراءة
قعدت لعبت معاي ونست اصلا ابوها وامها
خلال السنوات دي مافي حاجة اتغيرت علاقتي بالكل عادية جدا
غير ابو اسيم كان مستقر في لندن واتوفى هناك كمان💔
وانا اتخرجت من الجامعة واتخصصت جراحة أطفال كمان❤️
منة نامت وانا كان عندي مسلسل فتحته وقعدت احضر لما صحت اتغدينا وقعدت العب معاها عاينت لي لما وقعت تلفوني بخوف
بست يدها وقلت
ما تخافي م حصل شي حبيبتي
هزت رأسها
ماما م بتلعب معاي
اكيد بابا بلعب معاك لكن صح؟
هزت رأسها بحزن بستها وحضنتها
انا هنا في أي وقت عايزة تلعبي تطلعي لي طوالي ماشي حبيبة مينا انتي؟ باستني في خدي وهي بتضحك؛
الجرس رن كتير قمت فتحتو كانت سمر
مينا م لاقيتي منة؟ البت ضايعة وامها جانة عليها
ضايعة شنو ي سمر منة معاي من الصباح كنت فاكراكم عارفين
منة منة يلا حبيبتي تعالي
جاتني جارية مشيت ختيت طرحة على اكتافي ونزلت معاها سمر كانت كلمتهم انها معاي عبير اول م شافتها ضربتها كف
قلت ليك شنو انا قلت ليك شنو ااا! مش حذرتك م تتحركي من مكانك؟ مش قلت ليك اوعك اشوفك مع الزفته دي
عبير ضربتها تاني زحيتها منها والبت منهارة على يدي
انتي مجنونة؟ كيف تضربيها كدا؟
