صحيت بصوت المنبه صحيتهم يتغدوا وقعدت ذاكرت ليهم
قضوا معاي اسبوع امتحاناتهم كله وسيد ولا جاء بجنبنا من يوم جابهم وهم اصلا م بسالوا عن ابوهم معاي
بعد رجعنا البيت من لفة آخر يوم امتحان ضربت ليه
انت وين ي سيد ي ملتزم؟
ضحك جاي عليكم والله
استنيته كتير م جاء في النهاية نمت خليته صحيت الصباح بدق عنيف على الباب الخارجي إيناس صحت بتبكي حضنتها ونومتها وقمت فتحت
جاء اسيم داخل بعصبية لزاني بقسوة ومسكني من التيشيرت وهو على اخره
ليه كذبتي علي؟ واستغفلتيني؟ هاا؟ غبي للدرجة دي انا؟ غبي؟ شايفني لعبة في حياتكم وبتكذبوا في حياتي؟
بعدته عني
ااسيم اهدا في شنو؟
لزاني
كل مرة بسالهم اسيم دا منو وبتغشوني شافع بريالة انا لانو صاح؟
اسيم كان بصرخ بطريقة هستريا كان معصب وانا م فاهمة هو ماله لحد م باسل جاء رن على الجرس
عاصم اهدا اهدا
صرخ عليه
م تدخل بين واحد ومرته
عاينت ليه بخلعة
ضربني على الحيط
في واحدة بتقدم لوحدة زيها راجلها على طبق دهب؟
م صدقتي اني نسيتك طبعا صاح؟ عارفة اتحرقت كيف لما انا فاكر بسبب حبي ليك خنت مرتي؟ وانتي شنو ي شيخة؟ واقفة بتوعظيني؟ وبتكذبي علي ي مينا؟
ضرب الحيط جنبي
انتي وحدة خاينة كذابة ومخادعة
وشه كان اسود من العصبية ومخيف شديد كأنه اتحول لوحش م شايف قدامه حاجة
آخر جملة ليه هي الفقدتني المنطق كامل
اطلع برا
لزيته وهو ولا كأنه جبل
برا قلت ليك
لما م اتحرك
اتجهت على المطبخ واقرب سكين كانت على عنقي
يادوب شفت عمر وايناس وهم بصرخوا رميتها وضميتهم علي ونحنا بنبكي
ضرب المزهرية على الحيط وطلع باسل جاء داخل
مينا انتي كويسة؟
بست الاولاد وقلت
ادخلوا الغرفة
منو الاداكم حق توروه ي باسل منو؟
م كنا قاصدين ي مينا هو اشتبك مع سيد بالليل وهو جاييكم وسيد وراه
