مساء *27/8/2018*
ااسيم؟ ليث💔
فتحت عيوني في غرفة بيضاء بالكامل
م عارفة انا وين وحتى م معاي حد!
كم دقيقة واتلم الدكاترة حولي
الدكتور:ح نتصل لوالدك مبدئيا انتي كويسة الأوكسجين ح يفضل كمان شوية عشان الضربة كانت قوية شوية ح نتأكد من التعافي لم النتائج تظهر
قلت بتعب وانا ببلع ريقي
زوجي
هز راسه وقال
ح نتصل بيهم حاليا الوقت متأخر وم ينفع وجودهم وانتي ح تنومي بمفعول الدواء
وفعلا م صحيت الا بابا حكيم معاي
بتي انتي كويسة؟
عااصم!
عاصم كويس م تخافي
بابا حصل شنو؟
رد لي بهدوء
لما نتطمن عليك ح اوريك اي حاجة أسى خليك مرتاحة
*مساءً*
بابا لو سمحت تعبت وانا بسألك عاصم وين؟ وأولادي وين وانا حامل ليه مافي حد بطمني؟!!
اهدي ي مينا اهدي عاصم في البيت وم عارف عنك حاجة
بابا حكيم الحصل شنو؟
انتي م متذكرة؟
اخر شي متذكراه لما كنا في العيادة
هز راسه وقال
عملتوا حادث وعربيتك كانت فراملها مخرب
قمت بسرعة
شنوو! أولادي وين💔 جيب لي أولادي ي بابا اولادي💔
مسكني وطلب الدكتور
اهدي ي مينا كويسين
مع المهدئ انا نمت لما صحيت الصباح كان في خالتي وعمتي سلموا علي وهم ببكوا
احكوا لي اسيم وأولادي وين يخواني قلبي محروق الله يرضى عليكم💔
خالتي نزلت رأسها وقالت
أن شاء الله من الشافعين ي بتي
شافعين شنو ي خالتي شافعين شنو انا عايزة أولادي م مشكلة الحمل الراح جيبو لي أولادي ليث حياة ماما عايزاهم عايزة اولادي💔💔
انا م سكت من البكي ورغم المهدئ دموعي كانت نازلة
فتحت بعد 3 أسابيع بت خالتي كانت بتقرا لي في قران
مينا حمدلله على السلامه
عاصم وين؟
ابتسمت وقالت
عاصم م عارفاه وين لكن كويس م تخافي شدي حيلك عشان تشوفيه بكون محتاجك
طلعت بعدها بيومين ومشيت مع خالتي الرفضت رفض تام اتزحز من جنبها
