بعد اخدت حاجاتي من البيت مشيت مع باسل طلعت شقتو وخليتو بتفاهم مع أمه اصلا عاصم وعبير بجوهم زيارات بس
المساء طلعت اتمشى من الخنقة لما رجعت لقيت عبير في وشي
قاشرة زي عروسة المولد عاينت ليها ومشيت خليتها اسيم وباسل كانوا في الجنينة سلمت ومشيت شوية اسيم ساله
دي المؤجرة القلتها؟
اي
بت صغيرة قاعدة براها لكن؟
صغيرة عمرا بس
التفت لاسيم الهز راسه وقال
البت دي م كويسة م تقرب منها
عبير كانت جات اتلزقت على اسيم وقالت
كلامه صح نحنا قبل كم يوم شفناها حاضنة واحد في البيت القصادكم دا
باسل عاين لي وانا في المرجوحة فوقهم على طول سافهاهم
يمكن اخوها انتي مالك بيها احترمي نفسك وما ليك دعوة بأخلاق غيرك
عاينت لاسيم وقالت
شايفه بتكلم معاي كيف
زفر بضيق وقال
م قال شي ي عبير
قام خلاهم واتخلع لما شافني نزل راسه ومشي
جبتها هنا ليه ي باسل؟
انا حر بيتي اجيب فيه اليعجبني
إذا عايز ترجعها ليه اوريك انها لو فيها موته م ح ترجع ليه ومافي شي بجبره انه يستحمل وحده عقيمة والبينهم راحوا.. أولادهم وماتوا في شنو تاني؟
عاينت لي وابتسمت شخرت في وشها وقلت في نفسي
اقدري أملي عينو وبس قمت نمت م صحيت الا بعد أذان الظهر سمعت رن الجرس قمت غسلت وشي وفتحت الباب كانت سمر مرت باسل هي صحبتي الوحيدة❤️
يعني اذا انا م جيتك م ح تجيني؟
ضحكت وقالت
بت باسل مطلعة عيني ي مينا اسكتي بس ارح ارح انا مستنياك بالغداء نسيبتك مافي حايمة مع مرت ولدها الليلة
ضحكت وقلت
ادوش واجيك اصلا مشتاقة لمينا الصغيرة شديد❤️
فعلا شوية ولحقتها لقيتها هي وباسل بتناقروا ضحكت ودخلت المطبخ
سمر الغداء محشي ولحد حسي م اتغدينا!!!
جات بتضحك
مستنياك تعمليه
ظبطته سريع وبدينا نخت الغداء باسل تلفونه ضرب عاين لي وقال
عاصم جاي هنا
زفرت وابتسمت ليه
ابتسم ومشى فتح ليه الباب
انا كان مالي عليك الله ي باسل حسي يومين وتجي تنق في الولادة
