تقابلنا سابقا ولكن..؟ (مكتملة❤️)

P.63💛

بيوم من الايام مصلح بالصاله..

جوري: مصلوحي وش رايك نكشت بالبر طفش؟
مصلح: طفش وانتي كل يوم طالعه؟
جوري:متى طلعت؟ من الجامعه للبيت ابي نطلع بما اني اجزت

طالع فيها بنضره ماعجبت جوري وشككتها فيه ونزل عينه للجريده واستغربت جوري من اخلاقه الفتره ذي

مصلح: تعبان مالي خلق اروح
جوري:مصلح! من ايش تعبان ترا زيي زيك من الدوام للبيت اطلع غير جو شفيك حبيبي؟
مصلح: ما ابغا اطلع خلاص لا تعصبيني!
جوري:انت شفيك طول حياتك عصبيه بعصبيه؟؟ تاخذ ادويتك انت ؟؟
مصلح:كل ما ازعجتيني واعصب تقعدين تقولين ادويه؟ خلاص جوري كلمتي وحده مافي طلعه!

وقفت وهي منصدمه من صراخه وعصبيته ماحبت تزود الوضع بس مارح تطلع بهدوء وتمشي الي صار

جوري:كلمتك وعصبيتك خلها لك!انا طفشانه ابي اطلع اشتقت لاهلي وصديقاتي بدق عليهم تبي تجي حياك..

عطته ظهرها ومشت ولا اعطته فرصه يتكلم وطنشت مناداته لها

دخلت الغرفه جلست على السرير ومسكت الهاتف ودقت على اختها

جوري: الو؟
نوره: هلا جوري
جوري: وش رايك نكشت بالبر؟
نوره:تم اصلا الياس طفشنا يبي يطلع البر يشوي مع قحص
جوري: ياعمري الياس

فجاه يجي الياس جنب نوره ويسحب التلفون من يدها ويسحب كم شعره من راس نوره

نوره: اخخخخ الياس!!!
الياس:جوجي!!
جوري: ياعيون جوجي ههههههههههههه
نوره: اعوذبالله دفش زي ابوه..
جوري:تبي تطلع البر حبيبي؟
الياس: اي
جوري: تطبخ مع قحص ؟
الياس: اي

طبعا الياس عمره سنه وكم شهر يقدر يقول كم كلمه ويفهم عليك بسرعه

جوري: خلاص ابشر بنروح البر بكره طيب؟
الياس: طيب

وهنا رما الهاتف بالارض ونزل من الكنبه يركض للباب هو و ايلاف لان ابوهم جا ومعه حلوياتهم

شالت نوره الهاتف وهي تتنهد وتستغفر

نوره: ايوه ؟
جوري:شفيه حذف الهاتف هههههه
نوره: جا الدفش الكبير..
رشاش: *من المطبخ * سمعتك!
جوري: الله يعينك ههههه
نوره: امين امين المهم بكلم اهلي وانتي كلمي العيال نخطط للكشته
جوري: تمام
نوره: صوتك فيه شي انتي تمام؟
جوري: انا تمام بس مصلح معصب شوي الله يهديه
نوره: اها ماعليه ان شاء الله الطلعه تغير جوه شوي
جوري: ان شاء الله

وبالفعل اتصلوا واتفقوا على الطلعه
نسرع الاحداث للبر بعد ماكشتوا وضبطوا كل شي