تقابلنا سابقا ولكن..؟ (مكتملة❤️)

P.6💜

*اول مادخلت نوره فتحت جوري باب الحوش وطلعت ثواني الا وتسمع صوت سياره اسعاف وناس تصايح في الشارع الي يسار بيت جدتهم طلعت من الباب ومشت جوري يسار وشافت الشارع وكانت الصدمه سياره امهم وابوهم متحطمه وصادمه في وايت و مشتعله السياره هنا جوري طاحت على ركبها من الصدمه وبكت*

نوره: جورييي جورييي وينك
غاليه : شوفي وين اختس بسرعه
نوره:جوري شجابس هنيا وش فيك تبكين *طبعا نوره من الخوف على اختها ما انتبهت للي حولها*
جوري : ماما و بابا
نوره: وش بهم.. *وهنا رفعت راسها ووقف العالم حولها ومعد تسمع الا صوت صفير يعلى نزلت دمعتها و الدنيا بدت تظلم حولها وصراخ اختها وجدتها الي يقطع القلب بدا يختفي وفجاه * ج جوري امي ابوي جد جدتي .. *طاحت واغمى عليها*
غاليه : *تصيح وتبكي وتلم بناتها * يويلي ويلاه يويلي ويلاه بنيتي و زوجها روحوا لاحول ولا قوه الا بالله نوره نوره جوري بسم الله عليكن حسبي الله ونعم الوكيل
جوري : *تبكي* اختييي نوره تكفين قومي قومي لا ياخذونك عني قومي

*شافت نوره انها واقفه بالشارع وفجاه صدم وايت بسياره مالوفه وفجاه سار كل شي بطيء شافت امها وابوها وهم ينادونها وصحيت بمستشفى الرياض*

نوره: * تصرخ بقوه وتبكي وتتلفت * اميي ابوييي

*للاسف ما كان فيه حولها احد وزاد الحاله سوء جاها نوبه هلع و عصبيه بدت تسحب المغذيات من يدها وتدف الطاولات وتحاول تقوم بسرعه تدور اختها ويدخل عليها الطاقم الطبي يهدونها*

نوره : * تتكلم و ماتدري عيونها حمراء من البكاء ولا العصبيه *انا وين ووين اختي بسرعه جيبوها لامسح فيكم الارض
الدكتوره : اختك برا الغرفه مع جدتك الحين يجون ويطلعونك
نوره : *بدت تتذكر وش سار باهلها وتجمعت دموعها بس قاومتها وعصبت زياده* ابي اطلع الحين

*مسكوها الطاقم الطبي ورجعوها السرير واعطوها منوم بعد مضاربه وتكسير بالسرير والاغراض ، برا الغرفه عند جدتهم *

غاليه : *سمعت الصوايح وعرفت انها نوره وتحاول تقوي قلبها عشان جوري جنبها ماتبي تنكسر قدامهم * لاحول ولا قوه الا بالله الله يصبر قلوبنا
العقيد عزام : الله يصبر قلبك ياخاله زوج بنتك كان ونعم الرفيق الله يرحمهم يارب
جوري : انت صاحب بابا ؟
العقيد عزام : * نزل على ركبته لطول جوري ومسح على راسها * اي ابوتس كان بطل لازم تسيرين زيه وتتحملين انتي واختس وترفعين راس جدتس
جوري : وش اسمك
العقيد عزام : عزام
جوري: *ضحكت وقالت * العم عزام * ضحكت مره ثانيه وقالت * تدري انت العم الوحيد الي طيب وجا يزور الباقي عقارب مايجون الا للمصايب
غاليه : *حطت يدها على راسها * يويلي ويلاه فضحن بي وش هالكلام ياجوري
جوري: *حطت يدها على خصرها * والله ياجدتي ماتسذبت هذا حق والحق ينقال
عزام : *حاول يكتم الضحكه عشان ماينجلد من جدتهم وشال جوري بحضنه * وش رايس يا ام منيره اخذ جوري البقاله الي هنيا بنشتري حلويات لها ولاختها ونعود على بال ماتطلعين نوره
غاليه : تمام الله يجزاك بالخير ويوفقك ياوليدي
عزام : هذا واجبي
جوري: *تصفق وتحضن عزام * الله حلويات حلويات
الحين نوره اكيد بتنبسط صح ياعم
عزام : ان شاء الله

*حاليا العقيد عزام عمره ٤٠ مدري ليه دخلته وانا اختكم بس كذا قلت بحشره اما جدتهم ٦٠*

*طبعا بعد عشر دقايق عند الجده *

الدكتوره: نوره و جوري تعرضوا لصدمه ويحتاجون يمشون على خطه علاجيه
غاليه : * ماسكه راسها وتدور وتصيح * يويلي ويلاه وش سويتوا ببنيتي افتكيتوا عقلها افتكوا لحيكم وش خطته وش علاجه
الدكتوره: ياخاله اسمعي تكفين نوره وجوري تعرضوا لصدمه قويه من خلال ملاحظتي جوري و نوره حالتهم صعبه يحتاجون حبوب منومه و حبوب مهدئه للاعصاب بس نوره عصبيتها زايده واختها تخاف من الاصوات العاليه محتاجين ادويه كمان عشان لا سمح الله ما يتعرضون لاكتئاب وتخفف عنهم الاعراض
غاليه : الله لا يبارك فيك يا راعي الوايت اشتليت فلذات كبدي بنتي و زوجها يا ويلي ويلاه اشتل عقول بناتي نوره و جوري
الدكتوره : هدي هدي يا خاله تحتاجين مغذي وتحتاجين ترتاحين نص ساعه الضغط عندك مرتفع تفضلي عند نوره مجهزين كل شي لك والسرير حطيناه
غاليه : هويه نص ساعه؟؟ مو توكم تقولن تقدرين تطلعينها (هويه يعني ليه بالجنوبي )
الدكتوره :للاسف زي ماقلت لك حاله جوري ونوره يحتاج انهم يكونون تحت الملاحظه حاليا عشان خطتهم العلاجيه فقط ساعه وتقدرون تطلعون
غاليه : هيه هيه طيب *هيه بشد الياء بمعنى هيا*

*راحوا لغرفه نوره الخاصه و انسدحت غاليه بالسرير الي جنبها كشفوا عليها واعطوها المغذي و العلاج المناسب للضغط الي عندها وارتاحت، بعدها ب١٥ دقيقه*

نوره: *قامت من نومها منتفضه والجهاز بدا يطلع اصوات لان دقات قلبها سريعه وجت بتفك المغذي * يالله انك تلعنهم وييين اختي
الدكتوره: *دخلت مفجوعه* انتي كيف قمتي المنوم يقعد نص ساعه مو عشر دقايق
غاليه : *قامت من النوم وطالعت فيها بنص عين* اصه خلوني اخمد راسي تلفن بي لف
نوره : *مافكت المغذي وسمعت للدكتوره وهدت وقعدت * جده كيفك و وين اختي وش سار على اهلي ؟؟
غاليه : انا طيبه اما الموضوع الثاني نتفاهم فيه بالبيت يابنيتي

*دخل عزام وهو شايل جوري ومعها حلوياتها*

عزام : السلام عليكم
جوري: نوره نوره *نزلت من عزام ونطت على سرير اختها وقعدت بحضنها*
غاليه : شوي شوي لا تكسرين اختس
نوره: جوجو وين كنتي ياوخيتي
جوري: شوفي هذا عمنا عزام صاحب بابا ماعليك مو زي اعمامنا العقارب هذا احسن منهم وشوفي جاب لك حلويات
غاليه : يويلي وش قلت لك على هالكلام
جوري: *مانتبهت لجدتها* ا امم بالغلط نسيت
غاليه: لعد تعيدنها مايصلح هالكلام
نوره: بس ماكذبت جوري و شكرا ياعم
غاليه : ياويلي ياراسي بيجننونني هالبنيات قلت لكم عيب
عزام : ياخاله خلاص تقدرون تطلعون وانا الي بوصلكم لبيتكم اذا مابه مشكله
غاليه : الله يجزاك الخير يا وليدي والله ونعم الرجال انت
عزام : هذا واجبي ياخاله

*اعطت الدكتوره الورقه لهم ووقع عزام على الخروج بعد ماشرحت لهم خطه علاجيه لمده ٩ سنوات لنوره وجوري *

———————————————————————-

-سوري على السحبه بقي بارت او بارتين و نخلص ماضيهم😩

-اتمنى عجبكم البارت❤️