تقابلنا سابقا ولكن..؟ (مكتملة❤️)

P.8🤍

~The present ~

*حاليا نوره بعمر٢٣ و جوري ١٩ بعد مرور تسع سنوات في يوم من الايام كنت وابي على الاقدام امزح المهم خلوكم مع القصه وانا اكرر بفطس وانا اكتبها*

غاليه: قومنه قيامه بقعا تاخرتن على جامعتكن
نوره: *نطت من الفراش مترين بالهوا* يويلي اليوم اول اختبار بالجدول
جوري: *بسابع نومه*
نوره: قومي يا بنت اول اختبار و ورانا سفره
جوري: خمس دقايق
نوره : يمماااه جوري ما قامت
غاليه : وشنهوو؟
جوري: والله قمت خلاص
غاليه : اشوا يله بسرعه فطوركم جاهز تاخرتوا ساعه
نوره: ايشش

*طالعت نوره و جوري بالساعه لقو نفسهم قايمين بدري بساعه *

جوري: والله اني دريت
نوره: قلبي بغا يطلع من خشمي
جوري: امس منول تتحلف فينا امي ننظف البيت قبل السفره
نوره : لو ننظف ذا القصر منا لا بكره ماخلصنا
جوري: يله خيره قمنا بدري نتفقد الاغراض قبل ما نمشي ونراجع

*جوري اول سنه جامعه تخصص تحقيق جنائي
اما اختها طب باخر سنه *

*افطروا وتجهزوا وراحوا للجامعه وجلسوا بالمكتبه يذاكرون على بال مايبدا الكلاس ورجعوا البيت *

جوري: يمه عودنا
غاليه: كيف اول اختبار لس بالتخصص
جوري : بغيت افطس
نوره : ماعليه حبيبتي توك اول فطسه بيجي غيرها وتفطسين صدق
جوري : خلاص عاد لا تخوفيني فوق الخوف الي فيني
غاليه : يله يله ريحن وامشوا استلموا البيت مايحتاج اقسم الشغل بينكن عارفينه
نوره: ابشري

*اخذوا غفوه تفقدوا اغراض الطلعه للديره وحطوها بسيارتهم و رجعوا للبيت نظفوه ورتبوه وكل شي *

*طبعا نوره وجوري ما طبوا الديره من ٩ سنين وجدتهم ناويه ترجع عشان ناسيه لها صحون بس قرروا البنات يكسرون حاجز الخوف ويروحون لحالهم الديره لاول مره من ٩ سنين*

غاليه: لا تنسن ادويتكن هانت معد بقي الا كم شهر ان شاء الله وتفتكون منها الا وش قال الدكتور باخر مراجعه
جوري : الحمد لله كل شي تمام على الخطه العلاجيه مايحتاج ناخذ ادويه زياده
غاليه: الحمد لله بتفتكن من ذي الادويه الي ماتجيب الا البلا
نوره : الحمدلله على كل حال
غاليه : هيا يله روحن وعينكم على الطريق
جوري: ابشري يمه

*سلموا على جدتهم ومسكوا الخط و نوره الي تسوق *

جوري: امسكي جا وقت حبوبنا
نوره: علبه مويه بالله شوفيها بالكيس ذا
جوري: هاك *بعد ما اخذوا ادويتهم* ارفعي صوت الراديو وش يقول ذا

*يتكلم المذيع عن ٤ مجرمين هاربين وبينهم مصاب *

جوري: اقولك عودنا
نوره: لا تخافين محد يقدر علينا تدرين ليه
جوري: ليه
نوره: افتحي الدرج
جوري: * اول مافتحت الدرج طاح المسدس بحرفها * يويلي ويلاه من وين جبتيه
نوره: امس وانتي نايمه ابوي عزام جا البيت سلم علينا وراح من الرياض للشمال عنده تحقيق هناك وقالي عن المجرمين الهاربين واعطاني السلاحين ذي احتياط لان علمته بنسافر
جوري: المشكله مدري ليش خفت واحنا نعرف نستخدمهم
نوره: ادري مسويه بريئه الاخت
جوري: اقول شوفي البقاله البعيده والله اني مشتهيه عصير سبا
نوره : اشتهيه فمتو يارب بارد الي عندهم
جوري: يع ذا الفمتو
نوره: نعم اختي ؟ تبيني افحط فيك واوريك شغلس ؟
جوري: لا لا تكف...