تقابلنا سابقا ولكن..؟ (مكتملة❤️)

P.68🤍

✨اسم وريف فاز بالسحب✨

مرت الايام بهدوء صار معد يهاوش ولايحارش ولا حتى يطلب مرات من التعب تنام وتنسى تسوي عشاء او غداء ماكان يصحيها يروح يجيب او يقعد بجوعه لو تعبان

كانت تحن عليه شوي وتسوي له اكله وتصحيه وتعتذر انها مانتبهت لنومها وتساله ليه مايصحيها بس ما كان يجواب بدقه يصرف او يقول ماحسيت بالجوع اتمرن

صح حزنت عليه وتغير مره لكن برضوا ما تخدعها حركاته لانها يمكن يستلطفها ويسوي نفسه ضعيف ومسكين وفجاه يقلب عليها

الحين صارت بالشهر الرابع و وقت تخرجها وقررت ماتتوظف الا بعد ماتولد

في بيت غاليه احتفلوا كلهم بتخرجها و بنفس الوقت نوع الجنين <طبعا تسعينات مافي حفله بس تقولهم يعني>

وفاجئتهم انهم بنت واستغربت من مصلح كان مره مبسوط انها بنت توقعت يبي ولد بس واضح بيطير

وبحكم ان بطنها كبر شوي صار مصلح ماينام على المخده لا حبايبي على بطنها بس مايزعجها او يالمها

ولمن بطنها كبر سار مافي مجال ينام عليها ياخذ مخده يحطها جنب بطنها وينام

كثرت مشاكلهم بانها تقعد ولا تفكر تروح بس جوري مصره ولا تعطيه نقطه مجال ولا سماح

جوري:كنت اترجاك الحين دورك تذوق الي مريت فيه!
مصلح: جوري مايصلح تكبر من دون ابوها!!
جوري:لا صرت اب صاحي قولي مايصلح تكبر من دوني
مصلح: جوري!!
جوري: خلاص صدعت براسي بروح انام تعبانه

وعلى ذا الموال هذا هواشهم الوحيد غير اهتمامه فيها بعد الشهر الخامس بدت تتعب

بس مصلح جنبها ما يفارقها كان يحس فيها اذا قامت بنص الليل

مصلح: شفيك ؟ تحتاجين شي؟؟
جوري: لا لا انا بخير * شافها قايمه من السرير *
مصلح: وين رايحه
جوري: بشرب مويه
مصلح:مو سالتك اذا تبين شي؟انسدحي انا بجيب لك
جوري: مصلح ما احتاجك بس فيني تعب خفيف

مارد عليها ونزل يجيب كاسه مويه ورجع واعطاها

مصلح: رجولك تالمك؟
جوري: شوي

جلس قدامها يسوي مساج خفيف لرجولها لين معد تحس بنفسها ونامت

قامت الصبح وهي كويسه ونشيطه لقيت مصلح مكانه عند رجولها او حافه السرير ونايم

كسر خاطرها شوي بس مارح تلين او تسامح كلها فتره حمل وتولد ويرجع لطبعه اكيد