بداية حبايبي واصحابي واخواتي كل سنه وانتم طيبين وبخير ربنا يحقق لكم كل اللي بتتمنوه ويزيدكم من فضله ويتقبل منا ومنكم صالح الأعمال ويجعلنا من عتقائه من النار والمغفورين لهم بإذن الله
شكرا لأنكم استحملتوني انا اسفه علي التأخير بس كانت ظروف خارجه عن ارادتي للأسف الحمل وتعبه ورمضان مع ان الدكتور قالي افطري بس انا عاندت يلا الحمد لله صومته كامل ......بعتذر للمره التانية وعارفه ان التفاعل هايكون واقع وان في ناس بطلت تتابعها بس هاكمل عشان اللي لسه متابعها وربنا يقدرني.....
وقفنا في الروايه لما كان سلطان مش سايبها في حالها وبيدور عليها في كل حته بعد ما مامته هربتها ويوم مامسكها وهي بتهرب عمل حادثه وبقي أعمي وطلب منها ما تسيبهوش وهي عشان ما عندهاش كرامه قعدت معاه 😀
اخر بارت وقف لما وعد استغربت العلاج اللي بياخده سلطان وسألته ياتري هو علاج ايه وايه الأسرار اللي لسه ما عرفنهاش هاتبان في البارتس الجاية باذن الله
نبدأ البارت بقا....
#البارت_الثامن_والعشرون
__________________________
_دا علاجك يا حبيبي والعلاج اللي الدكتور كاتبه هانجيبه
وانا اتطمنت انه مافيش ضرر انك تاخده مع العلاج الموصوف لك
وعد باستغراب: هو ده علاج ايه ؟!
نفخت أمه بعصبية فخافت منها وعد ...
فرد إلياس : دا مهدئ لنوبات الغضب اللي بتجيلي
بصت ليه وعد باستغراب:
نوبات ايه ؟! وبتيجي امتي
إلياس: أحيانا بيجيلي تشنجات ومش بقدر اسيطر علي نفسي بئذي نفسي واللي حواليا فلازم أخد العلاج
وعد: طب ما انت قعدت معايا شوية ماحصلش حاجة ليه مش فاهمه
نفخت أمه بعصبية :
ده وقت كلام ! بجد انتي انسانه غريبة
وعد: أنا اسفه يا طنط
خرجت وسابتها وهي بتبص ليها بقرف ..
ضحكت وعد وهي بتبص لإلياس
إلياس باستغراب: بتضحكي ليه؟!
ردت وعد: ممكن تشوفني ماعنديش دم وكده بس أمك بتعشقني يا جدع دا انا هاشوف ايام سوده !
إلياس ابتسم: ماتقلقيش طول ما انا موجود ماحدش هايقدر يقرب لك
اتنهدت وعد : وبعدين يا سلطان
الياس بابتسامه: علي قد ما انا ندمان علي اللي بعمله وبلوم نفسي علي تصرفاتي بس متأخر للأسف علي قد ما أنا مبسوط انك لسه بتندهيني بسلطان دا معناه اني لسه ليا ولو شويه صغيرين
قاطعته وعد: تؤتؤ ما تخليش خيالك ياخدك لبعيد يا هندسة أنا موجودة معاك ...
قاطعها الياس: ايوه موجودة معايا ليه
