مـــــــلك روحـــــــــي

4

*صاح هشام بغضب داخل غرفه مكتبه.
_انت عايزني اقوله انا مش ابوك بعد كل السنين ديه اقولك ان ابوك هو فهد هو إلا قتل امك اقوله انك مش ابن شرعي لا يا أكرم لا مش هضيع ابني من بين أيدي لا.

_اهدا بس يا هشام خلينا نفكر بالعقل والمنطق البنت هتضيع ولد يهودي وحياه ومجتمع فاسد.... كل الا امها عايزاه انها تعرف ان ليها أخ يقدر يحكمها.

*نظر أكرم إلى يوسف الشارد كليا بتفكيره.
_ايه رايك يا يوسف.
*هز يوسف راسه بقله حيله يغمغم.
_مش عارف...حقيقي مش عارف الموضوع بقا صعب جدا وفارس مش مستعد نفسيا بالمرة.

*ضرب هشام فوق طاوله مكتبه بكل غضب.
_اتفضل شوف يوسف بيقول ايه يعني ابني ممكن يحصله حاجه بسبب بنت فاسده امها معرفتش تربيها بالمرة عرب ومصريين كتير عايشين في أروبا محديش فيهم انحرف ولا راح حب يهودي وكلهم نماذج مشرفه...لا يا أكرم فارس مش هيعرف حاجه ابدا.
*اقترب منه أكرم يربت فوق ظهره وهو يزفر بعمق.
_فكر كويس يا هشام علشان خلاص الأمر انتهى الست جايه مصر هي وبنتها.
*هتف هشام من بين أسنانه المصتكين.
_يعني ايه؟ هو أمر واقع محديش فيكم مقدر موقفي مش حاسس بالمصيبة الا انا فيها فارس ده ابني انا مش ابن حد تأني عايزين مننا ايه...ليه بعد السنين ديه كلها بنتكلم في موضوع اتقفل وادفن مع فهد ورانيا.
*تمتم يوسف بنبره حزينه وهو يتوقع كل ماهو مشؤم قادم لا محاله.
_اهدا ياهشام...كان لازم هيجي يوم وهيعرف الحقيقه مش هتفضل مستخبيه طول العمر المهم دلوقتي فارس لازم يعرف ويتقبل الوضع ويتأكد أن ابوه هو انت...فهد عمره ما كان أب له.
*شعر هشام بقبضة قويه تعتصر صدره والدماء تفور كالجحيم داخل راسه...جلس على المعقد بوجه محتقن بالدماء...وقف يوسف أمامه مفزوع يجذب معصمه ويراقب معدل النبض وهو يساله بارتباك.
_فين علاج الضغط بتاعك يا هشام.
*جثم أكرم أمامه يحل رابطه عنقه...وهشام يكاد يلهث أنفاسه من شده ضيق التنفس...بحث يوسف عن دواء الضغط ليضع تلك الحبه أسفل لسانه وهو يغمغم بخوف.
_ارتاح يا هشام هتكون بخير...علشان خاطر منه المسكينة الا بره وفرحها ....مكنش لازم تقوله يا أكرم.
*زم أكرم شفتيه وهو يهمس.
_والله قولتله بكرا عايزك في موضوع مهم بس انت عارف هشام لما يصمم.
*رفع هشام كفه وقد انتظمت ضربات قلبه وبدا يتنفس بشكل طبيعي.
_انا بخير الحمد لله...مش عايز حد يلاحظ حاجه مش عايز منه تحزن وتقلق يوم فرحها خلينا نخرج.
*هتف يوسف بقلق.
_المهم انت بخير...يا هشام قادر تقف.
*هز هشام راسه هو يرسم ابتسامه حزينه على شفتيه.
_بخير ازاي...الخير حيجي منين ربنا يستر.
************************
*نزعت معصمها الرقيق من بين يده القوية تدلكها.
_انت اتجننت ازاي تسحبني ورائك بشكل ده افرض حد شافنا هيقول علينا ايه.
*امسك فكها بقوه يضغط عليها حتى تألمت.
_حد زي مين...البيه الا كنتي وقفه تضحكي معاه.
*همست برقه وتردد.
_بيه مين...تق..تقصد مازن انا...
*جذبها من اكتفها يهزها بغل وقد بدأ في فقد أعصابه.
_مازن...كمان بتقولي اسمه كده عادي...تعرفيه من أمتي يا ملك...وانا مسافر...ايه بيحبك.
*اتسعت عيناها وهي لا تفهم سؤاله.
_ايه اعرفه من أمتي ديه وكمان بيحبني لا انت اكيد اتجننت...وبعدين انت مالك اعرفه ولا معرفوش...بيحبني ولا لاء انت راجع تتحكم فيا...كنت فين انت من سنه ونص علشان تيجي دلوقتي وتحسبني.
*اجابها بصوت مكبوت يحاول إخفاء انفعاله.
_كنت بفكر فيكي...كنت بحرم نفسي من كل حاجه الخروج والصحاب والنوم علشان افكر فيكي بتعملي ايه بتكرهيني حقده عليا مش عايزه تشوفيني ولا لسه بتحبني لسه بتفكري فيا كنت اصحى اقلب في التليفون يمكن اشوف صوره لكي اشوفك بتكلمي حد في بوست ولا كومنت ع الفيس علشان اعرف انك بخير...كنت بأخذ التليفون من محمد واسمع صوتك وانتي بتكلمي وتهزري وتضحكي معاه واكتم انفاسي علشان متعرفيش اني انا بس علشان اسمع صوتك كنتي معايا وانا صاحي وانا نايم في أحلامي وكو.....وبتساليني كنت فين.
*ارتجفت تمنع دموعها من السقوط تحني رأسها حتى لا تضعف أمامه.
_تعرفي مازن ده من أمتي...عرفتي حد تاني حد قالك بحبك اتكلمي يا ملك عايز اعرف انا كنت مغفل ولا لاء.
*اخذ ارتجافها يتزايد وهي لا تصدق ما تسمعه لا يثق انها لازالت تحبه بمجرد سلام عابر لشخص تعرفت عليه اليوم...يتهمها بأنها تعرفت على غيره وعاشت حياتها بقلب محطم وبقدم مكسورة على وشك العجز...زمت شفتيها تقل بهدوء.
_اعرفه من زمان هو صديقي مفيش حاجه بينا لحد دلوقتي.... بس يمكن يكون في قريب...هه ارتحت عرفت انا كنت بعمل ايه وانت بعيد عني وبتفكر فيا.
*حك ذقنه يبتسم بمرارة ليقل بصرامه.
_مش هيكون في حاجه يا ملك بينكم...علشان انتي بتاعتي انا ملكي من زمان.
ضاغطا على أسنانه وهو يجذبها من خصرها إليه بشده.
_وانتي لسه بتجري وتقعي بين ايديا...وانتي بتعيطي وتحطي راسك على ظهري... وانتي بتنادي عليا وتقولي فالس... ملك انتي مش حبيبتي وبس انتي بنتي واختي وصديقتي ناسيتي الا كان بينا.
*ضحك بسخرية يلتقط أنفاسه الهادرة ثم اكمل بصوت يشبه الفحيح اللاهب وهو يقرب وجهه من وجهها يلفحها بأنفاسه الساخنة.
_محديش يقدر يقرب منك حبيبتي...انتي متعرفيش انا ممكن اعمل ايه وقتها.
*همست بصوت غائب عن الواقع وراسها مثقل من أنفاسه التي تداعبها.
_انت مجنون...ابعد عني.
_بيكي يا حبيبتي مجنون بيكي...روحي يا ملك اعملي كل إلا انتي عايزاه مش هقرب منك تاني ولا هقولك بتعملي ايه...عيشي حياتك حبيبتي وانسى الا نساكي سنه ونص بعد انتي بنفسك ما طردتيه من جنتك... ووعدك هكون بعيد عنك ومش هقرب منك...بس والله يا ملك يوم ما يأخذك حد مني هيكون ليا تصرف تاني عمرك ماكنتي تتوقعيه.
*رفرفت بأهدابها تسأل نفسها...
_يعني ايه روحي يا ملك...يعني هيبعد عني تاني ويسافر.
*التفت بظهره العريض وطول الفارع يتحرك من أمامها...لتصرخ بغضب.
_استني...خلصت كلامك وادتني الأوامر انا مش تحت مزاجك.... ملك العبيطة خلاص اتعلمت تدافع عن نفسها.
*نقرت بأصابعها فوق ظهره وهي تحاول استفزازه.
_انسى اني اخد منك أوامر زي زمان ولا تعليمات انا اتعلمت اعيش حياتي زي منا عايزه وانت خلاص مش موجود في حياتي خرجت منها.
*تهجمت ملامحه وتألم ولكنه استمر في الوقوف بثبات و دون أن يلتفت لها سألها.
_متأكدة اني خرجت من حياتك.
*مسحت دموعها ترفع كتفها بعناد تقل.
_ايوه خلاص خرجت منها للأبد شوف حياتك وكملها من غيري.
*ظل صامتا لحظات غاص فيها قلبها رعبا ثم قال بصوت شديد الهدوء والرزانة.
_يبقا خالص يابنت عمتي هكمل حياتي من غيرك يظهر أن الفرح خلاص هينتهي عن اذنك اروح اشوف منه.
*ضربت كعب حذائها العالي بالأرضية تعض اناملها من الغيظ ودموع القهر تترقرق داخل مقلتيها.
_ايه الا انتي قولتي ده...بنفسك تقوليلوا عيش حياتك وكملها من غيري.
*اهتز جسدها تبكي بحرقه وهي تتطلع فيه يرقص مع منة الرقصة الأخيرة قبل انتهاء الزفاف يتحرك بها بخفه وهو يبتسم ابتسامته القاتلة الرزينة التي تفتك بها وبعض الفتيات ينظرون إليه بإعجاب ويتهامسون من بعيد باهتمام...قبضت اناملها على فستانها وهي تغمغم بصوت باكيا.
_فارس.
***************************
*استغلت امينه انشغال الجميع بالعروسين وتوديعهم وتقربت من طارق الذي كان يتحدث بهاتفه شعر طارق بالارتباك عندما رآها تقترب منه نظر حوله يتطلع على زوجته ليلمحها تقف بعيد مشغولة بالحديث مع بعض النساء.
*ابتسمت امينه وهو تمرر أصابعها فوق كف طارق بحذر...جذب يده بعيدا يقل بصوت منخفض متردد
_امينه انتي اتجننتي ايه الا بتعمليه ده.
*همست بإغواء وهي تمرر لسانها فوق شفتيها بحركة مثيره.
_وحشتني جدا يا طارق...مش عارفه اتلم عليك خالص في المجموعة ولا اكنك شايفني ومش بترد على تلفوناتي اعمل ايه هو مش....
*جف حلقه وهتف بغيظ وهو يبتعد عنها.
_امينه مش وقت الكلام ده خالص...نتكلم بعدين مش عايز حد يلاحظ حاجه انتي فاهمه.
*قوست حاجبيها بغيظ تقل من بين أسنانها.
_خايف الهانم تشوفك بتكلم معايا ولا ايه وحتى لو شافتك انا مش سكرتيرة مكتبك متخفش هي مش اخده بالها منك اساسا.
*قال بصرامه وهو يبتعد عنها.
_هعدي عليكي الصبح نتكلم مع بعض علشان عايز افهم ايه النبرة الجديدة ديه يا مدام.
*همست له بابتسامه ملتويه.
_هستناك يا زوجي العزيز.
*اتسعت عينان شروق التي كانت تقف خلفهم مباشره بصدمه لا تصدق ما وصل إلى مسامعها لتقل بصوت مفعم بالانتصار.
_طارق متجوز امينه ايوه كده والله وجت لحد عندك يا شروق بقا كده كده اخويا حبيبي متجوز واحنا منعرفش والله عيب لازم الكل يعرف ويهنيه.
*ثم هرولت شروق خلف امينه وهي تحمل ذيل فستانها تهتف.
_امينه..امينه.
*التفتت امينه لتقل باستغراب.
_مدام شروق...اهلا وسهلا بحضرتك.
*ضحكت شروق بمكر تداعب خصلات شعر امينه المتدلية فوق اكتافها العارية....تهمس لها.
_حضرتك ايه بقا يا أمينه قوليلي يا شروق عادي.
*قطعتها أمينة تقل بارتجاف.
_شروق عادي ازاي ميصحيش يا هانم.
_امينه...انتي مرات اخويا ووحده من العائلة.
*حركت امينه بؤبؤ عينيها الواسعتين تغمغم بشفايف مرتجفة .
_انتي عرفتي امتى وازاي.
*رفعت شروق كفها وقد تهجمت ملامحها بالغضب.
_مش شغلك عرفت ازاي وامتي...المهم عندي انك تبقى ذكيه وتستغلي الموقف وتظهري قدام الناس كلها أمينه الحسيني مرات هشام الحسيني مش تبقى في الظلمة وغيرك في النور.
*أشارت شروق برأسها على نغم التي تضحك بسعادة وزوجها يضم خصرها بذراعه والذرع الآخر يعانق به صغيرته ليلى.
*تمتمت امينه بتشنج وهي تهز جسدها.
_طيب وطارق...ده بيهددني لو اتكلمت هيطلقني.
*غمزت لها شروق وهي تراقب الجميع من بعيد ثم قالت بهدوء وهي ترسم ابتسامه على شفتيها.
_ومين الا هيقول انك انتي الا قولتي..... لا انتي يا حرام مسكينة زوجة عايشه في الظلمة وبضحي بنفسك.... في حد وحش شافك انتي وهو وعرف كل حاجه وراح قال لنغم ...شوفتي الناس الفتانة وحشين صح.
*ابتسمت امينه بخبث تسألها._
_حد زي مين؟ حضرتك نويه على ايه يا شروق هانم.
*ملست شروق على وجهها تقل.
_نويه على كل خير اصل بصراحه نفسي تكوني انتي مرات اخويا علشان بحبك بس كده شوفتي انا طيبه ازاي.
*ضحكت امينه تحرك شعرها بدلال وعيونها لا تتزحزح عن نغم السيدة الجميلة والتي تعادلها شبابا وأناقة وجمال لتهمس بفحيح.
_وانا كمان بحبك جدا يا مدام شروق.
*************************
*قبل محمد شمس من وجنتيها بمرح ثم قبل كل من الصغيران نادره وعبد الله ليقل لنادره بصوت اجش ناعم.
_ايه رايك يا نونه لو تتجوزيني.
*اسبلت الصغيرة جفنيها وشعرت بزقزقه العصافير حولها لتهمس بدلال وهي تتمايل.
_بس انا لسه صغيره وانت كبير.
غمز لها محمد بعيناه الساحرة...فنسحرت الصغيرة وابتسمت له.
_منا هستناكي لحد ما تكبري.
*لمحها بطرف عينه تأتي من بعيد فاكمل بصوت مرتفع ولكن تتخلله نبره حنان.
_هستناكي لما تبقى عروسه حلوه وجميله زي مايا.
*تسمرت مكانها وقد شعرت بوجهها يحترق من الخجل... وقفت تسترق السمع من بعيد وكل خليه بجسدها تنتفض شوقا إليه كما يبدو وسيما وجذاب
تنهدت تحاول التدخل بينهم بأي حجة ليأتيها صوت عبدالله وهو يقل.
_يااااه ديه لسه صغيره جدا...كده هتستني كتير يا اونكل غير أنها كمان مش شجاعة وبتخاف من الظلمة.
*عقدت نادره ذراعيها أمام صدرها تخرج نفس غاضب ثم قالت بصوت متذمر.
_وانت مالك...مانت كمان بتخاف من أفلام الرعب وبتحلم بيهم بليل.
*صرخ فيها عبد الله بغضب.
_انتي كدابه انتي الا بتخافي انتي وملك انا ومايا أقوياء و مش بنخاف.
*تدخل محمد وهو يضحك بقوه بين الطفلين يصفر بقوه.
_بسسس انا اسف انت شجاع وانتي قمر بس عبد الله عنده حق انتي لسه صغنونه عليه اسف بقا يا نونه مضطر اشوف عروسه تأنيه.
*لوت نادره شفتيها بزعل وهي تبرر موقفها.
_انت كمان طويل جدا...ممكن تتجوز اختي مايا هي جميله زي.
*صاح عبد الله وهو يضحك.
_يووه مايا ديه عصبيه جدا ودايما بتحب تتخانق.
_عبدالله اتفضل ع العربية حالا انت والست الخاطبة سماح وعفيفي ماشين.
*صرخت مايا فيهم بوجه عابس وحاجبين معقودين ركض عبد الله ونادره وهما يضحكان بينما وقفت هي بثبات أمامه ولكن من داخلها ترتجف بقوه وتشعر بوهن ساقيها.
*وضع محمد كفيه في جيوب سرواله يقترب منها وفجأه انحني عليها يستنشق رائحة شعرها يقل.
_واااو شعرك ريحته تجنن.
*انشقت شفتيها بابتسامه رائعة تملس فوق خصلات شعرها ولكن فجأه زالت تلك الابتسامة وهو يكمل باستفزاز.
_ده صابون لوكس.
*صاحت فيه بغضب وهي تبتعد عنه.
_لوكس ده تحطه انت في شعرك يا جاهل... وبعدين انت ازاي تقول للبنت صغيره كده تتجوزيني والكلام الفارغ ده مش حرام عليك البنت اوف مش هتتغير ابدا.
*عض شفته السفلي يقل بصوت هادي داعب به اوصالها الانثوية الناعمه.
_نادره قالتلي اتجوز مايا وقالت انك حلوه اوي هي فعلا عندها حق انتي زي القمر يا مايو.
*ارتجفت اوصالها تدريجيا وهي تسمع صوته الهادي المشع بالجاذبية المدافع لاذنها ولكنها تماسكت وأظهرت لا مبالاتها بكلامه تهتف.
_اسمي مايا...وبعدين ايه جميله ديه ما اسمحلكش ألزم حدودك معايا.
*ضحك يحرك حاجبيه بغيظ يغمغم.
_ياسبحان الله... عبد الله قال كده بردو عصبيه وبتحبي الخناق .
*أطلق صوت بلسانه وهو يغمز.
_تؤ مش بحب الست النكديه حتى لو كانت ملكه جمال الست لازم تدلع جوزها وحبيبها.... اااه انا كمان بحب الست الا بتعرف ترقص وأظن انتي مش بتعرفي.
*مطت شفتيها بعبوس وهي تهتف.
_امممم ومين قالك انك تعجبني انت انسان سطحي ومتخلف وتفكيرك كله شاذ...انت مش على مستوى تفكيري روح اتجوز راقصه تهزلك طول الليل.
*نظر إليها بذهول وابتسامه تسليه تداعب فمه الا انه قال بجديه.
_مايا لسانك طويل ومحتاج يتقص منه وانا عارف هقصه ازاي.
*ارتبكت تسأله بصوت متلعثم.
_ازاي يعني تقصه.
*اتسعت عيناه وقال وهو مقتربا منها.
_شكلك فهمتي غلط...هقصه في الشغل بالخصومات والنكد عليكي كل يوم انتي ناسيه اني مديرك وبعدين تعالى هنا ايه شاذ ديه يا قليله الأدب هتطلعي عليا سمعه انا طبيعي وزي الفل والله.
*هتفت بصراخ وهي تدفعه بالكمه في صدره وقد توهج وجهها.
_انت قليل الادب وغبي.
_مايا....ماياااااا انتي فين يلا بابا وماما في العربية.
*هتفت ملك وهي تناظر كل منهم بينما في نفس الوقت اقترب فارس من محمد دون أن يهتم بوجودها يقل بجديه.
_محمد اسهر انت مع الشباب انا تعبان ومحتاج ارتاح شويه.
* كادت أن تبكي وتصرخ فيه من قله اهتمامه دمعت عيناها وانتفخت أوداجها تتنهد بوجع.
*قال محمد بتذمر.
_ليه يابني النكد ده تعالى اسهر معانا سليم عنده رحله بكرا تعالى يا فارس متبقاش غلس.
*ضيقت مايا عيناها تغمغم من بين إسنانها.
_ما تسيبه في حاله واحد مش عايز يسهر لازم تخليه يسهر بالعافية وبعدين اسمع ابعد عن اخويا.
*ضم محمد قبضه يده يضربها في الهواء فابتعدت مايا وهي تشهق.
_وانتي مالك انتي المحامي بتاع اخويا وبعدين اخوكي مش صغير.
*انشغل محمد ومايا في الخناق والشجار بينهم
لتقترب منه ملك تهمس بعينان دامعه وانف منسقه حمراء.
_فارس انت.....
*ظل فارس واقفا مكانه ينظر لها في جمود ثم قاطعها يقل بمنتهى البرودة.
_عن اذنك يا انسه ملك.
********************،
*كان يوسف يقود سيارته وهو شارد الذهن يبدو على ملامحه الإرهاق من التفكير بما يخص فأرس في حين كانت ملك تجلس خلفه في المعقد الخلفي بالسيارة تصطنع النوم وتبكي بخفوت وقهرة لا تعرف هل هي أخطأت في حقه إلى تلك الدرجة التي تجعله يتعمد اهمالها وبكل سهوله ويسر يقل لها فليكن ما تريد...نهرت نفسها وهي تعض شفتيها حتى ادمتهم.
_انتي الا طلبتي منه يبعد عنك مرتين تتطلبي منه كده استحملي بقا بعده عنك والمصيبة هيبعد عنك وهو قدامك يارب اعمل ايه.
*صاحت مايا تضحك.
_شوفتي ياماما منة المجنونه كانت هتاكل بنت عمت أنس لولا عمتو مريم أدخلت في الوقت المناسب.
*ضحكت شمس بإشراق تكمل.
_لا مستحيل البنت ديه بيقت مشكله الله يكون في عونك يا انس.
*هتفت مايا بنزق.
_هيزهق منها طبعا...وتبقى حياتهم نكد في نكد ده أخرت الحب والجواز ووجع القلب.
*التفت إليها شمس بجسدها تنظر لها باستغراب وقالت برقه.
_انتي اكيد كنتي مشروع ولد في بطني وفشل ايه يابنتي النق ده عليهم حرام عليكي نكد ايه واخرت الحب َالجواز ايه هما لحقوا...وبعدين ماله الحب بقا مانا وابوكي ماشاء الله علينا وكمان أنس بيحب منة.
*وضعت مايا قطعه من البنبون في فمها تغمغم.
_ماما انتي وبابا غير وبعدين بابا حبيبي مفيش زيه ابدا ولا ايه يا دوك.
*ضربتها شمس وفوق يدها تهتف فيها.
_احترمي نفسك ايه دوك ديه والله مش عارفه انتي اسلوبك زفت كده ليه... ده مالك الولد أرق منك....ساكت ليه يا حبيبي ما تقول حاجه.
*ابتسم يوسف يرفع كفها يلثمه بحب.
_انتي كنتي احلى من العروسة من بناتك ومن كل إلا الموجدين.
*صاحت مايا وهي تصفق.
_اوووه ايه الرومانسية ديه يا بابا...اااه يابختك يا شموسه اصحي يا ملوكه شوفي الحب.
*نظر يوسف في المرأة على ملك النائمة أو يخيل له انها نائمه.
_سبيها يا مايا نايمه هي عادتها طول عمرها تنام في العربية.
*همست شمس بقلب ام حنون وهي تتطلع فيها.
_قلبي وروحي يارب اشوفها عروسه في بيتها واوصالها انا وانت يارب حبيبي.
*تمت يوسف بقلب موجوع وهو يعلم جيدا بأنه ملك لن ولم تفكر الا بفارس وانتهى الأمر... أطلق زفره ملتهبة يسأل حاله وماذا عن ماضي فارس الذي ينتظره للأسف مصير صغيرته ملك معلق بمصير حبيبها وملك لن تتخلى عن فارس ابدا.
************************
*وضعت حقبيتها الكبيرة فوق ارضيه المطار الرخامية وهي تنظر حولها ثم قالت برقه.
_مامي هو بابا ملك ميعرفش بمعاد وصلنا.
*ملست فلورا فوق وجه ابنتها الناعم تهتف بالعربية.
_ميرال... حبيبت الماما دكتور يوسف مش يعرف معاد وصول انا قولت اعمل مفاجأة احنا نأخذ تاكسي ونروح نعمل مفاجأة.
*هتفت ميرال بعربيه ممتازة نظرا لقضاء معظم طفولتها مع والدها المصري الجنسية.
_انا سعيدة اخيرا هشوف ملك بنت خالتو كلارا الله يرحمها واتعرف عليها كانت فكره ممتازة انا اجي معاكي مصر يا مامي.
*ابتسمت فلورا تهمهم.
_أن شاء الله محامي يكون كويس ويقدر يخلص اجراءت ميراث باباكي بسرعه ونرجع دبي على طول.
*قبلت ميرال شديده الجمال و الرقة امها وهي تغمغم بفرحه وقلب منشرح.
_أن شاء الله مامي.