💎وبك القلب يحيا💎

💥اقتباس💥

تجلس أمل بمفردها علي الأريكه في بهو شقتها أمام التلفاز تحضر فيلم (حب لا يري الشمس) وتشاهده بتأثر شديد فقصته حزينه ومليئه بأحداث صعبه للغايه

اما سامر يجلس بغرفة مكتبه يراجع بعض الكتب الطبيه الخاصه بمجال تخصصه كما يشاهد أيضاً علي اللاب توب بعض الفيديوهات الخاصه بعمليات جراحة العظام لـ كبار الأطباء عن نفس حالة الطفل الصغير الذي سيجري له غداً عمليه كبيره وصعبه في الساق

دق هاتف أمل برقم والدة سامر تحمحمت حتي تقدر علي الحديث بعدما زالت دموعها... ازيك يا ماما عامله إيه

هتفتها ناهد بجمود عكس ما كانت تحدثها به دائماً... مش بخير واصل

خفق قلب أمل بقوة لم تعرف لماذا واعتدلت من جلستها ثم اغلقت التلفاز وتحدثت بقلق.... مالك يا ماما إنتي تعبانه طب عمي حسن في حاجه طمنيني عليكم

اجابتها بنبره حزينه.....زعلانه عشان لغاية دلوجيت ما شلتش حفيدي الغالي اللي هيحمل اسم العيله،، اديكي جربتي علي السنه
ولساتك ما حبلتيش وشكلك اكده ما هتخلفيش واصل الچواب باين من عنوانه،،،،

واكملت وهي علي نفس الحال
أنا عارفه إني حديتي تجيل حبتين علي جلبك ومش لاَدد عليكي بس ديه الحجيجه

تسقطت دموع أمل علي وجنتها بغزاره فـ هي لم يخطر ببالها يوماً أن والدة زوجها ستتحدث معها بهذه الطريقه لأنها دائماً تعتبرها امً لها....
إيه الكلام اللي بتقوليه ده يا ماما،،،
إنتي عارفه أني بتعالج وإن شاء الله ربنا هيكرمني بس لازم شوية صبر عشان العلاج بياخد وقت

تحدثت ناهد بغضب كبير....
صبر إيه اللي هتتحدتي عنيه
اللي اعرفه إن الواحده تتچوز وبعد التسع تشهور تچيب عيل وإنتي من يوم ما سجطي العيل مافيش حاچه حُصلت،،
إني خابره زين إنك هتحبي ولدي الداكتور عشان اكده حددتك لحالك وياريت الحديت يفضل بانتنا عاوزاكو تدلوا البلد وتجنعيه إنه يتچوز وعشان تعرفي انحبك وخايفه علي مُصلحتك هخليكي إنتي اللي تختاري العروسه اللي هتعچبك إيه رأيك

شهقت أمل وجحظت عيناها بعد سماع الجمله الاخيره من ام زوجها.....
بتقولي إيه،، سامر يتجوز عليا وأنا اللي اقنعه واختارها كمان،،، إنتي عاوزة تموتيني،،، ليه بتعملي معايا كده

اجابتها ناهد بكل هدوء كأن تلك قاعده الحياة ويجب علي أمل تنفيذها دون جدال.....

أنا بجول ليك الصُح هو مش هيطلجك ما تجلجيش هو هيتچوز وانتي هتفضلي علي ذمته
الست الشاطره اللي هتحب چوزها بتعمل اكده،، ما تخلهوشي من غير نسل ولا عزوه يبجي لحاله في الدنيا،،،
أنا هتحدت معاكي من جلبي عشان معتبراكي زي بنيتي،،
و إلا كان ممكن اچوزه من وراكي وكنتي هترضي بالأمر الواجع غصب عنِكِ،،،،

اهدئ اكده وشوفي هاتفتحيه ميتي وبلغيني مع السلامة يا أمل يابتي....
أغلقت ناهد الهاتف وأغلقت معها فرحة أمل من الحياة باكملها...
،،،،،،،،،،،،،،،،،،،،،،،،،،،،