احببنى ولم أراه♥️ بقلمى/ سهيله السيد

البارت الحادى عشر 🌼

فى منزل ماجد خرجت تيا من غرفتها لتعتذر لوالدها عما صدر منها ،،،
تيا : بابا اأنا آسفه
نظر لها ماجد ولم يرد ،ذهبت له تيا واحتضنته وقبلته على جبهته ،،
تيا : أنا وعدت ماما هنسا الموضوع واوعدك ان مش هيتكرر تانى عشان مبحبش اشوفك زعلان منى
ماجد : تيا حبيبتى انا خايف عليكى شغل ده مش مناسب ليكى لو مناسب كنت وافقت لكن عاداتنا متسمحش بكده
تيا : حاضر ي بابا
ماجد : طيب ي حبيبتى قومى ادخلى اوضتك
حوريه : ماللك اي مضايقك
ماجد : عايزين ننزل البلد بعد ما تيا ويوسف يخلصوا الترم ده
حوريه : قررت خلاص
ماجد : أيوة قررت مش هسيب أهلى وأمى اكتر من كده بقالنا سنين بعيد عنهم وانتى ي حوريه لازم نروح ل باباكى هنعزمه ع خطوبه عمار ونحل الموضوع ده
حوريه : ربنا يقدم اللى فيه الخير إن شاء الله

على الناحيه الاخرى فى غرفه تيا ،،،
تيا : ألو ي أكرم
أكرم : هااا قولتلهم ع الشغل
تيا: قولت ورفضوا
أكرم : خلاص متزعليش اول ما نتجوز هحققللك حلمك
تيا : قولت اي 😳
أكرم : أيوة نتجوز ي تيا ليه مستغربه
تيا: مش مستغربه بس موضوع ايجه بسرعه
أكرم : عشان بحبك ي تيا
تيا بخجل : وانا كمان
أغلق أكرم معاها وعاد الى مكانه مره آخرى

فى قصر عمر الشافعى ،،،
فهد : ها ي إياد عرفت حاجه
إياد : لا لسا
فهد : لييه دا كله مش عارف تجبلى قرار واد صايع زى ده
إياد : فهد مفيش حاجه عليه غير معلومات قولتللك عليها ولسا مبيتقابلوش اصلا
فهد : خلاص اقفل

فى مطعم التى تجلس فيه تاليا وآيسل ورغده ،رأوا شخص لينظروا لبعضهم بصدمه ،،
تاليا وآيسل فى صوت واحد : أكرم
تاليا : بيعمل اي هنا ومين اللى حاضنها دى
آيسل : أكيد واحده من الزباله اللى يعرفهم
تاليا : طب هنعمل اي هنقول ل تيا
آيسل : تيا لازم تعرف كل حاجه
تاليا : طب اتصلى بيها تيجى بسرعه
آيسل : مش هينفع دلوقتى لازم نمشى من هنا قبل ما يشوفنا 

ڤيلا إيهاب ،يجلس عمار مع نهى وإيهاب ،،،
إيهاب : معاد خطوبه اتحدد خلاص فرحانين
عمار بابتسامه : فرحان دى قليله ع اللى حاسس بيه دلوقتى
نهى : ربنا يخليك ليا ي بابا
إيهاب : ويخليكى ليا ي حبيبتى ويفرحكوا دائما

فى الصعيد يستعد توفيق الى الذهاب الى القاهره بعد معرفته لمكان ماجد ،،،
والدته : على فين ي ولدى انت ورجالتك
توفيق : ل بيت ماجد اخوى ياما
والدته: اوعك تأذى اخوك ي توفيق مش هسامحك واصل
توفيق : متقلقيش ياما بعد ما شوفت ولاده ههمله ياما عشانهم
والدته بفرح: صوح ي والدى عنده مين
توفيق : واحد من الرجاله بقول عنده بنت والدين
والدته : ربنا يحفظهم ليه
توفيق: وووه ياما لساتك بتدعيله بعد اللى حوصل منه
والدته : عدى موضوع ي والدى مبجاش ليه فايده خلاص ابوك مات من التعب اللى كان عنده مش من اخوك
توفيق : حاضر ياما ههمله مش هأذيه هعرفه غلطه بس اكده
والدته : أمانه عليك ي والدى خليه ياجى يزونا ويقعد معانا يومين
توفيق : حاضر ياما مع السلامه