Assassin Princess Consort {Realm-28}

Chapter-10

《Unicode》

အခန်း(၁၈၁၃) : နင် ပူးကပ်ခံထားရတာလား?

ကျီ​ထောင် ကျိုးပဲ့​နေ​သော လက်​ကောက်ဝတ်နှင့်အတူ သတိလွတ်သွား​လေသည်။ သူမမျက်နှာက ဖြူ​ဖျော့သွားကာ ချက်ချင်းဘဲ နာကျင်မှုတို့ဖြင့် ​အော်ဟစ်​တော့သည်။ သူမက ဆက်၍ ​အော်ဟစ်​နေ​လေသည်။

"လ-လက်, လက်..."

"ငါ့လက်...", ကျီ​ထောင် လက်ခမျာ ယိုင်​ခွေကျ​နေ​လေသည်။

ယင်းစုမျက်လုံးမ​ျားက ရွံရှာမှုတို့ စွန်း​ထေးလာကာ ကျီ​ထောင်လက်ကို လွှတ်လိုက်သည်။ ကျီ​ထောင်က သူမလက်​ကောက်ဝတ်ကို အခြားလက်တစ်ဖက်ဖြင့် အုပ်ကိုင်ကာ ​မေးလာ​လေသည်။

"မမ​လေး ဒါဘာလုပ်တာလဲ? ကိုယ့်ကိုကိုယ် ဘာလုပ်​နေတယ် ထင်​နေတာလဲ?"

သူမ(ယင်းစု)က သူမ(ကျီ​ထောင်)၏ လက်​ကောက်ဝတ်ကို အ​ကြောင်းရင်းမရှိဘဲ ချိုးပစ်ခဲ့သည်ပင်။

"သူများ ငါ့ကို လာထိတာမုန်းတယ်", ယင်းစု ​အေးစက်စွာ ​​ဖြေလိုက်သည်။

လက်​ကောက်ဝတ်က နာကျင်မှု​ကြောင့် ကျီ​ထောင် ​အော်ဟစ်​တော့သည်။

"မမ​လေး သရဲပူးနေတာလား? ဘယ်လိုလုပ်ပြီး ဒါမျိုးလုပ်နိုင်ရတာလဲ!?"

"နင်ကမှ သရဲပူးခံထားရတာ", ယင်းစု ထရပ်လိုက်ကာ ကျီ​ထောင်ကို ပါးနှစ်ခါဆင့်ချလိုက်သည်။, "နင့်ကိုယ်နင် ဘာ​ကောင်မလို့ ထင်​နေတာလဲ?"

ထိုအချိန်တွင်ဘဲ ​ခြေသံမ​ျားအပြင်ဘက်က ​ပေါ်ထွက်လာ​လေသည်။ ​ဘရိုကိတ်ဂါဝန်ဝတ်ဆင်ထားသည့် ကောင်းမွန်စွာ ထိန်းသိမ်းထား​သောအမျိုးသမီးတစ်ဦး ဝင်လာ​လေသည်။ သူမက အသက်၃၀ခန့်ဟု ထင်ရသည်။ သူမကား သခင်မဖုန်းပင်ဖြစ်ပြီး သူမ​နောက်တွင်​တော့ သမီးဖြစ်သူ ဖုန်း​ဖေးယန်က လိုက်လာ​လေသည်။

ဖုန်း​ဖေးယန်က အ​တော်​လေးလှပ​လေသည်။ သူမ ကိုယ်​ပေါ်ကအဝတ်​တွေက စနစ်တကျကိုယ်တိုင်းယူပြီး ချုပ်ထားခြင်းဖြစ်ကာ လက်ဝတ်ရတနာများကို အဝတ်အစားနှင့် လိုက်ဖက်​အောင် စနစ်တကျ​ရွေးချယ် ဆင်ယင်ထား​လေသည်။ သူမ၏တည်ရှိမှုတစ်ခုလုံးက ​တောက်ပ​သောမြူနှင်းတို့ဖြင့် လွှမ်းခြုံထသကဲ့သို့ ဖြစ်​နေ​လေသည်။