جبل فينزوك

•اخي مستذئب! •

ان يوسف بقى الملك وقتل الملك الظالم بتاعهم وهنا الذئاب كمان تقبلته.

ليان: طب ازاي الكلام ده يا عمتو وهم صعب التفاهم معاهم.
شهد: ما هو..... ثم نظرت شهد و الى ساعتها فوجدت ان الوقت قد تاخر

شهد: يلا نروح دلوقتي الوقت اتاخر

ليان: بس يا عمتو انا عايز اعرف حصل ايه

شهد: معلش بقى بابا يبقى يحكي لك.

وصلتا الى المنزل

يوسف:اتاخرتوا ليه؟ قلقت عليكم جامد

شهد: معلش الوقت سرقنا

يوسف: يلا روحي غيري يا ليان عشان تنامي

ليان: حاضر يا بابا بس كملي القصه معلش.

يوسف: حاضر من عيوني. وصلتوا لحد فين؟
حكت شهد اين توقفت من القصه ثم ودعت اخوها وغادرت الى منزلها.

يوسف: ليان حبيبتي هكملك القصه

ليان: ايوه يا بابا انا متحمسه يا ترى عملت ايه عشان يتقبلوك ملك ليهم

يوسف: بصي لما بدات اتسلق الجبل كنت خايف اوي اني ما ارجعش ثاني بس فجاه لقيت خمس مستذئبين وقفوا حواليا مره واحده وكنت قايل في نفسي خلاص كده كده انا ميت وهما بيهجموا عليا فطلعت سيفي وقتلت اول واحد طبعا الاربعه خافوا وهربوا وراحوا وقالوا للملك بتاعهم فبعت جيش من المستذئبين عشان قلقوا وقائدهم الوزير وانا مكمل مسيرتي على امل اني الاقي القصر فلقيت الجيش في وشي وسمعت صوت مالوف بيقول هجوم راح ركز في وشي شويه وانا من الصدمه والخوف اتصنمت وما عرفتش اتحرك وفجاه سمعت صوت بيقول وقوف بدا يقرب مني كل ما يقرب قلبي يدق اكثر من الخوف

قال لي: يا يوسف انت فاكرني؟

من الصدمه سكت ما توقعتش خالص فقولتله: لا مش فاكرك اسف.

فقال لي: يا لهوي مش فاكر كده اخوك؟

طبعا اول ما سمعت الكلمتين دول بكيت وحضنا بعض جامد وبكينا احنا الاثنين وبعدين هدينا وقعدنا نتكلم عن ازاي هو عايش لحد دلوقتي.
قال لي: كنت ماشي في الشارع فجاه لقيت حاجه اخذتني من وراء وحطت قماشه على عيني و واخذوني بعيد وما حسيتش بحاجه غير بعضه جامده في رقبتي وجعتني جامد لدرجه قعدت اسرخ و حسيت وشي بيتحرق وجسمي كله كمان وحسيت باحساس غريب جدا وبحراره عاليه في جسمي ولما شالوا القماشه اللي كانت على عيني لقيت المناظر دي زي اللي انت شايفها دلوقتي و لقيتني انا كمان بقيت زيهم كنت وقتها بتمنى الموت بس حصلت حروب هنا فعرفت ليه هم خطفوني المهم انت ايه اللي جابك لولايا كان زمانك ميت و شهد بتبكي عليك

.
فضحك يوسف وقال: انا اصلا سايبها بتبكي انا جيت عشان احط حدود للي بيحصل ده خطف وتدمير اسواق وسرقه اكل ده يرضي مين بس والملك بتاعكم والوزير مش حاسين بحاجه

قاطعه ايمن و قال: ما انا الوزير اهو وبقول لك الملك ظالم ووحش جدا ومش حاطط قوانين وكده وكل ما افتح معه الموضوع يقفله بحجة انه هيقتلني وكمان في مجرمين وعمالين يقتلوا في المستذئبين وبينزلوا يقتلوا فيكم

ابتسم يوسف ابتسامه خفيفه و قال: طب وايه رايك نحط خطه؟

ايمن: خطة؟؟