جبل فينزوك

•شيطان في غرفة اخي•

ثم تناولا طعام الافطار ثم ذهبا الى الجامعه وهما في الطريق

قال ايمن: مالك يا يوسف وشك مخطوف كده ليه؟

يوسف: مفيش كان حلم وحش وكده يعني وانت عارف

ايمن: خير متفكرش فيه يلا اهو وصلنا روح يلا على محاضراتك وانا رايح اهو يلا سلام.

يوسف: ماشي سلام

ظل يوسف طوال اليوم يفكر في الحلم الذي كاد يصيبه بالجنون عاد للمنزل وكادت عائلته ستصدق انه اصبح ابكم و ظل بقية اليوم في غرفته وعندما اصبحت الساعه 9:00 مساء ذهب في نوم عميق وفجاه ليان تقفز على سريره واستيقظ يوسف ووجد نفسه على السرير هو و مريم

«يوسف الان لا يدري انه يحلم»

ليان: بابا اصحى يلا يا بابا كملي القصه يلا يلا احنا بقينا الضهر وانت لسه نايم يلا

يوسف: هو ايه ده كله يا ليان براحه عليا هكملك حاضر يلا عشان ناكل الاول و هكمل

ذهبوا و تناولوا الطعام ثم جلس الثلاثة في غرفة المعيشه

يوسف: واخيرا انا بقيت الملك

مريم: ايه ده انتم وصلتوا هنا بسرعه كده؟

ليان: شوفتي بقى يا ماما

يوسف: كملوا انتوا كلامكم بقى

ليان: بابا يلا كمل

يوسف: المهم عدت الايام وعدلت القوانين اللي كانت ظالمه في الجبل وكمان انتشر السلام في القرى القريبه من الجبل المهم كان في واحد حكايتي معاه زي حكاية اوس مع عمر كان بيكرهني كده كره المهم طبعا على حسب كلام اخته(ملك): انه اول ما سمع انك بقيت ملك اتجنن بجد فضل يكسر في اوضته ولما حاولت اهديه ضربني وبابا وماما محاولوش معاه حتى وفضل قافل على نفسه طول اليوم على اللاب توب بتاعه ورسومات كثيره شيطانيه في اوضته تقريبا كان عايز يعمل لك سحر يا يوسف

ضحك اوس و قال: ايه الهبل ده ؟ مستحيل يتعمل سحر ل أي حد على الجبل

ليان: ايه ده يا بابا انتوا روحتوا عند بيت ملك ولا اي؟

يوسف: لا يا بنتي هي اللي جات الجبل

ليان: طب ازاي المستذئبين مهجموش عليها

يوسف: انا كنت قايلك قبل كده ان انا حطيت قوانين وفي قانون ان اي مستذئب يهجم على بشري هيتعدم

ليان: ماشي يا بابا كمل

ملك: ايوه ما انا عرفت لما صحيت من يومين بالليل الساعه 2:00 بعد منتصف الليل عشان اشرب مايه و كنت معديه من جنب اوضته سمعت صوت غريب ومخيف

بيقول: انا لا يمكنني ان اؤذي اي احد على هذا الجبل

كنت مندهشه من اللي انا سمعته فعلا المهم سأله نفس السؤال اللي جه في بالي,ليه؟

بس محمد اضاف و سأل:ليه مينفعش كده يا شيطان ؟

حرفيا سمعتها من هنا قلبي دق بسرعه من كتر الرعب من هنا.

الشيطان: هناك عدة اشياء حدثت لا دخل لك بها.

محمد:انا عايز اعمل اي حاجه تضره فيدني بقى ده انت الشيطان.

الشيطان:حسنا يمكنك قتله عن طريق الذهاب اليه

ضحك محمد و قال: هو ده التمام.

و من كتر صدمتي شهقت وللاسف كانت عالي شويه و

سمعت الشيطان بيقول: شكل اهل البيت هيتعبونا

طبعا انا جريت على اوضتي ونمت على سريري وقفلت باب الاوضه وبعدها بدقيقتين باب اوضتي اتفتح و.....