بين الحب والاسر

اعلان



            بين الحب والاسر

قصه عراقيه واقعيه تسلط الضوء
على موضوع مهم

وهو موضوع اسرى الحرب العراقيه الايرانيه
اطرقت في قصتي الى ذكر بعض
الانعطافات المهمه في العقود الاخيره لتاريخ بلدي العراق
ممكن تكون غير مهمه للبعض
لكن من وجهة نظري انها امتداد
لما نعيشه الان ولهذا نحن امام مسؤلية اظهارها بمعاناتها
وتعريف
جيل الانترنيت ما حملته لنا تلك السنين

الى كل متابعيني واصدقائي
اقدم مشاهد من قصتي الجديده

       ( بين الحب والاسر)

قصه تبدأ احداثها من سنة ١٩٧٩
صوتو حتى انزلها

           ( امل مهدي  )
قصتي الاولى اذا نسيتوني اذكركم
       (لم يكن اوان الحب )

مشهد  ١
السنه ١٩٧٩
اميره....
تبجي وجهاله داير مدايرهه.....
اشلون يربي......خاف الرجال ايموت
وين انطي وجهي....لا اهلي يمي
لا احد خلي اروح البيت المختار اخابر على ابو محمد بلكت يجي ايشوف اخو
لبست عباته.. جلبو وياهه شهد وعقيل..يمه وياج اروح
....يمه وين رايحه اني اخابر عمكم بلكت يجينه ايودي ابوكم مستشفى....شو اطيني الجزدان
شيماء يمه....
هو حتى فارغ اشلون شوكلكم حتى الجم فلس العندي خلصت...ربي دبرني ما عندي غيرك
طلعت الدنيه بارده والشارع طين
البارحه ماطره وذوله مجلبين بعباتي
كوه عبرت الجهة بيت المختار
وصلت بيتهم
ودكيت بابهم
مساء الخير ام عدنان
هله عيوني اشلونج ام رائد
والله على الله... اريد اخابر إذا ما اصير زحمه..
اي اتفضلي عيني
فتت للبيت....ذبيت نعالي بالطرمه
ولكم انزعو نعالاتكم
فشله انوب انوصخهم
...كان التليفون ارضي وحاطي بالكليدور على رف
وبصفه مزهريه بيه ورد نايلون....
فريت الرقم بالقرص مال التليفون وشلته على أذني ايدك ومحد يشيله ...دكيت مرتين ما كو...اشلون بله والله استحي ارجع غير وكت...
طلعت حايره...
اشكرج عيني
................
مشهد.    ٢

ثاني يوم داومت وكان استاذ خالد موجود...بعدني اباب الشعبه وأجاني جندي اسمه حسن ست سراب المدير يريدج
.......ما اعرف ليش سرت رجفه ابداخلي.....قويت نفسي ورحتله

سراب_ مرحبا استاذ خالد... سلمت واباوع بوجه
يباوعلي بغضب بس يحجي بهدوئ

خالد _ تعاي تفضلي اكعدي
كعدت واني خايفه من هذا الهدوء
ظل يباوع ابوجهي وساكت
بعدين نطق

معقوله ما حسيتي بيه... نظراتي اهتمامي... خوفي... وغيرتي عليج
كلماتي الي حاطتج بالامان...ما اوحت الج بشي

شنو اسوي حتى الفت انتباهج

ليش....وين جان الغلط بيه لو بيج

بعدين همس بيأس.....
اني اتاخرت ...لو انت اجيتي متاخره

مع الاسف......كنت راسملج حياة
مراح تتمنيه حتى بخيالج.....

سراب......
اني كنت دائما اتسائل كل اليسوي وياي شنو وهسه عرفت
كان يحبني....نزلن ادموعي وهو يحجي ما عندي جواب
اخر شي ختمه  وقعت كتاب نقلج
رفعت راسي وباوعتله...

اني أسفه لأن سببتلك جرح اني ما كنت اعرف شعورك اتجاهي ولا أذكر فديوم صار بينه شي

........لان ما ردت اللوث  برائتج بكلمات
حب مال مراهقين....ردت تفهمين
اني كنت اخاف عليج حتى من نفسي...واحسب احساب لكل تصرف يبدر مني...

دار الكرسي الدوار ونطاني ضهره.....
اني طلعت من يمه بس كنت مقهوره وبنفس الوقت خايفه على وسام ينتقم وياذي
ما كان بيدي اي شي اسوي لملمت حاجاتي الخاصه و ودعت البنات صديقاتي وطلعت هذا افضل شي اليه اغير مكاني ما ريد
اظل ابوجه وهو حاقد عليه
..............
مشهد     ٣
الرائد.....شنو ما اروح للمكتبه شبيكم
واحدكم جنه بومه ومكابل
الثاني...
ياسر....غير وسام امظلمه فوك ما هيه ظلمه يول كوم تره طافره الدنيه من عيني
وسام......تدرون الموت اشرفنه من هاي العيشه محبوسين على ياذنب
عمرنه هذا وشبابنه الديضيع
لويش
المن انحاسب ومنو مسؤل
سراب حبي وروحي واحلامي
الجنت ابنيه وياهه منو مسؤل عن هدمهه
امي التكول يوميه وسام اذا صار عليك شي اموت
اشلون حاله هسه
وما عرف من احسبهن سنين طويييييله
تدري سيدي
.....هم كال سيدي انت ما تبطل
.....تدري لو مزوج بهذيج السنه جان هسه ابني عمره ١٢ سنه
دخلت هنا عمري ٢٢ وهسه ٣٥
الللللله هوايه
ولتفت على ياسر...كان يستمعله ودموعه تنزل بسكته
لك احجي مو هوايه ونزلت ادموعه
والله هوايه حتى الصبر مل من عدنه
قريت كتب لو اخذ شهاده بيهن هسه عندي
الدكتوراء
تمشيت بهذا المعسكر حتى حفظته
لويشدون عيوني هم افره فر
مو سيادة الرائد جاوبني...هلمره ما علق لان جان يبجي
منو باك عمرنه
كلي منو العلى حق ومنو الباطل
واحنه اسلام لو شنو......
ونهار...كام يبجي بصوت عالي
سراب ...ااااااااخ ياسراب
حتى بالحلم متجيني...
اكيد خالد النذل هسه ازوجه
هو نقلني لان اخذته منه تتوقعون يعوفه بعد الصار بيه
سراب بعدج بنت روحي ليش
احس روحي خلصانه وما عندي روح

ياسر.....يبجي كافي وسام لا زيد همي
لك ياسر ...كلي ليش احنه هنا
حرب وخلصت
اريد واحد يجاوبني يا اسلام
شنو الذنب السوينا
لو يعدمونه احسن المن يصرفون علينه اكل وشرب
المن باقين
الرائد.....كافي كوم اويايه

كانو يمنه كاعدين اسرى نعرفهم
كانو يسمعونه لان صوتي عله ويوصلهم همه هم كل واحد حط ايده على عيونه ونزلت ادموعه
الكل يعيش هاي المأسات سنين
عمرهم واحلامهم وامنياتهم ماتت
بطريق الانتظار

كومته وهو مهدود حيله
.......ابويه يمكن مات
التفتو عليه اثنينهم
الرائد.....يمعود صلي على محمد
انت صاير اهوايه اتفكر
وسام......شفته بالحلم يوصيني على امي
ياسر......دنك يول اني كلبي خلصان
لا اذكرني وزيد همي
الرائد.....غسل عمي وسام وتعال نطلع
(قل لن يصيبنا الا ما كتب الله لنا)
فوض امرك لله اشبدينه قدرنه هذا
امشي انصلي ركعتين لوجه الله
وعسى الفرج قريب

______________

اتمنه  اصوتون وتعلقون حتى ابدي انزل القصه
مع فائق تحياتي
وشكري الجزيل لحضراتكم

++++++++
وشكر خاص لمصممة الغلاف
الزمرد الاحمر 333_ror@
++++++++