رواية # عبير الياسمين
تصويت +تعليق
ولاتنسون متابعة للحساب وتعليق بين الفقرات فضلا وليس أمرا
..........
عبير : اليوم الخطوبه جان سبوع كله احداث بين تنضيف ومخابرات علا وايفين ياخذن رايي بالملابس والشغلات الي يشتروها الي من يجهزون
بعدها جابولي النيشان والجهاز جايبن شغلات حيل حلوه حته موبايل بعدها خلصت العده اول البارحه
___
البارحه رحنه للمحكمه عقدنه كم مره علاء يريد يحجي وياي جنت اجاهله اخاف ماعرف ليش يمكن جنت اخاف لا يطلع مثل سنان
من طلعنه من المحكمه ورجعنه للبيت تفقو علاء وامه ويه وليد اليوم الخطوبه وباجر الحنه وبعده العرس
___
حاولت اعترض ماجنت متوقعه بهل سرعه
وليد خزرني سكتت مجبوره لان قبلها لمحت الوليد بالخطوبه جان يجاهلني لحد مارحت عليه كتله اريد خطوبه
حجه بعصبيه كال كم مره عدتها عليج كتلج هذا زواج مو لعبه وكتيلي موافقه انتي تدرين بيه ماحب الخطوبه والطبه والطلعه
كتله بسس عاط بيه لابس ولا شي
سكتت اني لجبته لنفسي كل همي انتقم من سنان مافكرت راح يصير زواج بهل سرعه خلي اكوم احسن كمت تريكت وبديت تنضيف خلصت دخلت سبحت طلعت لغرفتي اجهز بنفسي
اجتي شيماء شلونها عروستنه
عبير : تنفست بضيق الحمد لله جيتي بوكتج هاج سرحيلي شعري
شيماء : تكلب بشعري والله حلو ممحتاج
عبير : لا ميخالف سرحي حته نبرمه بالكاويه سوت مثل ماكتلها سرحته بعدين برمته بالكاويه حته كذلتي برمتها عفته مثل ماهو ماشلته ولا سويت تسريحه شتغلت الهلاهل بالبيت
نسوان اخوتي مشغلات التلفزيون معلياته كل قوته ويركصن بدلت لبست
فستان من الي جابو بالجهاز لونه احمر ساده مخصر عل جسم
لنص الساق يعني جوه الركبه الصدر مالته مثل قلب الحب
وردان مالته منفوخه شويه ولبست كعب لونه برونزي
لبست خلخال وتراجي ومحبس ناعم كلهن لونهن فضي حطيت مكياج خفيف
جتي هدير وكلللش تهلهل وياها ايمان كلللش كالن والله عفيه عليج عبير يوميه زوجي وخلينه نشبع ركص
جاهلت كلامهن ادري بيهن يريدن يغثني
شيماء : عاد بالجذب كللها شلون حلوه طالعه تخبلين طيبن خاطرها بكلمه كالن
ممحتاجه راينه الشمس متتغطه بالمنخل مثل فلكت القمر طالعه
همستلي شيماء جانت قريبه مني كالت ريا وسكينه اول مره يكولن شي بي خير ههههه متنه ضحك ههههه. هدير كوللش ايمان كوللش راحن يركصن بالهول يم التلفزيون
أنت تقرأ
عبير الياسمين
Roman d'amourمُتبعثرة ضَائعة غَائصة بِأفكاري مَا تمنيْتُ بَعد الفقد أَمنِية كمَا تمنيْتُ أن اُهرب مِن مُتَحرشي لَجنة الفردوس هَارِبة لا حُزن ولا ألمِ كُسر خَاطرِي وأنَا لِجَبر الخواطر سَاعية فُؤادي مُتصدع مَنثور واقفة بَاسمة الثغر نَاجية
