🍃 9 🍂
بمكان ثاني
ببيت نايف وامه وصلو نايف مع نوره للبيت ودخل سيارته داخل البيت ، كان كبير ، نايف معطيه الله فلوس وخير ، عكس ليث اللي كان عايش مع اهله عيشه بسيطه مو فخمه ولا ضعيف مادياً
اما نوره كانت عايشه ببيت اكبر من بيت نايف مع ابوها
تنهدت وهي تناظر للبيت
نايف:انزلي نوره
ماردت نوره ونزلت ومشت للباب ونايف وراها يمشي
دخلت نوره ووقفت بنص الصاله ماتدري وين غرفتها ولاتبي تسأل نايف
نايف وقف وراها وابتسم:نوره
نوره ساكته وتتلفت تدور خدامه تسألها
نايف وقف قدامها وصدت عنه
نايف:تبين تطلعين غرفتنا
نوره لفت له وتكلمت من بين سنونها:اسمها غرفتي مو غرفتنا
نايف استغرب:ليش
نوره:بدون ليش ،، وين الغرفه
نايف ناظرها بدون ما يرد
صدت نوره بقرف ومشت بسرعه لفوق تدور بنفسها ولقت الغرفه واضح مفتوحه ومبخره وواضح جديده دخلت وضربت الباب بقوه وقفلته ونزلت عباتها بهدوء ورمت نفسها ع السرير من سكرت عيونها انفجرت بكى ، اللي حبته نساها وتزوجت واحد ماتتمناه شخص بدون شخصيه ومن بين دموعها غفت بدون ماتحس
اما نايف كان مستغرب من كلامها جلس بالمجلس عشان امه ماتشوفه وتصير سالفه وجلس يفكر بكلام نوره الغريب
،
نروح لبيت وليد وميعاد بعد ماوصلو ماحد فيهم تكلم ميعاد دخلت غرفه امها وقفلت ع نفسها ووليد جلس بالصاله بضيق ، يفكر بكلام ميعاد لسعد كل كلمه قالتها صح بس المكان غلط > ومتاكد ان اللي صار تراكم ضغوطات لميعاد وانفجرت بدون ماتحس ، واللي قاهره ان سعد مالحقهم واكيد راح لزوجته
،
القسم
بمكتب ليث
وائل:خلاص ماخلصت نفسيه انت؟
ليث مارد
وائل:ي ادمي حس شوف الساعه بتصير وحده
ليث ناظر له:روح انت ولاتنسى رند جيبها
وائل:رند بترجع مع ابوي
ليث تنهد وصد
وائل:ليث البنت تزوجت ادع لها بدال هالنفسيه
ليث ناظر له بحده
وائل اخذ نفس؛طيب طيب ادري عصبت بس شسوي فيك
ليث بضيق قام واخذ جواله
وائل:اخيررراً
وقام معه وطلعو وليث ماقال ولا كلمه وكل واحد ركب سيارته واتجهو للبيت..
