❤️📝 روايات وقصص مميزة 📝❤️:
🍃 102 🍂
رجعت نوره للبيت
وقبل تنزل مسحت دموعها وطلعت مرايتها وضبطت كحلها والسواق مايناظر لها
اخذت نفس ونزلت ومشت للفله رنت الجرس وفتحت الخدامه
ودخلت نوره ومتجه لدرج ووقفها صوت
ام نايف:اهه اخيراً جت هذي زوجه نايف
لفت نوره وشافتها وجنبها حرمتين وحده كبيره ووحده واضح صغيره بالعمر
قربت لهم نوره ونزلت لثمتها
نوره:اهلين
ام نايف:تعالي حبيبتي سلمي ع زوجه عم نايف ، ام سلمان وبنتها البندري
نوره سلمت عليهم
ام سلمان:ماشاءالله شفتها بعزيمه الزواج بس ماشاءالله طالعه قمر
ابتسمت نوره
البندري:ماشفتك بالعزيمه انا لاني انشغلت ولا بالزواج ماقدرت احضر
نوره:وشفيني الحين ، ع العموم تشرفت انا بطلع تعبانه شوي
ام نايف:ليش حبيبتي
نوره ناظرت لها وببالها تقول (الله ياخذ النفاق)
نوره:ابد خالتي بس تعبت من التمشي مع خواتي وبنت عمي ، استاذنكم
ام نايف:اها اذنك معك
لفت نوره وطلعت وام نايف ابتسمت لهم وجلسو
ام سلمان:ماشاءالله الله يخليهم لبعض
ام نايف:امين امين
،
اما عند نوره من طلعت رمت نفسها ع السرير واسكرت عيونها حست بقهر من كل كلمه سمعتها اليوم لامت نفسها ع روحتها لرند ولبيتهم ولامت نفسها انها تكلمت معه مسكت راسها بقوه وسمعت صوت باب الحمام عزكم الله يفتح
قامت شافته طالع وعليه منشفه ع خصره
نوره صدت؛اسفه ماكنت اعرف انك هنا
مارد عليها واتجه لغرفه الملابس ونوره قامت نزلت عباتها واخذت قميصها بتدخل تلبس ع طلعه نايف لابس ثوبه وبيده شماغه
نايف:هاه كيف زيارتك اليوم
نوره؛حلوه
نايف صد عنها واخذ جواله وجاء بيطلع وقفته نوره
نوره:نايف
لف لها ونوره تناظر له تذكرت كلام رند (ان ليث خطب ميعاد)
ابتسمت نوره:لا ولاشي بس انتبه لنفسك
نايف عقد حواجبه مستغرب
ابتسمت نوره ودخلت تبدل ونايف مسسسستغرب هز كتوفه وطلع سكر الباب
من سمعت نوره صوت الباب نزلت دمعتها وغسلت وجهها بسرعه عشان تختفي وتروح
،
بمكان ثاني
غريب صغير وشكله حوسه واثاث قديم وادويه وشاش ورجال شايب شعره ابيض جالس ويسمع الراديو
وجنبه شخص ع السرير مكشوف صدره وملفوفه يده بشاش ومعه طرحت بنت لافها ع رقبته ويشمها ومبتسم
الشايب:اقول ي وليدي جلوي توك منصاب وطلعت الرصاصه من كتفك بسبب هالطرحه وصاحبتها بعد للحين تبيها
ابتسم جلوي:وزاد اصراري عليها ، ي عم انا عشقتهااا
الشايب:هههههه الله يعينك اجل وينولك مرادك
جلوي:امين
ورجع سكر عيونه وضغط ع الطرحه
🍃 103 🍂
ببيت ابومشعل
مريم متكتفه بالصاله ومنال وامل واقفات قدامها بعبيهم
مريم:ايوه اكذبو بعد
منال:لا والله يمه بس جد تاخرنا لاننا كنا نتكلم بفرحه مع نوره واخذنا الوقت
مريم:وبعد!
منال:وشو بعد يمه هذا اللي صار
مريم:وانتي امل وش عندك انطقي
امل ناظرت لامها ولمنال:ماعندي شي بنام
وتركتهم وطلعت لفوق
مريم استغربت:شفيها ذي
منال توهقت:ماادري تدلع
مريم ميلت فمها:ورند ذي وش عندها
منال:ماعندها شي بس تكلمنا عن الجامعه
مريم صدت وجلست:اي ان شاءالله ماتكونون تكذبون علي عشان مااذبحكم
منال سكتت شوي ولفت بتطلع الدرج وفجاءه تذكرت شي ورجعت لامها
منال:يمه
لفت لها امها:مممم
منال:ماسئلتي عن نوره
مريم اخذت نفس وناظرت لتلفزيون:شلونها
منال:طيبه ، بس ليش ماتسئلين عنها يمه
مريم:هذا انا سألت اووف
منال:بس يمه ...
قاطعتها مريم:خلصناااا ، اطلعي بدلي ونامي وراك جامعه
منال بضيق ناظرت لها وبعدها اخذت نفس ومشت لدرج ومريم ناظرت لها وميلت فمها ورجعت تناظر لمسلسلها
،
بنفس البيت بالقسم الثاني
مشعل:بتسافر يبه!
ابومشعل:اي بسافر شغل
ابوليث:متى
ابومشعل:بكرا
مشعل:طيب بروح معك يبه طفش هنا
ابومشعل:ومن ينتبه لشغل بالشركه
مشعل:ي ليل
ابوليث حس انهم شاطفينه:انا استاذن
ابومشعل:اجلس
لف له ابوليث:وش عندك
ابومشعل:بتكلم معك عن عيالك
ابوليث عقد حواجبه:وش فيهم
ابومشعل؛اول شي وش صار ع سالفه ليث
اخذ نفس ابوليث:خلها ع ربك كل يوم يصر اكثر من امس
ابومشعل بعصبيه:بيفضحنا بين جماعتنا
ابوليث هز راسها ونزل راسه
مشعل:انا اقول خلونا نوقف بوجهه احسن
ابومشعل:احسن حل له
ابوليث تنهد وقام بدون يتكلم طلع
ومشعل لف لاابوه:شفيه عمي
ابومشعل:ماادري لاتهتم ، وقوم قول لامك تجهز شنطتي
مشعل:سم
وقام مشعل وابومشعل بدون اهتمام قام وطلع ورا مشعل للفله
