❤️📝 روايات وقصص مميزة 📝❤️:
🍃78 🍂
جالسه ميعاد بالصاله تناظر رند ترجع بعد ماتكلمهم
كانت تناظر لباب الصاله وتتخيل احد اخوان رند يدخل وتخيلت شكلها وضحكت ع فتحت الباب ماانتبهت ولاسمعت له وهي تضحك
دخل ومن شافها جمد ويشوفها تضحك وماحد عندها رفع حاجب وابتسم ع الخفيف
رفعت راسها وناظرت له واختفت ابتسامتهااا وجمدت
ليث بهدوء:تضحكين مع من!
ميعاد ماتحركت وتناظر لهه جامده
ليث نزل راسه وكاتم ضحكته
دخلت طلعت رند من المجلس وانصدمت
رند:ليييث اطططلع
ليث:هههههههه طيب تعالي
وناظر لميعاد وصد وطلع وميعاد ماتحركت
رند:وانتي شفيك تغطي
ميعاد لفت لها:ووين الغطاء!
رند:الجلال جنبك
ميعاد ناظرت له وحطت يدها ع فمها وضحكت رند ولحقت ليث
للحوش
وميعاد مسكت الجلال وحطته ع وجهها من الفشله ماقدرت تثبت وتهمس
ميعاد:غبيه الحين يقول عمداً ماتغطت والجلال جنبهاا غبيه غبيه
،
بالحوش
ليث:كيف الوضع للحين
رند:شفيك تتكلم معي كاني شرطي عندك
ليث:اسئلك انتي وش فيك ، ماتذكرت احد من اللي خطفوها
رند:لا
ليث:حلو ، حاولي تخلينها قريبه لك حيل لان لو ابوي شافك تحبينها ماراح يتكلم
رند ابتسمت:اصلاً حبيتهااا
ابتسم ليث وقبل يتكلم سبقته رند وهي تناظر للجوال
رند:اتصلت باامل ومنال يجون بس الظاهر امهم مارضت ونوره طالعه تتعشى مع نـ...
قبل تكمل تذكرت انها مفروض ماتكمل ورفعت راسها شافت ليث وملامحه جااامده يناظر لهااا
رند:اااءء شسمه تبي عشاء!
ليث ساكت
رند:انا بسوي عشاء لي ولميعاد
ومشت ووقفها صوته
ليث:خطبت ميعاد
جمدت رند ولفت له بهدوء
رند:ايش!
صد ليث واخذ نفس وسكر عيونه
ليث:بتزوج ميعاد
رند تناظر له بصدمه
لف ليث ومشى ورند مااستوعبت ابد اللي قاله
لين دخل لمجلس الرجال ودخلت لصاله وهي ساهيه تفكر
سمعت صوت ميعاد وهي مغطيه راسها بالجلال
ميعاد:وافشششلتتتتتيي بس ، هاه وش قال قال اني متعمده صح صح
رند تناظر لها ماقدرت ترد
ميعاد:ااااااي اكيد قال كذا انتي ساكته اكيد هذا كلامه اخيه بسسس اخيه
رند جلست جنبها وتناظر لها ميعاد سحبت الجلال وبان وجهها
ميعاد:وش فيك تكلمي
رند ابتسمت بتصنع:البنات ماراح يجون وشسمه ليث يبي عشاء يمكن و..
ميعاد:ماجاب طاري صح
رند:لا
ميعاد ارتاح:زززين الحمدلله
ابتسمت رند لها وهي تفكرر بكلام ليث
وميعاد ماتدرررري عن شي
🍂 79 🍃
بمجلس الرجال
من دخل كان ساهي ويفكر بكلام رند (نوره طلعت تتعشى مع نايف)
سكر عيووونه بقوووووووووه حس شي داخله يحتتترررق حس بكتمه بضيييق خلاص نوره صارت لغيره وليث مااقتنع بهالكلام للحين ، نوره طلعت تتعشششى مع غيره مع زوووجها مع اللي بتصير ام لعياله مسك راسه وضغط عليه بقوه واخذ نفس
وليد:ليث
رفع ليث راسه وناظر له
وليد:فيك شي!
ليث جلس يناظر لوليد شوي ووليد وائل استغربو
ليث:انت قلت لميعاد عن شي!
وليد:لا ليش
ليث اخذ نفس:لا ولا شي بس لازم تقولون لسعد؟!
وليد رفع حاجب:لا مو لازم
ليث بهدوء:براحتكم بس يعني اهو جاني اليوم ويبيكم
وليد:توه يتذكر
ليث:وهذا اللي قلته
وائل:من سعد
لف له وليد:يقال انه اخونا
وائل بملامح المستغرب:ليش !مو معك!
وليد:لا تزوج وانعزل
وائل:اها
ليث:ع العموم طردته منرفزني هالادمي
وليد:احسن يستاهل
تنهد ليث ولف لتلفزيون ووائل رجع لاوراقه ووليد جلس يفكر بسعد اكيد ناوي ع شي دامه راح لليث وتجرء
،
ببيت سعد
عهد بفرحه:جد
سعد:اي من طلع من القسم لحقته لين عرفت بيته وتاكدت من شفت سياره وليد
ابتسمت عهد:زززين الحمدلله ، اللي عليك عاد تجيبهم عيب بكرا الناس وش يقولون عن سعد جبر ، اخته واخوه ببيت ضابط مايعرفونه
سعد:اي صح
ابتسمت عهد:يسلم لي سعدي
ابتسم سعد لها
،
بيت ابومشعل
بمجلس الرجال
مشعل رفع حاجب:مدخلهم غصب عليك ي عمي
ابوليث:مو بس كذا الادهى ان ليث خطبها
لحظه سكوت وصدمه
ابومشعل:خطب البنت ذي اللي ماادري من وين جايبها
ابوليث:اي والله
مشعل؛انسفه هذا؟؟!
ابوليث:الظاهر كذا
مشعل:اسسسسستغفرالله
ابوليث:شلون بمنعه ، ضاق صدري اي والله ضاق
مشعل:ولاتقول الولد اخوها
ابوليث:اي
مشعل بعصبيه:مايصير يجلس عندكم البيت في بنت
ابوليث:عجزت وانا اتكلم
مشعل:خلها علي بكرا
تنهد ابوليث ومشعل عصب تخيل لو وليد يصادف ويناظر لرند حس بقهر وقام بسرعه من المجلس
