❤️📝 روايات وقصص مميزة 📝❤️:
🍃 68 🍂 غرفه رند
كانت ميعاد صاحيه وجالسه تناظر من الدريشه
رند:انا بنزل اسوي فطور لك واطلع لهنا
لفت لها ميعاد باابتسامه:مايحتاج
رند:ميته جوع انا
ميعاد:هههههههه طيب
ابتسمت رند ونزلت وميعاد رجعت تناظر من الدريشه شافته طلع من البيت بهيبته وببدلته اللايقه عليه ركب السياره ومشى وميعاد جلست تناظر له لين اختفى وسهت تفكر بااشياء وبسرعه ابعدت هالافكار عن راسها وجلست ع السرير وتربعت
،
عند وليد من قام لف الفراش وحطه ع جنب وجلس ع الكنب ومسك راسه سمع صوت الباب يتسكر وطلع جواله وبدا يطقطق فيه يضيع الوقت
،
عند رند من نزلت وشافت ابوها جالس وواضح متوتر قربت له
رند:يبه
لف لها
رند:فيك شي!
ابوليث اخذ نفس؛ تعبت من اخوانك تعبت
رند بسرعه:سلامتك من التعب
ابوليث:هذا جايب لي ناس مانعرفهم يسكنهم معنا والثاني ماغير يذاكر لي وادري انه مو متحملني..
جلست رند جنبه بخوف:يبه استهدي بالله ، ليث ووائل مايبون لك التعب
ابوليث قام بتعب:اي واضح
ع طلعه وائل من المجلس لابس السكراب وامعه الاوراق
وائل:صباح الخير
لفت له رند
وائل:موو فاضي متاخر ، باي
وطلع بسرعه وابوليث بضيق:شفتي اخ أخ بس
وطلع وراه وورند اوجعها قلبها ع ابوها
وبضيق اتجهت للمطبخ تسوي اي اكل لميعاد
،
عند ليث من وصل القسم
نزل ودخل لداخل وسلم ع الشرطه ودخل مكتبه وانصدم بوجود سعد عقد ليث حواجبه
ليث:نعم!
سعد بناظر له بحده
ليث رفع حاجب:تكلم
سعد:ابي اخواني وينهم مو بالبيت
ليث انصدم وبعدها ضحك بااستخفاف
سعد بعصبيه:ماقلت شي يضحك
ليث جلس ع مكتبه:طيب اعصابك
سعد:اقول لك وليد وميعاد وينهم
رفع ليث راسه بسرعه وناظر لسعد بحده
ليث:شكلك ناسي من تتكلم معه
سكت سعد وصد
ليث:توك تتذكر اخوانك
سعد:ابيهم
ليث:انساهم
سعد انصدم وعصب
ليث:اطلع برا
سعد:طيب قوولي ميعاد مسويه فضيحه صح وساتر عليها انت صح
انصدم ليث وناظر لسعد بحده وعصبيه وسعد خاف من نظرته
ليث:عيد وش قلت
سكت سعد
ليث بصرخ:عيد
سعد بتوتر:ميعاد وش مسويه
ليث :اها كذا قصصدك
سعد نزل راسه وليث قام وصار قدامه ومسك قميصه من فوق بقوووه
ليث من بين اسنانه:طلعت احقر من اللي كنت متوقعك تكون
سعد صاد:لوو سمحت اعطني اخواني ، وميعاد بكشف عليها يمـ...
ماكمل وضربه ليث بقوووووه بوجه وطاح ع الارض
🍃 69 🍂
ليث من طاح سعد ع الارض نزل له وجلس ع ركبه قدامه..
ليث بحده:انت من ايش مخلوق اختك هذي تقول عنها هالكلام كيف
سعد ناظر لليث:انت قلتها اختك يعني انا اولا فيها
ليث بعصبيه:وتوك تتذكرها ، توك تبي تكون اولا مني
سعد سكت وليث قام ووقف قدامه
ليث:وليد وميعاد عندي انسى تشوفهم قبل تتعدل .
سعد:بس ا...
ليث بعصبيه:برررا وترا بالقوه ماسك نفسي عن قرار ابعادك عن هالقسم
سعد حس انه بدا يكره ليث اكثر واكثر قام من الارض ولف وطلع باانكسار
وليث يناظر له بقرف ووجلس ع الكرسي وتنهد
،
نروح لبيت ابوليث
بغرفه رند
ميعاد كانت تاكل ورند تتكلم عليها
رند:ومنال تؤام امل يعني مو مره يتشابهون بس ماادري دايم مع بعض ونوره اختهم الكبيره قبل فتره تزوجت
ميعااد: حلو شوقتيني لهم
رند:اي وامهم اسمها مريم تشوفينها تحسينها صغيره
ميعاد:ماشاءالله
رند:وعندهم اخوهم اسمه مشعل بعد يطلع بكل مكان فجاءه ماادري كيف
ميعاد:ههههههههههههههههه شلون كذا
رند:ماادري لاتسئلين كذا فجاءه يطلع بوجهك
ميعاد:هههههه
رند:وبس هذا هم اهل عمي
ميعاد:الله يخليهم لكم
رند:امين
سكتو شوي
رند:اي ماقلت لك شي بعد
ميعاد:ايش
رند:نوره اللي تزوجت قبل فتره اخذت واحد اسمه نايف يخوف
ميعاد بااستغراب:شكله قصدك
رند:اي وامه متسلطه عليه يعني حالها يكسر الخاطر
ميعاد:ي حياتي وليش وافقت لاتقولين ماعرفت!
رند سكتت شوي
ميعاد استغربت من سكوتها:اسفه اذا تدخلت و..
قاطعتها رند:لا عادي اصلاً ماتكلمت معك الا لاني حسيتك قريبه
ابتسمت ميعاد لها
رند:مم نوره وليث كانو يحبون بعض حيل حيل و...
ميعاد بصدمه:ليث يحب!
رند: مو واضح ع شخصيته بس مع نوره ينقلب يصير شخص ثاني ومن عرف عمي ماقبل هالشي ابد وزوج نوره قبل يتقدم لها ليث ويبلش مايقدر يدور عذر ويرفضه
ميعاد منصدمه:وششش صار بعدين!
رند:ماصار شي ، بالبدايه ماتقبلو بس شوي شوي احس ليث يحاول ينسى او يتناسى بالاصح
ميعاد:ونوره!
رند:ماتوقع نوره بتنساه . هالادميه حيل تحبه
ميعاد اخذت نفس بضيق:الله يعينهاا ويعينه
رند:امين ، يلا كملي اكل
ميعاد:لا شبعت
رند:بالعافيه ، تعالي بننزل تحت مافي احد الحين
ميعاد:اوك بغسل واجيك
رند:انتظرك زين
واخذت الصينيه وميعاد دخلت تغسل
وبعدها نزلت لتحت لعند رند بالصاله
،
عند وليد كان طفشان ومايدري وين يروح تذكر سيارته اللي مفروض تطلع امس وماجاها اخذ جواله وطلع من البيت ومشى بالشارع لين حصل له تاكسي ركب وااتجه يطلع سيارته
