بسم الله الرحمن الرحيم
#حور الليث#
بقلمي ياسمين فؤاد.💙
...................................
في كافتيريا الجامعه كانت تجلس هي وياسمين لتتحدث بقلق:هنعمل ايه ياحور في المصيبه دي.
حور:مش عارفه الدكتور دا مش هيجيبها لبر ولا ايه،بس سيبك منه دلوقت
ياسمبن بخوف ظهر عليها : ياشيخه ايه البرود اللي انتي فيه دا ، آه ياني ياصغيره علي البهدله يا ياسمين انا فعلا لو سقطت ليث هيغضب عليا وانا مقدرش علي غضبه وعصبيته عليا ،ربنا يستر .
لترد حور: ايه دا يابنتي انتي جبانه اووي خلي قلبك جامد.
ياسمين: ليث صعب اووي ياحور وبتجنبه دايما وقت غضبه هو آه بيحبني بس دا ميمنعش اني بخاف منه برضوا .
لتتفهمها حور وتغير مجري الموضوع وتنهض لتقول لها : يلا نمشي عشان متأخرش علي الغدا ، لتقول ياسمين لها : ليث هيجي ياخدني ، لتودعها حور وتذهب .
*****************************************
عند اياد في مكان عمله.
احس اياد بصداع برأسه لاحظه عليه زميله بالعمل .
استاذ سعيد:مالك ياستاذ اياد ؟!
اياد: لا ابدا بس حاسس بشوية صداع في راسي.
سعيد: لا انت مش لازم تسكت علي الموضوع دا انت بقالك فتره بتشتكي من الصداع لازم تطمن علي صحتك.
اياد ليشعر بالقلق :انشالله انا هقوم اروح دلوقت يلا سلام
سعيد : سلام .
*****************************************
وصل امام الجامعه بسيارته الفخمه ،تسبقه رائحة عطره الخلابه فتنبهر به الفتيات برجولته الطاغية المهلكة و وسامته ، ترجل من سيارته لداخل الجامعه ،حتي يصطدم بها ،لتتأوه حور وتقول بغضب شديد مش تفتح وانت ماشي يا أخ ،ليغضب هو الاخر من حديثها معه هكذا ولسانها السليط فمن تكون لتتحدث مع ليث الجيار هكذا (دي بقا هتبقي عملك الاسود ياباشا😂😂♥)
ليث :دا بدل ماتتأسفي انتي اللي غلطانه .
لتتحدث بعصبيه من ذاك المتكبر :مين اللي تتأسف حضرتك اللي خبطت فيا وهتتأسف دلوقت.
ليهم بالرد، ليقاطعهم ذاك الحازم .
حازم:حور!
لتزمجر حور وتتأفأف :عاوز ايه يا حازم ؟!
حازم: مين دا ؟!
ليتركهم ليث مع حديثهم ويذهب لشقيقته.
حور: وانت مالك بيا قولتلك الف مره متدخلش في حياتي لتذهب وتتركه مع افكاره الخبيثة وانه لن ولم يستسلم ابدا حتي تقع هذة المغروره في شباكه ويكسب رهانه مع اصدقائه.
*****************************************
كانت نائمه،لتراودها تلك الكوابيس مرة اخري ، تلك الطفلة الصغيره التي تبكي .
:ماما انا خايفه متسبنيش هنا لوحدي ، لتبتعد عنها والدتها والطفله تزيد في نحيبها وبكائها ، ليأتي شخص ويأخذها معه وكلما سحبها يزدد المكان ظلمه، ليقعوا في حفره عميقه ، وهي تصرخ وبشده ، لتفزع رسيليا وهي تبكي وتسأل نفسها لما تراودها تلك الاحلام ، لا ليست احلام بل كوابيس.
*****************************************
يتوجه نحو اخته بل ابنته وطفلته المدللة له .
ليث: حبيبت قلبي بقالك كتيير هنا لوحدك !!
لتدعي انها غاضبه منه وبشده ، وتشيح بوجهها للناحيه الاخري .
ليضحك هو علي هذه الطفله التي لم ولن تكبر ابدا
ليث : القمر زعل مني ولا ايه ؟!
ياسمين: وهي تنظر له وترتسم الغضب علي وجهها ، آه ومتتكلمش معايا تاني، ليا نص ساعة اعده لوحدي ومستنياك.
ليث بأسف: اسف والله ياروحي بس وانا جاي في واحدة مستفزه ومغرورة وسليطة اللسان خبطت فيا وعاوزاني اعتذرلها بدل ماتعتذر هي عن غلطها ، وقفت وعملت لي مرشح ، بس اتدخل حبيبها علي اخر لحظة ورحمها مني وإلا كنت وريتها قيمتها وعرفتها كويس ازاي تتكلم مع ليث الجيار .
ياسمين : ومين دي اللي قدرت بقدرة قادر انها تعمل كل دا وتعصب ليث باشا .
ليث: مدعي عدم الاهتمام لهذة الفتاة سليطة اللسان ، سيبك منها يلا عشان نمشي .
ياسمين وكأنها تذكرت شئ : لاااا انا برضوا زعلانه ولازم تصالحني .
ليقهق علي صغيرته : عاوزاني اصالحك ازاي ياست ياسمين !!
ياسمين: اممم عاوزاه شوكلت كتييير .
ليث : حاضر تؤمري .
ياسمين: ولسه في كمان.
ليث : ايه تاني .
ياسمين مدعية التفكير : و...شيبس كتييير اوووي ومصاصات وايس كريم وكولا وسندوتشات وحلويات و...
ليث بذهول من اخته : حيلك حيلك ايه كل دا ؟! انتي هتاكلي كل دا ؟
لتضحك ياسمين وهي تقول : آه هاكلهم انا وحور عشان لما بتزعل من باباها بتخليه يصالحها بكل دا وتجي تقسهم معايا .
ليث: طلعتي مفتريه زي صاحبتك بالظبط ، ليذهبوا ليلبي لاميرته كل ماتطلبه منه .
*****************************************
في قصر الجيار وتحديدا في هبو القصر .
يجلس علي كرسيه بكل شموخ وهي تجلس بجواره ، ليدلف هو عليهم.
احمد:أخيراا البييه شرف.
ليتأفأف هو بملل ،ويقول وعليكم السلام ، اذيك يابابا ‘ اذيك ياعلا هانم.
علا: اهلا يا شعيب ايه الغيبه دي كلها .
لينظرلها شعيب، الشغل بقا ياعلا هانم .
احمد : شغل ايه اللي يخليك بالاسبوع برا البيت .
شعيب : ورايا صفقه بخلصها بضطر اني اتأخر وبنام في شقتي ، ودلوقت عن اذنكم هطلع اوضتي ارتاح شويه ، ليذهب دون ان ينتظر الرد .
لتدلف في هذه الاونه ياسمين .
ياسمين : هاي بابي ، هاي انطي علا .
احمد : اهلا ياحبيبة بابي ، اتأخرتي كدا لييه ، عم صالح جالك متأخر؟!
ياسمين: لا انا قولت لعمه صالح ميجيش عشان ليث هو اللي وصلني لهنا .
احمد : هو زي عادته مدخلش حتي يسلم عليا .
ياسمين بخوف علي مشاعر والدها : لا يا بابا ، انت عارف انه وراه شغل كتيير ، عشان كدا كان مستعجل ومشي علطول .
علا بتلاعب : وايه الجديد يعني ياروحي ماهو من يوم اللي حصل وهو مابيجيش هنا غير عشان اخواته وبس.
لترمقها ياسمين بغضب من تفوهها.
ليتذكر احمد ماحدث ويقول بحزن موجه حديثه لابنته : يلا اطلعي غيري ملابسك عشان تنزلي علي العشا.
ياسمين : لا انا تعبانه أوووي ، واتعشيت مع ليث برا، يلا بعد اذنكم هطلع أنام ، لتقول بنعاس تصبحوا علي خير .
وتقبل والدها من وجنته.
ليرد كلا من احمد وعلا . وانت من اهل الخير .
لتصعد ياسمين الدرج وتصطدم برانيا .
لتقول رانيا نبره دلع : اووه اذيك يا ياسمين .
لتبتسم لها ابتسامه صفراء : اهلا رايا لتغتاظ بشدة من منادتها بتلك الاسم.
*****************************************
ياترا حور وياسمين هيعملوا ايه مع الدكتور ؟
وايه سبب الكوابيس اللي بتيجي لرسيليا ؟
ومين رانيا دي ؟
كل دا هنعرفه في البارت الجاي انشالله
يتبع...
ياريت فوت وكومنت ياحوريات ♥
