حور الليث

♥البارت السادس♥

بسم الله الرحمن الرحيم
البارت السادس
# حور الليث #
بقلمي ياسمين فؤاد 💙

*****************************************
حور : احمم مقولتليش حضرتك كنت عاوزني في ايه.
ليث بتنهيدة : حور انا طلبت ايدك للجواز من والدك ووهو وافق ،وكتب كتابنا يوم الخميس الجاي.
حور بصدمة : انت بتقول ايه ، وازاي بابا يوافق علي الهبل دا مستحيييل.
ليث : عشان مفيش قدامه حل غير كدا.
حور : يعني ايه مش فاهمة ؟
ليث : اصدي لازم يقبل مينفعش يرفض اساسا.
حور : انت بتكلم ازاي يابني آدم انت ؟!
         انت مستوعب بتقول ايه ؟؟!
ليث بهدوء : الزمي حدودك ياحور احسنلك تمام.
حور : اقف دلوقتي..  وقف العربيه ونزلني حالا.
ليث : اعقلي ياحور انا مش هنزلك غير قدام بيتك.
فاصمتت حور ولم تتفوهة بكلمه اخري.
*****************************************عند شعيب في مقر شركته.
كان يجلس في مكتبه شارد ذهنه وهو يقلب في هاتفه ويرا صورها وذكرايتهما سوياً.
Flash back
شعيب وهو راكع امامها وبيده علبه قطيفه  : تقبلي تتجوزيني يا راسيلي
رسيليا بفرحة ودموع : موافقه ياشعيب .
ليحتضنها شعيب بفرحة عارمة : اوعدك اني هخليكي اسعد انسانه وعمري ماهسيبك ابدااا ، بحبك.
رسيليا وهي تبادله الحضن : وانا كمان بحبك.
Back
شعيب وهو يتحدث لصورتها ويبكي : ليه يارسيليا ليه مصدقتنيش وخلتيني اشرحلك كل حاجة وصدقتي اللي شوفتيه بعنيكي مش قلبك.
*****************************************في قصر المحمدي
وتحديدا في غرفة رسيليا ، فتح آدم باب غرفة اخته : رسيليا.
راسيليا : تعال ياحبيبي ، خير .
آدم : آه لوتعرفي جرالي ايه ؟
رسيليا بخضه : ايه اللي جرالك يا آدم في حاجة حصلتلك ؟
آدم : متخافيش ياحبيبتي اطمني انا بخير
آدم بتوهان : قبلت انهاردة شريكة حيااتي.
رسيليا باستفهام : شريكة حياتك ؟ ، اممم من امته وانت في حد في حياتك جَد يا آدم ؟
آدم : لا المرادي بجد ، اللي انا قبلتها دي حاجة تانيه خالص غيرت لي حياتي تماما.
رسيليا بغمزة : لا دا انت شكلك وقعت خالص ههههههه ، واسمها ايه بقا ياسيدي ؟
آدم بهيام : هتصدقيني لو قولتلك معرفش.
رسيليا بضحك : يعني انت لاقيتها بس متعرفش هي مين اساسا.
آدم : هعرف قريب اوووي
رسيليا بتنهيدة : آدم!! اتمني متكنش تسلايه جديده وخلاص ياريت تختار الانسانه اللي قلبك يختارها ياخويا.
آدم وهو يحضن اخته : لا اطمني ياروحي ، دي سحرتني من اول نظره او من اول تهزيق خدته منها 😂😂♥
صورتها مش عاوزاه تروح من بالي ابدااا.
رسيليا بفرحة لاخيها : ربنا يفرح قلبك ياحبيبي.
*****************************************
عند حور وتحديدا في غرفة ابيها
: يعني ايه يا بابا الكلام دا ؟؟!
اياد : يعني حور هتجوز خلاص ياحوريه.
حور بصدمة : بابا قول انك بتهزر معايا.
اياد بصرامة : لا ياحور مبهزرش انا قررت كتب كتابك يوم الخميس الجاي ، انتهينا ومش عاوز الموضوع دا حد يفتحه تاني نهائي .
لتنظرن له بصدمة ويخرجوا من غرفة ابيهم.
لتدلف حور لغرفتها وهي تبكي علي مايفعله والدها.
حورية : اهدي ياحور اكيد هنشوف حل للموضوع دا.
حور وهي تجهش من البكاء : بابا قال الموضوع انتهي وميتفتحش تاني انا هتدمر ياحوريه بجد.
حوريه : وهي تحتضنها : متعيطيش عشان خاطري انا هتكلم مع بابا تاني لسه 4 ايام علي يوم الخميس.
ليرن هاتف حور في هذة الاثناء ليعلن عن اسم ليث.
لترد حور بصراااخ : عاوز ايه تاني مني ، مش كفايه بقاااا... انا عارفه انك عاوز تنتقم مني اللي عملته معاك بس حراام عليك كفايه متعملش كدااا.
ليحزن ليث من اجلها ولكن يرد ببرود عكس مابداخله : ها خلصتي كلامك ، انا مرنتش عشان اسمع منك الكلام دا ، تكوني عندي في ميعادك بكرا يإما مش هيحصل طيب وابوكي هيرجع تاني الشغل و اتفاقنا هيتلغي.
ليغلق الهاتف دون ان ينتظر منها رد.
حور بعصبيه : حيواااان.
اشتمي كمان الحيوان دا هيوريكي الويل 😂😂😂😂😃
*****************************************
في الملهي الليلي
ذهب ليث وعمر وآدم الي مكان سهرتهم مع اصدقائهم المعتدين عليهم وبدأو بشرب المنكرات.
لتأتي اليهم  نجوان
نجوان بمياعه علي ليث وهي تقبله من جانب شفتيه : هاي ليث ، وحشتني اوووي ، ليه الغيبه دي كلها علينا.
ليث بملل وهو ينهض : معلش ياجماعه انا م هقدر اكمل السهرة معاكم انهاردة
لتبتسم نجوان ، ليقول له عمر بغمزة : ايه يادنجوان بالسرعه دي دا احنا لسه واصلين
ليث وهو مشوش : لا انا المرادي هروح لوحدي لان تعبان شويه ومحتاج ارتاح
ليستغربوا من طريقه ليث وتغيره المفاجئ وتغلي نجوان من عدم نجاحها ان تكسبه هذه المرة.
*****************************************
ذهب الي شقته وابدل ملابسه وذهب للنوم ولكن عقله مشوش
كان يتذكرها وهي تبكي وتتوسل له ان يتوقف عن هذا القرار ويتذكر حزنها ، ألهذة الدرجة لا تتقبله ، كيف لها ان ترفضه هو ليث الجيار الذي لا طالما لم ترفضه أي مرأه بل بالعكس جميع النساء تأتي الي تحت قدميه ليفكر، حتي يغلبه النعاس ويخلد ف النوم.
*****************************************
في صباح اليوم التالي بمنزل حور استيقظ اياد وهو يجلس بغرفته يفكر ببناته وبما يجري لهم وتذكر كيف اتفق مع ليث
Flash back
في المستشفي لو سمحت يادكتور ممكن تقول لليث بيه يدخل عاوز اتكلم معاه.
ليومئ له الطبيب ويدلف ليث للغرفه بعد عدة ثواني .
ليث : ايوه يا استاذ اياد اتفضل .
اياد : ليث باشا انا فكرت كتير وملقتش حد هيحافظ ويحمي بناتي غيرك انت اللي هتعرف تاخد بالك من بناتي
ليث : هعمل اللي عليا اوعدك.
اياد : يعني هتوعدني يابيه انك هاتجوز حور.
ليث : ايه اللي بتقوله دا يا استاذ اياد.
اياد : حور مش هترضي حد غريب يحميها هي واختها لما اموت يا بيه ، ارجوك ياليث بيه توعدني انك هتنفذ طلبي عشان اطمن عليهم قبل ماموت.
ليث بتفكير : تمام يا ستاذ اياد ارتاح انت
Back.
*****************************************
في مقر شركة الجيار
دلف ليث ومعه عمر بهيبتهم الطاغيه.
واتجه كلا منهم الي مكتبه
ريم : صباح الخير يافندم.
ليث : صباح الخير ياريم ، ابعتيلي ورق الصفقه بتاع لندن وابعتيلي حور الشافعي علي مكتبي.
ريم : تمام يافندم.
في هذة الاثناء كانت حور تخرج من منزلها ، ليرن هاتفها برقم ياسمين
حور : الوو
ياسمين بمرح : ياصباح الحور علي عيونك الحلوين ياحور
حور بمرح بعض الشئ : صباح الياسمين علي عيونك الحلوين يا ياسمين.
ياسمين : ههههه حبيبي... هافوت عليكي بالعربيه مع عم صالح .
حور : انا مش هعرف اجي الكليه انهاردة ، نسيتي ان هروح الشركة بدل بابا
ياسمين بتذكر : اوبسس تصدقي نسييت طيب ياحبيبي خلي بالك من نفسك.
حور : وانت كمان ياقمرري ، يلا بااي
ياسمين : استني استني مش ليث هيكتب كتابه يوم الخميس الجاي ، نفسي اعرف مين اللي وقعته دي وجبته علي وشه هههههه.
حور بحزن : اهه مانا نسيت اقولك انا كمان ، اخوكي هيكتب كتابه يوم الخميس وانا المفروض العروسه.
ياسمين بصدمة : ايييه انت بتكلمي بجد ياحور طب ازاي دا حصلل ، بصي لا مش هينفع علي الفون انا هروح الكليه احضر اول محضرتين واجبلك التلخيصات بتعتهم واجيلك الشركة نتكلم.
حور: ماشي هستناكي.
ياسمين : باي.
*****************************************
يعني ايه لسه موصلتش.
ريم : انا سألت عليها في قسم الحسابات قالولي لسه مجتش يافندم.
ليث : طب اتفضلي انت دلوقت وخلي حد يسيبلها خبر اول ماتيجي.
ريم : حاضر يافندم.
*****************************************
دلفت حور الي قسم الحسابات لتبدأ بعملها التي لا تعلم عنه شئ ، لتدخل الي مكتب والدها ويخبروها فور وصولها بأن المدير طلبها لمكتبه ، لتذهب له
حور : صباح الخير ياريم.
ريم : صباح الخير ياحور ، ثواني اقول لليث بيه انك وصلتي.
لتدلف ريم وتخبره بوجود حور.
ليث : دخليها و ادي خبر لعمر بيه وآدم بيه بالاجتماع هيبدأ كمان شويه.
لتومئ له ريم وتخرج ، لتدلف حور
ليث وهو ينظر لها ببرود : انا قولتلك ايه امبارح في التليفون ، مش قولتلك الاقيكي هنا قبلي ، واصله بعدي حضرتك بنص ساعه.
حور : انت بتزعق لييه ، هو كل حاجة أوامر أوامر ، انا مش عابده عندك عشان تعاملني كدا.
لتستعد للخروج ، لكن تتفاجئ به امامها يمنعها من الخروج
ليث بغضب : اولا ازاي تسمحي لنفسك تتكلمي معايا كدا
ثانيا ازاي تخرجي من غير ماسمحلك.
حور بغضب مماثل وعِند : اولا انا مش عابده عندك
ثانيا انا مش هستني اخد الاذن منك او استناك تسمحلي اخرج
ليث :  لو نسيتي احب افكرك باتفاقنا وانك بتشتغلي عندي .
حور : عاوز ايه مني.
ليث : بتقولي ايه ؟؟!
حور : حضرتك كنت عاوزني في حاجة ... دلوقت ممكن انزل اشوف شغلي.
ليث بابتسامة انتصار : تمام .. عاوزك لما تخلصي شغلك تستنيني ورانا مشوار لازم نعمله.
حور وهي تجز علي اسنانها : حاضر اي اوامر تانيه يا استاذ
ليث : لا اطلعي برا بقا.
حور : هطلع مش مستنيه تقولي
لتخرج من مكتبه لوجهتها ليبتسم هو علي عنادها وكبريائها.
*****************************************
في جامعه الهندسه عند حوريه واصدقائها
قاموا بعمل المشروع هي وزملائها و جميع مَن بالصف وتم تسليم المشاريع .
دكتور مصطفي : كويس يا شباب كلكوا خلصتوا المشروع في الوقت المناسب انا هجمعهم دلوقت واخدهم لمكتبي و اشوفهم انا ودكتور عماد ونقرر المشروع اللي هينجح واقولكم .
لتنظر نيره ولؤي ل حوريه بشر كبير.
****************************************
يتبع....
ياترا ايه خطة نيرة ولؤي ضد حورية ؟؟
و ليث هياخد حور وهيروحوا فين ؟؟
توقعاتكم ♥♥