أسرار الظلام "النيكتوفيليا"

الفصل الثامن(الاخير)

#لـِ مريم نصر"ظلال خفية"

#أسرار الظلام"النيكتوفيليا"

#الفصل الثامن"الاخير"

فى الصباح ذهب ادهم إلى الجريدة وتوجه إلى مكتب صديقة عمر.

ادهم بسرعه :
"يلا يا عمر علشان تيجي معايا عند رامي زي ما قولتلك على الواتس امبارح."
عمر :
"تمام يلا."

وذهب كلا منهما إلى القسم الذي يعمل به رامي وهو قسم الاخبار المحليه والوطنيه والدوليه وتوجهوا إلى المكتب الذي يجلس به رامي وقام ادهم بالطرق على الباب ثم دلف كلاهم إلى غرفة المكتب وأغلقوا الباب خلفهم بالمفتاح.

ادهم بهدوء :
" ازيك يا رامي؟ كده يا عم كل ده متسألش عليا؟ ده احنا حتى كان بينا نسب."
رامي بتوتر :
"عايز ايه يا ادهم؟"
ادهم بأستفزاز :
"مالك متوتر كده ليه؟ ده انا حتى جاي اسألك على حاجه تخصني وهمشي على طول بس خليك حلو معانا."

ثم أشار ادهم لعمر بعنيه علامه هو يعلمها جيدا، فأخرج عمر مسدس ووضعه على رأس رامي.

ادهم بتساؤل :
" مين اللي رمي النيكتوفيليا عليا؟"
رامي :
" انا ماعرفش."
ادهم بتهديد :
" انت حر، عمر."
رامي بخوف :
" خلاص خلاص نرمين لما انت سيبتها بدأت تدور على اي حاجه تأذيك وهي طبعا عارفه انك نفسك تبقى زي نادر فوده في قسم ما وراء الطبيعه فراحت لدجال..."
ادهم بمقاطعه. :
" عم عوض؟"
رامي بنفي :
" لا ده دجال تاني بس كان يعرف عم عوض ويعرف النيكتوفيليا فحكالها عليها."
ادهم بتساؤل :
" طب وصلتوا للنيكتوفيليا ازاي؟"
رامي :
" طبعا انت وصلتلك النيكتوفيليا ومذكرات الست اللي انتحرت مع أنها المفروض تبقى في القسم متحرزة."
ادهم :
"ايوه ما هو ده اللي انا مستغربه."
رامي :
" اللي انت نسيتيه يا ادهم ان احمد اخو نرمين ضابط وهي قالتله انها بتدور على الخبايا ولما حكالها قصة النيكتوفيليا قعدت تتحايل عليه يجبهالها وفعلا جبلها النيكتوفيليا والمذكرات وهي بعتتهم مع حد للساعي اللي في الجريده."
ادهم بإستغراب :
" طب وليه نرمين تعمل كل ده؟ "
رامي :
" هي اساسًا كانت عايزه تتجوزك طمع في فلوسك ما انت كنت غبي لما قولتلها على أن ابوك سايبلك ورث كبير بس لما سبتها اتغاظت وقررت تنتقم منك بالنيكتوفيليا."
ادهم :
" طب وهي فين نرمين دلوقتي؟"
رامي بحزن يظهر في عينيه :
"نرمين بدون سبب العربيه بتاعتها اتقلبت وولعت وهي فيها واخوها قعد يحقق في الموضوع بس الموضوع غامض جدا."
ادهم بشفقه :
" لا اله الا الله، طب والموضوع ده حصل امتى؟وازاي انا ماعرفش؟"
رامي :
" حصل يوم كتب كتابك."
ادهم :
" انا كده فضلي اعرف ازاي اتخلص من النيكتوفيليا من غير ما تأذي حد."
رامي بعدم معرفه :
"لا انا ماعرفش. "
ادهم بإيماء :
" تمام، يلا يا عمر."