أسرار الظلام "النيكتوفيليا"

الفصل الرابع

#لـِ مريم نصر "ظلال خفية"

#أسرار الظلام"النيكتوفيليا"

#الفصل الرابع.

وفي المساء حضرت منة وكانت تتفق مع ميادة على احضار صاعق كهرباء،وكانت منة تعلم بكل ما يحدث مع ميادة وادهم فقد اعلمتها ميادة بكل شيء لأن من المؤكد انها سوف تحتاج مساعدة منها في اي وقت وها قد حان هذا الوقت.

منة :
"طب انتي هتعملي بيه ايه برضو؟ انتي قولتيلي هاتيلي صاعق و ماقولتليش عايزاه في ايه."
ميادة بسرعه :
"يا بنتي مش قولتلك على اللي بيحصل مع ادهم بليل فأنا بالتأكيد يعني مش هكسر ابجورات البيت كلها على دماغه علشان يتهد فهكهربه بيه."
منة بصدمه :
"يخربيتك انتي غبيه؟ ده انتي كده هتقتليه، انتي عارفه الصاعق ده بيأثر ازاي على جسم الإنسان؟"
ميادة بإستغراب :
"لا، هو اللي اعرفه انه هيخليه يغمى عليه شوية وخلاص."
منة :
" يا بنتي ده بيعمل انهيار في الرئه، واصابه بالصرع، وبيعمل حروق في الجلد، وبيوجع العضلات، والمفاصل، وبيصيب الأوتار  وأحيانا بيؤدي إلى وقف عضلة القلب."
ميادة بصدمه :
" يا نهاااار ايه كل ده؟ ده انا قولت هيغمي عليه ساعه ساعتين بس لكن ايه ده كله؟ لا يا اختي مش عايزاه سبيني افكر هعمل ايه معاه بليل."
منة :
" طيب يا اختي همشي انا بقى والصاعق ده مابقاش يلزمك."
ميادة :
" سلام يا اختي."

وغادرت منة منزل ميادة وكانت ميادة تنتظر ادهم الذي غادر قبل مجيء منة للجلوس مع ميادة وبعد وقت ليس بقليل حضر ادهم.

ميادة بتوتر :
" ادهم عايزه اتكلم معاك ثواني."
ادهم بتساؤل :
" ايه يا ميادة؟"
ميادة :
" طب اقعد بس."
ادهم :
" حاضر يا ستي".

وجلس ادهم بجانب ميادة على الاريكه.

ادهم بملل :
"هاااه بقى قولي."
ميادة بتوتر :
"بخصوص اللي بيحصل بليل انا قاعده من الصبح افكر اعمل ايه علشان متأذيش نفسك وقعدت افكر لحد لما لقيت اني اكهربك بالصاعق الكهربي...."
ادهم بصدمه :
" عايزه تموتيني يا ميادة؟ يعني بدل مأنا انتحر بسبب النيكتوفيليا تموتيني انتي؟ يخربيتك يااا ادهم."
ميادة بضحك :
"بطل نواح واسمعني".
ادهم بصدمه اكبر :
" نوااح؟! ماشي يا ميادة انا هوريكي كملي يا اختي اما نشوف اخرتها معاكي ايه."
ميادة بجديه :
"ادهم انا هربطك في السرير قبل ما تنام."
ادهم بمرح  :
" ليه هو انا معزة؟"
ميادة بجدية :
" ادهم بطل هزار بجد انا هربطك في السرير."
ادهم بتنهيده :
"ماشي يا ميادة شوفي اللي يريحك."
ميادة :
" مش اللي يريحني يا أدهم انا خايفة عليك. "
ادهم بإيماء :
"فاهم والله."
ميادة :
" كان في حاجه تاني عايزه أعرفها بخصوص النيكتوفيليا."
ادهم :
" خير؟ "
ميادة :
" هو ممكن الي بيحصلك بليل ده يحصلي انا كمان؟"
ادهم بتفكير :
" تصدقي مش عارف."
ميادة وهي تحاول إنهاء الحوار :
" خلاص احنا نسيبها على الله، وكمان بليل لما أربطك هحط تحت المخده سكينه بحيث ان لما بتحاول تنتحر بليل مش بتبقى في وعيك وكمان علشان لو حصلي انا بدالك الحاجات دي تطلع السكينه من تحت المخدة وتقطع الحبل.
ادهم:تمام، بس ما ظنش ان ممكن يجرالك حاجه."
ميادة بجديه :
" انا لما قعدت افكر لقيت ان انا وانت كده اللي مالكين النيكتوفيليا وبالذات بعد قصة الست وبنتها اللي ماتوا النيكتوفيليا كانت مع الست بس البنت ماتت الأول وبعدها الست، يعني انا ممكن اكون مكان البنت، انت فاهمني؟"
ادهم بشرود :
" ان شاء الله خير ومش هيحصل حاجه وهنكتشف سبب اللي بيحصل ده ايه وتخلص على خير. "
ميادة بتمني :
" ان شاء الله، قولي بقى كنت فين كده؟"
ادهم بهدوء :
" كنت بدور على اصل النيكتوفيليا. "
ميادة بفضول :
" هااه وعرفت ايه؟ "
ادهم :
" انا جبت عنوان راجل كان مالك للنيكتوفيليا قبل الست اللي ماتت بس اللي مستغربه انه لسه عايش. "
ميادة بفضول :
" طب وانت جبت عنوانه منين؟ وعرفت منين انه كان مالك للنيكتوفيليا"؟
ادهم :
" اصل عمر صاحبي معانا في الجريدة بيساعدني برضو على اني الاقي ادله عن النيكتوفيليا. "
ميادة بتذكر :
" مش عمر ده اللي معايا في نفس القسم؟"
ادهم بإيماء :
" اه هو. "
ميادة :
"المهم انا رايحه بكره الجريدة وانت؟ "
ادهم :
" هو انتي ممكن تأخدي اجازة لحد لما نخلص من موضوع النيكتوفيليا ده؟ "
ميادة بإيماء :
" حاضر، المهم مقولتليش هتروح للراجل ده امتى؟"
ادهم :
"بكره كده اصل السر عنده علشان لما دورنا لقينا ان اول مالك للنيكتوفيليا هو عم عوض، والوحيد اللي مامتش. "
ميادة :
"طب هو انا ينفع اجي معاك؟"
ادهم بأبتسامه :
كينفع."
ميادة بسعادة :
"بجد؟"
ادهم بأبتسامه جميلة :
"اه والله بجد."
ميادة بسعادة تشبه الأطفال :
" هييييييييه، انا هروح بقى احضر الاكل."
ادهم بإيماء :
"ماشي."

وبعد ذهاب ميادة كان ادهم يحاول ربط كل الأحداث الذي حدثت معه ويجمعها مع بعضها حتى يستطيع أن يتوصل إلى شيء ما ثم قال بصوت اشبه للهمس.

ادهم بهمس :
"السر عندك يا عم عوض."

انا حقيقي اسفة بس بجد في العيد ماكنتش عارفه انزل خااالص علشان ماكنتش في البيت، والاسبوع الجاي هبدأ امتحانات انا بس نزلت الفصل ده علشان ماتزعلوش ادعولي امتحاناتي تعدي على خير وماتنسوش النجمة بتاعتي وتوقعاتكم😘

#لـِ مريم نصر "ظلال خفية "