အစတည်းက မင်းပဲ ဂျောင်ဝန်းလေးရဲ့ ။
အမြဲတမ်းလဲ မင်းပဲဖြစ်နေဦးမှာပဲ ... ။
•~•
Pairing - JayWon
Recommended song - It's You
•~•
" တောင်းပန်ပါတယ် Jungwonရယ် ငါ .. ငါ တကယ် ... "
Jungwonက အခုမှအိပ်ရာကနိုးကာစမလို့ ကြောင်တောင်တောင်လေးရယ် ။ သူ့သူငယ်ချင်း Yuraကတော့ သူ့ကုတင်ပေါ် တင်ပါးလွှဲထိုင်ရင်း တသိမ့်သိမ့်ငိုနေလေရဲ့ ။
Jungwonနဲ့ Yuraက အလယ်တန်းလောက်တည်းက သူငယ်ချင်းတွေ ။ ဒီ့အပြင် Yuraက အငိုသန်တဲ့ကလေးမလေးမို့ Yuraမျက်ရည်တွေနဲ့ Jungwonက စိမ်းသက်မနေဘူး ။
ဒါပေမယ့် ဒီတစ်ခေါက် Yuraငိုတာက အထူးအဆန်းပဲ ။ ဆယ်ထပ်တိုက်ကပစ်ချခံလိုက်ရတဲ့ မှန်တစ်ချပ်လို နာနာကျင်ကျင်ကြေကွဲနေတာ ။
ဘာကများ Yuraကို ဒီလောက်ဝမ်းနည်းစေလဲတော့ Jungwonမမှန်းတတ်ဘူး ။ ISTJ ဖြစ်တဲ့ Jungwonအတွက် သူတစ်ပါးစိတ်ကို နားလည်ဖို့က ကမ္ဘာပေါ်မယ် အခက်ခဲဆုံးပဲရယ် ။
" နင်ဘာဖြစ်နေလဲ ပြောဦးလေ ။ ဘာလို့ ငိုနေတာလဲ .. "
" ငါ .. ငါတို့လမ်းခွဲလိုက်ပြီ ... "
" ဘာ .. "
Jungwonက ဒေါသကြောင့် စောင်ကိုတောင်ခြေရင်းအထိကန်ချလိုက်မိတယ် ။
Park Jay ... ငါ့သူငယ်ချင်းကို အပျော်တွဲတဲ့ ကောင် အသေသတ်မယ် ။
တကယ်တော့ Park Jayက Jungwonထက် ၂နှစ်ကြီးတဲ့ တတိယနှစ်က Senior ။ Hyungခေါ်သင့်ပေမယ့် ဒေါသထွက်နေတာမို့ မခေါ်နိုင်ဘူး ။
" ငါမှားတာပါ ။ ငါမကောင်းခဲ့တာ "
" ဘာလို့စကားကို အဲ့လိုပြောလိုက်ရတာလဲ။ နင်က ဘယ်နေရာဘာဖြစ်နေလို့လဲ Choi Yuraရဲ့ "
" အစတည်းက ငါ ... "
စကားတောင်မဆက်နိုင်ဘဲ ငိုနေပြန်တဲ့ သူငယ်ချင်းမကြောင့် Jungwonက ချော့စရာစကားလုံး ရှာမရဘူး ။
YOU ARE READING
Nobody Askeu
Short StoryThis is Enhypen One Shots Collection written in Burmese. All OTPs are available. Enjoy to the fullest. Zawgyi & Unicode Available
