Ethan ruined my life,
by not being mine.
ETHANLOGY
Pairing ~ HeeWon
Request by minigarden_yanghee nim
Disclaimer ~ ကြိုက်သလိုရေး SEဖြစ်ရင်ကျေနပ်ပါပြီဆိုတော့ အိုင်ကြိုက်သလိုရေးလိုက်ပါတယ် :3
tw // mention of murder, blood, and some unpleasant things ahead. This is just an imagination.
ETHANLOGY
" ရဲစခန်းကလားမသိဘူး "
မိုးတွေသဲကြီးမဲကြီးရွာနေတာမို့ ဖုန်းသံကို မနည်းအားစိုက်နားထောင်နေရသည် ။
ရဲအရာရှိ Park JongSeongဟာ ဖွာရှိုက်နေသော စီးကရတ်ကို မီးသတ်လိုက်ရင်း အဖြေပေးရသည် ။
" ဟုတ်ပါတယ် ဘာများ - "
" ***ရပ်ကွက် အိမ်အမှတ် 53ကို တစ်ဆိတ်လာခဲ့လို့ရမလား "
အကျင့်ပါနေသောလက်က အိမ်လိပ်စာကို ရေးခြစ်ပြီးသား ။
" ကျွန်တော် လူသတ်ထားလို့ပါ "
" ဘာ "
JongSeong အသံက မိုးသံကိုတောင်ဖောက်ပြီး ဟိန်းထွက်သွားပေမယ့် သူနဲ့အတူတာဝန်ကျသည့် Park SungHoonကဖြင့် ကြားဟန်မတူ ။
" ဒါ စ,စရာမဟုတ်ဘူး ကောင်လေး ။ ပြောင်ချင်နောက်ချင်ဇာတ်ထဲသွား "
JongSeongက ခပ်မာမာပြောလိုက်တော့ တစ်ဖက်ကရယ်သည် ။ အသံက ဘယ်လိုပဲနားထောင် ကလေးသံလေးမို့ JongSeongကပိုပြီးမယုံနိုင် ။
" တကယ် သတ်ထားတာ ။ ဘယ်လိုသတ်လဲပါပြောပြရဦးမလား "
" ဟေ့ တော်ပြီ ။ ငါလာမယ် ။ ငါလာလို့ စနောက်တာဆို မင်းကို ဝတ္တရားနှောင့်ယှက်မှုနဲ့ တရားစွဲမယ် ။ နာမည်ပြော "
" Yang Jungwon "
JongSeongက SungHoonကို သွားမနှိုးနေတော့ဘဲ တစ်ယောက်တည်းသွားဖို့ဆုံးဖြတ်လိုက်သည် ။ ဒါက သပ်သပ်စနောက်တာလဲဖြစ်မှာပဲ ။
ရဲအရင့်အမာကြီးလုပ်နေပြီး ကလေးတစ်ယောက်လိမ်ခေါ်တာကို ယုံသည်ဆိုပြီး SungHoonရှေ့ အရှက်မကွဲချင် ။ ပြီးတော့ ကိုယ်က ဒီမြို့ကို ပြောင်းလာတာ တစ်လလောက်ရှိသေးသည် ။
လိပ်စာက နည်းနည်းမြို့စွန်ဘက်ကျတာမို့ JongSeongက ကားမောင်းလာရင်း မြို့အကြောင်းတွေးမိသည် ။ ကိုယ်ကပဲ Seoulမှာနေခဲ့ရတာမို့လို့လားတော့မသိ ၊ ဒီမြို့ဟာ ငြိမ်လွန်းတာအမှန် ။ ဒါပေမယ့်လဲ ရာထူးတိုးရန်အတွက် နယ်ထွက်ရတာထုံးစံမို့ JongSeongက မညည်းပါ ။ အမှုရှားတော့လဲ ကိုယ်ပဲသက်သာသည်လေ ။
YOU ARE READING
Nobody Askeu
Short StoryThis is Enhypen One Shots Collection written in Burmese. All OTPs are available. Enjoy to the fullest. Zawgyi & Unicode Available
