#الولد_ العاق
ام احمد
الحياة ابد ما نصفتني
اعترف اني جنت حرك وكح وفضولي بااكتشاف الاشياء اي شي اشوفه لازم اعرف شنو ومن شنو يتكون
احنه مجتمعنا يسميه فضول
اما بالغرب يسموه حب اطلاع
اعترف اني صاحب لسان!!!! ليش لان جنت اشوف بعيون العالم والناس المحيطه حولي النبذ والاتهام والتجنب
محد جان يگولها بوجهي
اصلا محد يتجرأ يخافون من لساني بس!!!!!
جنت اشوفها بعيونهم!!!!!
حتى أّمَيِّ وِأّبِيِّ ګلَهِمَ شٍأّرګوِأّ بِصٌنِعٌ أّنَِّسأّنِ قاسي ويتجنب الاختلاط ويه البشر
حتى ماعندي اصدقاء او كلهم اصدقاء مصلحه
حالتنا زينه واني الولد الوحيد او صرت الولد الوحيد بعد الحادث الي قلب حياتي وحياتي اهلي راسنا عل عقب
كلشي صار بسرعه !!!!!
جان عمري خمسة عشر سنه واخويه مراد سبعه عشر سنه
اخويه الهادئ العاقل المفضل عند اهلي
الشاطر والذكي وكل اعتمادهم عليه
جنت اشوف هذا بعيون امي وابويه اشوفهم شلون يفضلوه عليه بكلشي! !!!
هل شي خلاني اغار منه وهل شي موجود بكل بيت يمكن
لان التفرقه بالمعامله تولد الغيرة والحقد
بس اني جنت ماحاقد بالعكس احبه لااخويه واشوفه مثلي بس اني مو هو اني طبعي يختلف عنه
رغم اني جنت بالدراسه شاطر بس بسبب وكاحتي اخسر درجات اما اخويه فهو افضل اشطر واعقل لهذا هو احسن بالدرجات والتفوق! !!!
بذاك اليوم شفت والدي يضم مسدسه ابو بكرة بالكنتور
اني لمحت خطف ومخليته يحس عليه
فكرة مسدس اشوفه واكمشه باايدي جانت فكرة تزيد من ادرنالين بدمي انتظرته يروح للشغل واني هم سويت روحي نايم وكتلها لاامي ماادوام لان جنت صدك مريض
امي هم طلعت
واخويه راح للمدرسه
جانت هاي فرصه الذهبيه مالتي
بعد ان اتاكد من كلشي تمام اتسحبت عل غرفة اهلي ورحت گبل عل كنتور بس اتفاجات ان مقفول خابت امالي
ضجت واتنرفزت بس اني ماعندي شي مستحيل بديت احاول ويه القفل مرا ومرتين ورحت عل ادوات الي بالمخزن وجبت من هذا السيم الرفيع ووصله حديدة وبديت اجرب واجرب لمن فتح
حسيت بشعور لايوصف واني الزم المسدس ابين ايديه وبديت اسوي بيه حركات مثل الافلام العصابات او جيمس بوند بديت افره بااصابيعي واحطه بحزام واطلعه عل سريع
لحظات واشوف اخويه عل راسي اصلا ولا انتبهت عليه من دخل
من شاف المسدس باايدي خاف وانرعب عباله اني مشتريه او ماخذه من واحد من اصدقائي لان هو اصلا ميعرف اكو مسدس عدنا بالبيت عاط بيه وبدا يرزل بيه
شبيك مراد ترا اني ممسوي شي غلط شي عجبني وجاي اجربه
اتعصب وگالي عماد انطيني المسدس هذا مو لعبه
اشو ماانطيه اني كوه طلعته من كنتور والما يجي ابويه ويعرف اني لعبت بكنتورة راح اترزل
فلهذا راح يضل عندي واضل اجربه حتى تسوه رزاله علموده
الحجي مالتي عصبه واندفع نحوي يحاول ياخذ السلاح مني صح اني اصغر منه بس اني بطوله تقريبا وتكامشنا هو يجر باايدي واني اجر لحظات وانطلقت من المسدس رصاصه جانت ثواني مرعبه وصوت القوي الي جفلني خلاني اذب المسدس من ايدي بس!!!!!!!
جانت الطلقه مستقرة بصدر اخويه! !!!!!!
ارعب شي جان بعمري من شفت اخوي بالكاع ودم يطلع منه خفت لا كمت ارجف وابجي اي بجيت عل اخويه
حركته وحركته ميتحرك اي صار جثه بديت اصرخ واصرخ لمن ايديه وهدومي انترسن دم
طلعت ركض عل هول وخابرت عل ابويه واني منهار بالبجي معرف شكلت اله بس الي عرفته ان هو خلال دقايق هو بالبيت
من شاف والدي اخويه متحمل اي متحمل وكع بالكاع ولزم گلبه بس كلي اطلب روح عل جيرانه صيحهم وكلهم عل اسعاف
بذاك اليوم الطويل السواداوي مات بيه اخويه واني هم متت اي عماد الانسان مات!!!!
اعترف بطيشي وغبائي اعترف بكلشي سويته وياريت الرصاصه كاتلتني اني!!!!
عل اقل جان ضل اخويه العاقل ومات الاخ الطايش الوكح! !!
انترس بيتنا ناس والدي انجلط جلطه خفيفه وامي شكل عدها سكر
الشرطه حبست والدي وره متحسن
لان محد جاب طاريه بالتحقيق خافوا اهلي ليخسرون
ابن لاخ الباقي عدهم
والدي كال للشرطه انه جان ينظف السلاح وميدري محشورة الطلقه واتسببت بمقتل اخويه
اي شال عني كلشي حماني من الشرطه بس
ضل هو ينظرلي نظرة خسارة وفشل جان محسسني اني فاشل
اني مخيب لااماله ابن عاق ابن جان مفروض هو يموت مو اخوة
جنت اشوف هاي نظرة عند امي الي من يوم الخادث لليوم بعد مرور خمسطعش سنه هيه تشوفني قاتل! !!!
كل مدايري جانوا يشوفوني بنظرة دونيه
صرت وحش اتعارك واضرب ومااحترم احد مكدرت اتجاوز اني گتلت اخويه مكدرت اغفر لنفسي
كلما انام اشوف اخويه غركان بدمه
خمسطعش سنه واني شايل هذا كاهل عل جتافي
لا كدرت انسى ولاكدرت اسد مكان اخويه الي راح
قبل سنه اتوفى والدي ولزمت شغله مع انو اني جنت وياه بس جنت اشتغل عندة يعني ابد محسيت اني ابنه اصلا ولامرا كدر يشوفني اذا ما نتعارك ويذكرني بالماضي
كلشي جان اسود بحياتي
اني الابن العاق الهم
امي من يوم الاسود ولامرا سمعتها تكلي ابني واو حتى شبكتني او حسستني اني ابنها بالعكس كلما تشوفني اشوف بعيونها الحسرة والقهر والتحسف عل الي راح
اني غلطت وغلطتي فضيع اعترف اني غلطت وياريتني ميت بدال اخويه ياريتني ميت
كل يوم اكول لو اني ميت ولا هو بس هل شي صار واني مجنت اريد اذيه بشعره منه بس هذا قدرة وقدري
هذا امر الله
ياريت اكدر انسي اهلي هل امر بس همه يذكروه كلما يشوفوني
امي كبرت وشويه بدت تنسه وكامت تصيحني بااسم اخويه
هل شي جان محزن ومفرح بنفس الوقت لأن جنت اشوف منها الحنان المفتقده اني
بس محزن لأن اعرف هيه تقصد اخويه مو اني عماد الولد العاق
انتهى
ام احمد
