#الخيانة
ام احمد
اول
ضلت تنتظره سراها في غرفة انتظار وعيونها عل الساعه ظاهرة عل موبايل
دق جرس الي قرب سكرتيره ودخلت السكرتيرة للدكتورة
من طلعت صاحت مريم علي اتفضلي
انقطعت سلسله افكارها وهيه تسمع اسمها حست بالخجل فهي قد بلغت الخمسين من العمر والشيب قد خط في شعرها والتجاعيد اخذت من وجهها ما اخذت
دخلت عل دكتوره نسائيه وهيه خجلانه من كونها لديها الالم الدورة الشهرية فهي عل خربطه مستمره وتصاحبها حالات من النزف المستمر
شرحت اعراضها للدكتوره
اوكي خلي اسويلج سونار داخلي وافحصج اتفضلي عل سديه
صعدت مريم وهيه تردد ادعيه بگلبها
بعد السونار والفحص ارتسمت عل ملامح الدكتوره ملامح القلق سالتها صار شكد عندج هاي حاله
من ست اشهر عندي هاي خربطه واني كلت هاي جاي تگطعني
صح هيه جاي تگطعج بس.....
شنو دكتوره شنو بس
حجيه عندج جزء من خلايا الرحم بيها تغير بالشكل
الي اريده منج اخذ عينه منهم ونسوي عليهم زرع
مافهمتج دكتوره شنو قصدج
ماكو شي أن شاء الله خير لا تخافين هسه أخذ منج العينه وتعالي بعد اسبوع وان شاء الله خير
ها وراح انطيج ابره توقف عندج النزف وتكملين حبوب ونتشاوف بعد اسبوع
اخذت مريم راجيته وطلعت من دكتوره وهيه خوفه بگلبها
من رجعت للبيت نست تأخذ العلاج من الصيدليه شافت بوجها ابنها الثاني احمد انطته راجيته والفلوس وطلبت من بااستعجال
ترك احمد اكس بوكس وهو يدردم
يمه جان انطيتيها ل وليد هم عنده سياره هم هو صيدلاني
روح يمه روح اخوك من يوم الي زوج بيها هو انگلب عليه
اخذت حمام وفرشت سجادتها وبدت تصلي وتدعي من الله أن يبرد گلبها.....رغم أنها مافهمت شي من حجي الدكتورة
وره اسبوع من العلاج ورغم أنها التزمت بالعلاج بس النزف مانقطع عنها
وحرصت عل أن تخفي كل هذا عن زوجها متريد تشغل باله
دخلت للدكتوره وهيه خايفه
بشري حجيه شلونج صرتي
والله مثل قبل ماكو تحسن
اكعدي حجيه ارتاحي
كوليلي دكتوره شنو نتيجه الزرع
الزرع بعدله اسبوع ويطلع
ها عبالي اليوم
لا بس اني راح اقوي العلاج الج وان شاء الله خير
بس؟!!!
شنو دكتوره احجي شكو ؟
عندي كم سؤال واريد جواب صريح
اكيد مراح اكذب عليج بهيج موقف!!!!
