#زهره
البارت الاول
ام احمد
دومي جنت اتمنى ان اصلا ماجيت عل دنيا وسبب اني ولدت بااعاقه
عندي تشوه ولادي برجلي اليسرى اطول من اليمنى والقدم ملتف حول داخل
هل شي سوا اعاقه بعقول اهلي وشافوني بنت معاقه ماكو فايده مني
اهملوني امي وابويه نسوني جنت ابجي او اسكت نفس الشي بالنسبه الهم كانما اني صرت عدهم كرسي قديم وماله داعي للوجود
كبرت بنص اخوتي الي جانو محد يلعب ويايه لاني مااكدر اجاريهم بالعب
واصلا من اكدر اوكف عل حيلي يدفعوني واضل ابجي ومحد بحالي
كلش زين اذكر اول يوم ودتني امي تسجلني بالمدرسه من دخلنا جانت كل انظار عليه كانما مخلوق فضائي دخل للمدرسه
كنت اكره نظرات الشفقه واسمع تهامسهم خطيه معوقه وابنيه خطيه وخطيه
امي مابيوم حسستني بحنيتها
وحتى والدي جان من يجي من برا يركضون اخوتي اله ياخذون منه هل الله قاسمه ينطيهم ويبوسهم من جنت اوصل ليمه اشوفه مخلص واصلا هو من بدايه محاسب حسابي واضل اكلب باايده بلكي اشوف شي بيها........
واضل اباع بعيونه واتمنه نظره حنيه منه لكن هو اصلا ميشوفني
كل هذا جان يحز بنفسي وكبرت واني مكسورة خاطر
بالمدرسة اطفال كلهم يشوفوني مخلوق غريب والتنمر عليه وعل شكلي خلتني انطوي عل نفسي
بس مع هذا جنت شاطره واقرا ليل نهار لان محد بحالي ذبيت روحي عل دراسه وجنت اشطر من كل اخوتي وجنت افرح بدرجاتي مع ان لا امي ولا والدي بيوم سالوني شطلعت وحتى من استلم النتيجه اكلهم محد بيهم يكلف روحه ويكلي شطلعتي!!
ومن يوقعها والدي اصلا ميباع بيها
مع هذا جنت مواضبه عل دراسه كبرت ورحت للمتوسطه محد بااهلي صدك اني نحجت ومعدلي جان ٩٧ والمديره كافاتني
واغلب معلمات اجوي لبيتنا وباركولنا
ورشحوني اداوم مدرسه للمتفوقات
امي رفضت وتعللت انو يرادلي مصاريف وخط وهل شي صعب عليهم..... كسروا بخاطري
اختي اصغر مني رسبت واخويه طلع اكمال
بذيج السنه بس اني نجحت وبتفقوق
لج زينب مو عيب عليج اختج عرجه تنجح وانت ترسبين (عرجه هاي كلمه كانت تقتلني وتذبحني من وريد للوريد)
يمه هيه شعدها شو اكل ونوم اني كل شغل عليه
دنجبي شجاي تشتغلين يلا امشي منا خزيتينا
(زينب) زهيران انت لو تموتين وجفينا شرج من وراج احنه نترزل لان حضرتج متفوقه
ليش دفعين شسويتلج اني بعدين اسمي زهره مو زهيران
ولي منا عرجه ثوله
ظليت ساكته ودمعه تلالا بعيوني لميت روحي وانجيت عل حايط وكمت عل حيلي اخذت كتبي وكعدت عل جربايه وبديت اقرا وحسره تذبحني ذبح
مرت تلث سنوات وطلعت اولى عل مدرسه
وجانت سنين حصار وعوزه وطول فترة متوسطه اني بنفس قميص وتنوره
بلغتني مديره ان راح يكافؤني
حبيبتي زهره لازم باجر تلبسين شي حلو وجديد نريد نفتخر بيج ونطلعج برفعه العلم
ميخالف ست ان شاء الله
