#جندي عراقي
مصدك بذاك اليوم وصل لبيتهم جان تعبان جسديا ونفسيا كلشي جان منهار بداخله او هو مجرد حطام انسان!!
استقبلته امه بالحضن بوسته وتكمكش بيه وتحضن ممصدكه ابنها أبين ايديها وكلشي مابيه ولانه طويل وهيه زمن قوس ظهرها داست عل رجله شاغت روحه مو لان دوسه قويه لا!! بس صارله شهر لابس بسطال ورجليه كلها مفرگسه من جوه.........
اتوه بصمت وبعد امه عنه اجوي خواته بوسنه اجه ابوه حظنه
جان يريد بس يرتاح يريد ينزع هدومه وحذائه وينام اي ينام عل فراشه صارله شهر مشاف النوم!!
لزمت امه ذراعه لان هيه تعرف ابنها وتعرف طبعه هذا الگدامها مو ابنه هذا غير واحد سألته يمه شبيك شجرالك؟!
يمه تعبان تعبان اسبح وانام
كعد عل قنفه ونزع بسطاله عاط من ألم رجليه هو يشوفها ورامه وفراكيس غازيتها
لطمت امه عل صدرها يمه سوده عليه ماتت امك
شال راسه وباع عليها بنظره خوف وحزن يمه تدرين شنو يعني جنت اني والموت سوا واشرلها بااصابيعه مطبوكات سوا
يومي گبل يومك يمه اسم الله عليه
گام عل حيله يتجا عل حايط ودخل للحمام فتح الدوش ودخل جواه هو ملابسه اختلطت دموعه ويه قطرات المي كبت شهكات وحزنه بلله المي هو وهدومه الخاكيه بدا ينزعها وهوبكل حركه يذكر الي صار ويزاد ألم وحصره
صاح امه يريد داخليات أخذهم ولبس وطلع بلا اي حجي شمر روحه عل جربايه وغمض عينه ويريد ينام ويرتاح ويبتعد عن الواقع بس صوت امه فززه
يمه سعدون اكلك لگمه واسند روحك
يمه بروح ابوج عوفيني انام!
طلعت امه وعافته حط مخده عل راسه وراد ينسه! بس شينسه واحد اثنين ذولي جانوه إخوته الي ماولدتهم امه
غمض عينه بقوه وسد اذانه كأنما جاي يسمع أصوات صراخهم كدامه
لحظات وغرگ بنومه طويله مكعد لثاني يوم الفجر
سوا جاي وكعد يدخن حس ابوه عل صوته طفى جكاره وكام بأس ايد ابوه
اعذرني يابه جنت بارحه حيل تعبان
حقك وليدي الله ينصركم بحق لا إله إلا الله
آمين يابه
رايح للجامع اندعيلكم واشتري صمون وكيمر لاتتريك
لا انتظرك يابه.......
حست امه واجت عليه
يمه شبيك كاعد من غبشه خوما بيك شي
لايمه مابيه بس شبعت نوم
غسلت هدومك وفرشت حذائك سكتت وهيه تحس بيه مهموم من عيونه نرجسيه ايبين كدامها مثل كتاب مفتوح
كملت كلامها وهيه تحط ايدها عل جتفه خيرك يابعد طوايفي كلههم احجي يمه شبيك بس لا آمر معاقبك بشي مخزي
لايمه ماكو شي لايضل بالج
لا وليدي اني امك واعرفك اكثر من نفسك صح انت كلما تنزل اجازة تعبان وتنام بس هاي مرا تختلف عن كل مرا احجي يابعد امك
