#الخيانه
ام احمد
الثاني
مرت ايام وهيه تشوف بعيون زوجها ارتباك والتهرب من نظراتها هو جان ينتظر منها عواصف من الصياح والغضب
لكن هيه ضلت بصمت وتكتم محد كدر يعرف لا ابو وليد ولا وليد شنو هذا سكوت أو شلون مريم كدرت تشك بيهم ؟؟؟؟
بيوم الجمعه كالمعتاد من زوجها أن يتستحم ويتانق ويمر عل بيت وليد ويروحون عل صلاة
ضلت تراقب بيه من بعيد وهو يعدل بهندامه ويتعطر
عطره ترس المكان
للحظات حست أن هذا مفتاح الخيانه
نهضت من مكانها وكفت گباله
ابو وليد من تخلص الصلاة جيب ابنك وتعالوا اتغدوا أهنأ
ارتبك ابو وليد ولااول مرا منذ أن صارحه ابنه وليد بشكوك امه بشأن زواجه رفع عيونه بعيونها ثواني واشاح عيونه عنها ارتبك
مو انت مريضه هيه مال عزايم
لا تشيل هم جت سعاد وهيه راح تهتم بكلشي
بكيفج
ابو وليد ......
خيرج مريم
اريدك سالم وحبيت أبلغك اني أن شاء الله السبت المقبل راح اسوي العمليه
اني اگول لو تروحين عل غير دكتورة ونشوف شتگلج
لا مايحتاج هاي دكتوره معروفه واني عندي ثقه بكلامها
براحتج
تركها وراح وهيه ضلت بداخلها عواصف من أفكار
داخلها وجع والم وخذلان يمكن كل هل أشياء خلت مرضها يزيد عليها بس هيه شدت عل نفسها حتى لاتنهار قبل أن تعرف كلشي وتعرف سبب الي خلا رفيق دربها وحبها اول وزوجها وأبو اولادها يخونها........
سعاد يمه وينج
بلي يمه
اريدج يمه تكملين كلشي وتجين تساعديني
بشنو يمه
كملي وتعالي اكلج
صار يمه
مريم المرأة القويه بدت نفسيتها تتعب قبل صحتها وجها ذبل وصارت اكبر من عمرها بدت نغزات تصير بگلبها كلما يخطر ببالها أن ابنها يمكن مشارك بااذيتها
ابنها وليد الي اول مااخذت ورثها من عمتها اخت ابوها انطته اله حتى يدفع اقساط الكليه وخلال خمس سنين سوت المستحيل حتى توفر من تقاعدها حتى تدفع باقي اقساط الجامعيه
واول متخرج راح حب وحده من شارع وكف بوجها وأخذها بدون رضاتها
مع هذا مايوم اذته أو دعت عليه .......
مضت ساعتين وقريب العصر يله رجع ابو وليد وليد لبيتهم
اتاخرتوا حيل
اي والله يمه تعرفين رجعنا لبيتنا وجهال
عل عموم كلشي حاضر خلي ناكل
بدوا يأكلون وبينهم نظرات كل شخص بيهم يريد يعرف مريم شنو بداخلها
جانت هادئه وهيه ابد مااهتمت لنظراتهم
