_وجودكم هنا في القصر هيبقي بقوانين تمشوا عليها وواجبات، إنما لو إجه في بالكم إنكم هتاخدوا حريتكم الكاملة هنا وتعملوا اللي إنتم عايزينه فـ دا في حد ذاته غلط، فاهمين؟
الإتنين الأغبية اللي قاعدين قصادي ردوا عليه وقالوا_فاهمين يا جدي.
رفع عنيه علىّ وقال_ صح إنتم كنتم بتأخدوا حريتكم لإنكم شباب لوحدكم هنا، فـ من دلوقت تصرفاتكم بحذر لأن معاكم بنت فاهمين؟
رفعوا عنيهم علىّ فجأة فـ قلعت الكاب اللي كنت لابساه فشعري بان فلقيتهم مصدومين وقالوا فجأة:ميلان؟
هزيت رأسي بهدوء فكمل كلامه: اللي فات كوم واللي جاي كوم أمهاتكم علمكوا بطرق مختلفة عن بعض ودا لسببين أول واحد وهو إنهم من بيئات مختلفة ودا اللي كنت رافضه من الأول عشان منوصلش للحال اللي إحنا فيه دا والتاني إنهم ميستحقوش الوجود في قصر رسلان ولا كانوا يستحقوا المرور من جانبه دول مكانوش أمهات دول...
قاطعته بكل عصبية_إلزم حدك وإتكلم بإحترام
بصلي بغضب_ميلااان أوعي تنسي حدودك فاهمة ولا لا؟
هزيت رأسي بنفي_أنا أمي أحسن من إنك تتكلم عنها ولو بكلمة واحدة سامع ولا لا يا..
سكت وكملت بسخرية: يا جدي، اللي بتتكلم عليهم دول هما اللي إهتموا بينا لما ولادك خانوا الوعود اللي كانت بينهم كل واحدة من الأمهات اللي مش عجباك دي ربت إبنها زب ما قلت بطريقة مختلفة عشان هما كانوا من دول مختلفة...بس الأمهات دول هما اللي علمونا وساهموا في إننا نبقي ناجحين في مجالنا عشان حضرتك وولادك بتتمتعوا بالثروة والمكانة الكبيرة في البلد وناسين إن ليهم عيال فـ مايحقش ليك تتكلم عليهم.
إبتسم بسخرية_وهل التربية الكويسة دي إن واحدة منهم تخلي بنتها وحفيدة عيلة رسلان الوحيدة تلعب كرة قدم؟
وقفت قدامه وأنا بتمالك نفسي_والله الرياضة اللي مش عجباك دي بأخد منها دخل فـ الشهر بيكون قد دخل حضرتك في كام شهر.
يزن إبتسم فجدي بص له بغضب فسكت ورجع بص لِي_مش هتكلم علي قلة ذوقك دلوقت المهم حاليا سبب وجودكم هنا هو الحلفة السنوية لإنشاء فروع إسبانيا ولازم تكونوا متواجدين، وإنتِ بالذات..
عز إتكلم_وهل إحنا بس اللي أحفادك عشان نحضر؟
_يونس قرب يوصل بالسلامة ومتنسوش إنكم ولاد عم وزي الأخوات أنا مش عايز عداوة في قصر رسلان إنتم أخوات وزي ما بتحبوا نفسكم هتحبوا بعض فاهمين وإنتِ يا ميلان العداوة اللي بينك وبين يونس تنسيها فاهمة بما إنك وفقتي تعيشي هنا في قصر رسلان لازم تنفذي شروطه..
رفعت حاجبي وأنا بقعد_إنت عارف أنا وفقت أجي هنا ليه فبلاش تمثيل..
بص لِي بعصبية وقال:كريم هيبقي موجود لمراقبتكم طول اليوم وهيفضل هنا بأمري، إن عرفت إن حد فيكم خالف القوانين هيندم سامعين؟...
قال الكلمة الأخيرة بتحذير وبعدين بصلنا ببرود وبعدين مشي...
عز قال_مكانش له داعي كل البرود دا مع جدك.
_خليك في حالك أحسن يا نجم مصر.
_مش أحسن من العبط بتاعكم علي الأقل عندي شعبية كبيرة.
يزن قال ببرود_دا علي أساس إنكم بتعلوا علي بعض واحدة بتلعب كرة والتاني بيغني صح؟
قولت أنا وعز سوا_مالك بينا يا كاتب الوطن إنت كمان؟
ولسه هنشد قصاد بعض كريم إتدخل _لو سمحتم كل واحد علي جناحه يلا...
بصيت له _فين جناحي؟
شاورلي بإبتسامة_جانب جناح يونس بيه يا هانم.
إتعصبت وقولت بصوت عالي _مستحيل أبقي جانب المختل دا فاهم...
_دا حتي عيب تشبهي الناس بيكِ يا..
وكمل ببرود_ميمي
ضغطت علي إيدي جامد ولسه هرد عز شدني من إيدي جامد_بس بس إسكتي وقدامي يلا.
_إنت عبيط إزاي تعاملني كدا يا حيوان
يزن إتعصب_مسمعش صوت خالص منك ليها بقي
رد عليه يونس المختل_بتكلم المختلين دول؟
_والله هزعلك يلا إنت، محدش مختل هنا غيرك.
رد ببرود_غيرك إنتِ.
حاولت أبعد عن عز عشان أروحله ولسه ببعد سمعنا صوته_خالصتوا يا عاقلين يا كبار يا مستقبل رسلان؟
إتعصبت_أة مستقبل رسلان بعد أما طردتنا من العيلة من 12 سنة صح بطل تقول مستقبل رسلان دي بطلها.... وسبتهم ومشيت..
خرجت من أوضتي أعمل قهوة عشان مصدعة وأنا خارجة لقيت المختلين التلاتة قاعدين كملت طريقي من غير ما أتكلم ف عز قال_ أظن إن كفاية لحد كدا بقالنا أسبوع في القصر ده ومحدش بيبص للتاني حتي إيه القرف دا.
بصيت له ومردتش
_أظن إن الموضوع كبير، ماهو مستحيل يا ميلان توافقي تفضلي هنا في القصر كدا من غير سبب يعني؟
إبتسمت ببردو_رغم إني مبحبكش يا عز إلا إنك بتفهم.
بصلي وهو بيرفع حاجبه_دا علي أساس إيه بقي؟
يونس إتكلم_وليه متقولش يا نجم النجوم إنها لسه بتسعي ورا السبب القديم ومش راضية تريح نفسها زي كل مرة مثلاً؟.
إتكلمت بغضب_ خليك في حالك أحسن بدل ما كل يوم فاضحنا بأخبارك المقرفة دي.
_محدش قالك تتابعني والله.
_لا تصدق ضحكت أتابعك إنت... دا أنا لو أطول أقتلك هعملها بدم بارد.
يزن قام من دون ما يتكلم فـ عز قاله_مش هتتكلم بردوه.
رفع حاجبه وقال_ أتكلم ليه عايزني أتكلم وأقول إيه... إن حضرتك مش مهتم بأي شيء بيحصل هنا وكل همك حفلاتك وبتاع صح ولا لا؟
ولا أقول إن ميلان إنتقامها خالها تنسي نفسها ومش شايفة أي حاجة تانية... ولا أقول إن يونس بيه اللي هو المفروض كبير أحفاد رسلان مفيش حاجة تهمه غير السهر والقرف اللي بيعمله بيحتوي بنات الناس وسايب عيلته متدمرة صح ولا لا...ولا أتكلم عن الشركات اللي مأهملها وراميها طالما إن الفلوس في أمان فهو ميهموش الباقي صح!
ركزت في كلام يزن _وليه متقولش إن اللي حصل زمان كان سبب في كل دا يا يزن؟
_لا اللي حصل زمان حاجة ووجودنا هنا حاجة إحنا أخر مرة إتجمعنا سوا في بيت واحد كانت إمتي فاكرينها.؟
عز قاله_من 12 سنة.
-من 12 سنة وإحنا متفارقين وبنكره بعض بعد أما كنا أقرب أربعة لبعض صح ليه بتعملوا كدا عايز أفهم؟ لييه بنكره بعض لييه الحقد والغل والقرف دا، ليه؟
بصيتله بهدوء وسكت وعز هز رأسه أما المختل يونس قال بكل برود _ياريت كل واحد يخليه في حاله أحسن وبعدين عايزنا نعمل إيه هه أول لما كنا نتقابل نأخد بعض بالأحضان يعني ولا إيه دا يبقي فل لو مشفتش وش حد فيكم تاني لحد أما القرف دا يخلص.
بصيتله بهدوء _أيوة ياريت منشفش وشك لوقتها. ومشيت
#منة_محمد_أسيف
