لبست الكوتش بتاعي ولسه خارجة لقيت كريم في وشي_ علي فين يا هانم؟
رفعت حاجبي_ نعم؟
قال بهدوء_البيه الكبير مانع أي خروج بدون أسباب وحراس.
إتعصبت_إحنا مش في سجن وكمان مستحيل أخرج بحرس فاهم!
_بس يا هانم.
رفعت إيدي وأنا بحذره_إبعد أحسنلك فاهم.
وركبت عربيتي ومشيت وأنا فيها إفتكرت كل حاجة حصلت_يا ماما يعني لازم تروحي هناك إحنا هنا عايشين أحسن من إننا نفضل معاهم صدقيني أنا هنا مرتاحة أحسن ما نبقي معاهم.
إبتسمت وقالت_دا حقك يا ميلان إفهمي.
قلت بعصبية_مش محتاجاه أنا كدا كويسة
قالت بنبرة غريبة جداً وعينيها بتلمع_بس أنا محتاجاها يا ميلان._ميلان إنتِ كويسة أنا دلوقت كنت بقابل جدك ويونس ورفضوا يعطوني أي حاجة من حقك وهددوني يا ميلان.
قلت بفزع_هددوكِ مستحيل، يونس عمره ما كان بيهدد حد ولا يقدر وبالذات إنتِ لأنك.. لأنك أمي.
_هددوني يا ميلان إنهم هيقتلوني أنا خايفة وعايزة أرجع بسرعة._ميلان أنا راكبة العربية وفي طريقي للمطار وهرجع، مش عايزة فلوس منهم ولا آي حاجة أنا عايزة إننا نعيش في آمان أنا وإنتِ لآخر عمرنا وخلاص، أنا بحبك وعمري ما هحب زيك، كل اللي عايزاه منك إنك تبقي قوية وإياكِ تستسلمي، كل شيء هيبقي كويس طول ما إنتِ قوية أنا واثقة فيكِ.
قلت ببكي_ماما فيه إيه؟
_مفيش يا حبيبتي مفيش.
وفجأة سمعت صوت حادثة قلت بفزع_مااااما.
مردتش علىّ فصرخت جامد وأنا ببكي_ماااااااااامااا.وقفت العربية بسرعة وأنا مش قادرة أخد نفسي ومسكت تلفوني ورنيت علي ريم وأول لما ردت سمعت صوت عز وهو بيقول بصدمة_ميلان؟
قلت بصوت متقطع_إزاي دا رقم ريم؟
قال بهدوء _لا رقمي وكمل بقلق_إنتِ كويسة؟
فضلت ساكتة شوية وقولت ببكي_لأ.. ممكن تيجي ترجعني القصر؟
قال بخوف_من عيوني بس إبعتي اللوكيشن.
قولتله ببكي زيادة_عز.
_نعم؟
_ممكن بسرعة لإني خايفة.
قال بهدوء _متخافيش أنا خرجت من القصر.
وفعلا بعد خمس دقايق لقيته بيفتح باب العربية وهو بيقول بخوف_ميلان إنتِ كويسة؟
هزيت رأسي بلأ فحركني للكرسي التاني وساق هو _إنتِ خارجة كويسة حصل إيه؟
قلت بهدوء _ممكن توقف العربية؟
وقفها وقال_فيه إيه؟
_عز إنت كنت موجود وماما راجعة تأخد حقي من 5 سنين؟
قال بإستغراب_إمتي؟
قلت له _وقت أما إتوفت.
مسك رأسه وقال_مكانتش جاية تطلب حقك يا ميلان.
رفعت حاجبي _إزاي؟
_والدتك واخدة حقك قبل لما تسافروا آصلا.
قلت بعصبية_مستحيل.
قال بجدية_لأ أخدته، حتي جدي قالها تسيبك معانا وتأخد أي ملبغ تطلبه ودا مش هيبقي من حقك بس هي رفضت وصممت علي إنها تأخدك وتأخد حقك معاها.
_إزاي.... دا أنا معرفش حاجة عن الكلام ده...
وفجأة إفتكرت من إنها كانت بتمنعي أدخل أوضة معينة في البيت فقلت لعز_ممكن ترجعني بيتي.
قال بهدوء _ليه؟
قلت بصوت هادي_هتأكد من كلامك.
رفع حاجبه_إزاي بردوه؟
_هتعرف لما نوصل.
