يونس هز رأسه _أيوة قرروا يرتبطوا من كام يوم كدا.
يونس ضغط علي إيده جامد فعروقه برزت وبدأت أخاف_عز عن إذنك لازم أرتاح هز رأسه فقمت بقلق وكنت هقع فـ يونس سندني وهو بيبص لِي كأنه بيقولي بتكذبوا صح فجأة عز شدني وقال بقلق_ميلان إنتِ كويسة؟
هزيت رأسي وأنا عيني لسه علي يونس فسندني وراح لحد قدام الجناح بتاعي وأنا دخلت وهما فضلوا برا
يونس قال لِي_متهزرش معايا الكلام دا صح؟
إبتسمت _صح هكذب ليه؟
ضغط علي إيده جامد _إزاي.
رفعت حاجبي_هو إيه اللي إزاي...زي ما إنت إرتبطت ب بنت خالتك، وهي إرتبطت بإبن عمها فيه حاجة غريبة؟
قال بجمود_أيوة فيه.
عز قال بإستغراب_إيه الغريب يا يونس؟
قال ببرود_فيه إني الصبح خارج من القصر ومحدش فيكم طايق التاني أرجع ألاقيكم قاعدين جانب بعض وحضرتك تقولي مرتبط بميلان اللي كلكم عارفين إني بحبها.
روز قالت_بتحبها إزاي وأنا؟
قال بهمجية_إنتِ مفاكراني عبيط، علي أساس إنك عايزة ترتبطي بيا لإنك بتحبيني مثلا، ولا عشان فلوسي هه؟
قالت بتردد_يونس أنا أنا
قاطعها ببرود _إتفضلي شوفي أوضة تنامي فيها والصبح ترجعي بيتكم ومشي.
وهي راحت ورا الخادم عشان تعرف هتنام فين
عز إبتسم _حيوان.
قلت له_حركتك كويسة بس هضطر تكمل فيها.
إبتسم _كله يهون لحد أما جدك يرجع.
خرجت من أوضتي أفطر لقيت يونس قاعد يفطر وعز قصاده وبيبصوا لبعض بغل ويزن في إتجاه لوحده قربت من يزن_خير؟
قال بضحك خفيف_المواجهة دلوقت هتبقي مستحيلة الدنيا لما تخف إبقي كلميه.
هزيت رأسي بإبتسامة _لما اروح أصبح علي عز.
غمزلي_براحة عشان ميتغباش عليكم.
هزيت رأسي وروحت قعدت جانب عز وأنا بقوله_عز صباح الخير.
إبتسم وهو بيبوس إيدي_صباح الخير يا حبيبي.
همست له بسرعة_متأڤورش هه.
ضحك وهز رأسه برفع عيني علي يزن لقيته ميت ضحك وبيشارولي علي يونس لقيته بيبص لينا وعينه حمرا فقلت بخوف _عز بيتحول.
قال بقلق_يلا عشان أوصلك التمرين.
هزيت رأسي بسرعة _يلا بسرعة.
بليل كانت الحفلة كنت واقفة مع مدرب الفريق بتاعي فقال بصدمة_ميلان، هما التلاتة دول قرايبك؟
ببص علي الإتجاة اللي بيشاور عليه لقيتهم عز ويونس ويزن فهزيت رأسي بـأيوة فقال بإبتسامة _أيوة عشان كدا.
رفعت رأسي_فيه إيه؟
شاور علي عز وقال _دا دايما بيحضر التدريبات بتاعك كل يوم.
قلت بصدمة_كل يوم؟
قال _أيوة.
وشاور علي يزن وقال_ودا بيحضر المباريات بتاعتنا كلها.
بصيت له بصدمة فكمل وهو بيشاور على يونس _ودا بيحضر كل شيء يخص النادي من تمرينات لمباريات أسياسية وودية بس بيكون مستخبي عشان محدش يشوفه.
عيني دمعت لإنهم دايما كانوا بيدعموني حتي وأنا مش بكلمهم وبيحضروا مبارياتي وتمريني كمان
المدرب كمل_وفاكرة رسايل التشجيع اللي كانت بتجي لك، كانت منهم.
إستئذنت من المدرب ورحت أدور علي يزن لحد أما لقيته واقف لوحده فجريت ضميته_أنا بحبك أوي.
إبتسم _وأنا كمان بحبك يا ميلان، بس فيه إيه؟
قلت بإبتسامة _لحضورك مبارياتي من دون عملي ولتشجيعك ليا.
ضربني في كتفي_دا إنتِ أختي يا هبلة.
