"طلقني لحد هنا وكفاية يا مراد "
_لو مكانتش عملت كدا كانوا هيشكوا في رجولتي.
_نعم وهي رجولتك أنك تضربتي يا مراد؟
_سامحيني؟
_المرة الأولي عديتها لأني كنت غلطانة ودا مكانش مبرر بردوه إنك تمد ايدك عليّ يا مراد.
_نعم لما تهربي من البيت كدا مش مبرر؟
إتعصبت _أيوة مش مبرر مش من رجولتك أنك تضربي وقدام العيلة كمان.... لا عاش ولا كان اللي يمد إيده عليّ
_يا ملاك اسمعيني.
اتعصبت بزيادة_ اسمي أسيف هه أسيف مش ملاك ياريت تفهم.
قرب مني بهدوء _ملاك.
بعدت وانا بخرج من الاوضة _طلقني لحد هنا وكفاية يا مراد.
مستنتش حتي يرد عليّ ونزلت تحت لقيت جدي قاعد علي الكرسي المخصص له
_مش هترسوا علي حل يا بنتي كل يوم خناق كدا
_أنت السبب يا جدي أنا قولت لحضرتك إني لسه صغيرة مش هتفاهم معاه وأنت اللي أصريت إننا نتجوز وبقالنا سنتين على نفس الوضع ومش قادرين نتفاهم
_إنتِ اللي بهدلتي الدنيا لما سافرتي من دون علمه
إتعصبت جامد _نعم أنت عايزني أبقي متجوزة بقالي شهرين تلاتة ويجيلي رسالة إن جوزك مع واحدة أروح القيه حاضنها أعمل إيه دا كنت مكملتش 3 شهور متجوزة أقف أسقف له ولا أعمل إيه ها؟
_كان لازم تعرفي إن دي مهمة بصفتك ظابط مخابرات ولا أي إنتِ؟
_مقدرتش أتخيل أي حاجة بعدها صدقني.
إتنهد_إطلعي راضي جوزك يا بنتي.
_ ارضيه وهو اللي مزعلني؟
_اللي بيحب بيسامح.
_قصدك اللي بيحب مش بيجرح.
تلفيوني رن
_المقدم أسيف الراوي..؟
_معاك يا فندم.
_عندنا مهمة في أسبانيا جاهزة؟
اتنهدت وفكرت في مراد بعدين إتكلمت _جاهزة يا فندم.
_الصبح تكوني في المطار وكل التفاصيل هتبقي مع بدر هناك.
_تمام يا فندم.
فوقت من شرودي علي صوت بدر
_المهمة نجحت يا شريكة.
إبتسمت بهدوء وقلت_نجحت يا شريك.
"بقالي سنة علي الحال دا بفتكر آخر لقاء بينا وحشني تفاصيله وهدوءه وذكاءه وحشني لما بيقعد في ركن في الأوضة كدا مخصصه للقراءة، وبيقرأ في الكتب ومعاه قهوته وحشاني ضحكته وطريقة كلامه ولون عينيه سنة بعيدة عنه يمكن يحس بالندم متاكدة إنه ندمان من يومها بس مش هرجع بسهولة "
بدر إبتسم _راجعين بكرا.
_إرجع أنت.
_لازم ترجعي لأن عندنا مهمة.
_تمام جهز الورق.
"بدر شريكِ في كل مهمة بروحها من 3سنين أكتر شخص بيفهم دماغي وتحركاتي جدع ووقت الازمة في ضهري بجد "
وصلت مقر الشغل ودخلت لجوه لقيت العقيد نوح موجود
إبتسمت _ نورت يا فندم.
ابتسم_ دا إنتِ اللي نورتي يا بنتي بجد عاش أوي علي مجهودك في المهمات اللي فاتت رغم وجودك في بلد أوروبي.
_كلها بلاد الله يا فندم والحمدلله مكانتش هنجح بدون بدر.
_المهم إحنا كمخابرات عندنا مهمة تجارة مخدرات كبيرة أوي لو نجحت تدخل البلد هتدمرنا كلنا.
_المطلوب.
_المرة دي هيبقي معانا قوات شرطة كفاءاة.
_نقدر نقضي عليها بفريقنا يا فندم.
_مهمة صعبة جدا يا أسيف والتجار دول مش زي أي تجار فاتوا .
_تمام.
_دلوقت هتبقوا تلات فرق منهم شرطة ومخابرات وصاعقة.
_اللي تشوفه يا فندم.
رفع التليفون وقال_دخل البشوات.
من الجيش معانا المقدم يونس وفريقة أحمد وآسر وعمر.
_أهلا بحضرتك يا باشا.
_أهلا بحضرتك يا فندم إتشرفت بيكِ
_ومعانا من الشرطة المقدم مراد عمران ورجالته ياسين ومروان وعز.
إتصدمت مكاني لما سمعت الاسم بصيت لقيته واقف بهيبتة زي ماهي بص لي بعتاب فـ بصيت مكاني تاني.
العقيد قال _ دلوقت تقدري تختاري هتبقي مع مين فيهم.
المقدم يونس إتكلم وقال _إنتِ لو بقيتنا في فريقي هنقدر عليهم.
"سمعت صوت أنفاسه عارفها كانت عالية جداً بصيت بطرف عيني لقيت وشه إحمر ولسه تكة وهيضرب يونس "
فإتكلمت بسرعة
_اللي تشوفه يا حضرة العقيد
العقيد قال _أنا شايف أنه هتكوني متفاهمة مع المقدم.
#منة_محمد_أسيف
#ملاك
