البارت 2
العقيد قال _انا شايف انه هتكوني متفاهمة مع المقدم مراد اكتر
_اللي تشوفه يا فندم
_بما إنكم من نفس العيلة وكدا
_اللي تامر بيه.
فقال العقيد_تمام.
_عن إذن حضرتك يا فندم همشي عشان ارتاح من السفر وهاجي لحضرتك بكرا أعرف التفاصيل.
_تقدري تعرفيها من مراد بقي.
_تمام عن اذنك.
"خرجت بسرعة ركبت العريبة اللي جدي بعتها عشاني
_إتفضل إمشي
_بس يا فندم مراد بيه قالي أستناه.
إتعصبت جامد _ إبقي إستناه ونزلت منها وكلمت بدر.
_عربيتك فين؟
_قدام المقر.
_هات المفتاح بسرعة.
_إستني جاي اهو
"استنيته لحد اما نزل اخدت المفتاح ونقلت شنطي لعربيته واخدتها
_إبقي تعال خدها من القصر
_بس مراد قال أنك تفضلي لحد أما ينزل
_لو عايز تستناه إستناه مش همنعك والله.
"وصلت القصر لقيت جدي قاعد حضنته
_ما وحشناكِ ولا اي يا أسيف.
إبتسمت_قد العالم كله يا جدي
_مراد فين قال أنكم هتيجوا سوا.
_في المقر أنا هطلع ارتاح شوية.
_اتفضلي يا حبة عيني
"من يوم ما وعيت على الدنيا وهو اللي ساندني معرفش ليه فضل جانبي وكبرني ورباني وبعد اما مراد أهله اتوفوا انضم لينا بناء على طلب جدي مسعد وهو اللي اصر علي جوازنا لانه كان عارف اني بحب مراد وطول عمره بيدعم قراراتي بس مش داعم فكرة البعد عن مراد انا مقدرش ابعد بس مش قادرة اسامح "
ارتحت شوي وبعد كدا نزلت لقيته قاعد مع جدي اول لما شافني قام قرب مني بهدوء_وحشتني
_طيب
بص ليا بهدوء _لا والله
اتكلمت ببرود_اة والله
بص لجدي وقال_عن اذنك يا جدي لينا اوضة نتكلم فيها
جدي ابتسم_اتكلم معاها بهدوء يا مراد
مسك ايدي واخدني معاه بقوة لفوق
_ممكن اعرف مالك
اتنهدت_مفيش
اتعصب _لا فيه
اتعصبت وقلت_ايوة فيه يامراد اول مرة بعد اما اتجوزنا مكملناش ٣شهور ولقيت حضرتك حاضن واحدة مجاش في بالي انك في مهمة كل اللي اجه في بالي انك بتخوني وانت عارف ان اكتر حاجة بكرها في الدنيا الخيانة مقدرش اعاتب اصلا اخدت هدومي ومشيت من دون علمك بس رجعت تاني مقدرتش ابعد
اتكلم بهمس _بس انتِ عارفة اني مخونتش واتهمتني بكدا قدام العيلة
_ايوة خنت يمراد لما جيت اشوفك في المطعم بعد اما ياسين قالي انك موجود هناك كنت جاية أبدا من جديد بس لقيت نفس البنت بتحضنك وقتها عرفت انها مش مهمة يا مراد قلبي مش هيستحمل تاني صدقني
_لا مخونتش ولا هخون لان يومها هي خرجت من السجن بعدها واجت هددتني انا مخفتش ولا عمري هخاف من تهديد بس هي هددتني بيكِ فلما انتِ جيتي قولتِ انك هتسافري شغل وفقت بدون أي تفكير عشان احميكي واسالي بدر اني كنت اعرف خطواتك خطوة خطوة
_مقدرش والله ما قادرة ارجع دلوقت عايزة وقت
_وانا معاك لحد اما تقدري
_اي هي التفاصيل
_شحنة مخدرات كبيرة جدا هتيجي عن طريق مصنع طلعت خيري
اتصدمت_اكبر رجل اعمال في مصر
_ايوة وورا الشحنة دي هتبقي منتجات وان قدرنا نقضي عليهم هنقضي علي شبكتهم الموجودة داخل مصر
_هتتحرك امتي
_بكرا الساعة 11 بليل
_يعني المفروض نكون اخدين احتياطاتنا الساعة 9:30
_حصل
_الفرقة التانية هتتابع فين
_من قدام مقر شركات طلعت خيري لحد مكان التسليم
_تمام
_وافتكرت إياكِ تختلطي باللي اسمه يونس دا
_عارفة حدودي كويس يمراد
الباب خبط
_اتفضل
_مراد بيه فيه واحد عايز المدام تحت
_اتفضلي انتِ يا سنية
_اكيد دا بدر جاي ياخد العربية
_تمام هاجي وراكِ اهو
_تمام
نزلت لقيت يونس تحت مع جدي
_اهلا بحضرتك يا يونس باشا
_ اهلا بيكِ يا أسيف
_اتفضل فيه حاجة ولا اي
_لا أبداً بس حسيت حضرتك تعبانة قلت اجي اتطمن عليكِ
_يا حنين يا روح امك
_م مراد
#منة_محمد_أسيف
#ملاك
