نوفيلا{جنون الحب} للكاتبه:حبيبه محمد.{مكتمله}.

الحلقه الثامنه والاخيره.

نوفيلا.
جنون الحب.
الحلقه الثامنه والاخيره.
"حبيبه ومحمد".
___________________________________________

أحنا بنحب لي؟!.
السؤال ده اللي كُلنا بنسأله لنفسنا لي بنحب والأهم من كده لي بندور على الحب وعلى الشخص اللي نديله كل الحب اللي جوانا من غير مقابل؟.

لما بتسأل نفسك السؤال ده يا مبتلاقيش ليه إجابه يا بيكون ليه إجابه لكن انت كشخص عايز المنطق مبتكونش مقتنع بالإجابة دي وعشان كده لازم إجابه زي دي للسؤال ده تكون صادقه مفيهاش كدب ولا شوائب ولا نفاق.

الحب اتخلق عشان يسكن قلوبنا ويخلق مننا أشخاص مستعده للحب ،شخص ممكن يقوم بحرب عشان شخص هو بيحبه إي كان الشخص ده يقوم بحرب ويحارب حتى لو حاسس إن في اخر حربه دي هيخسر بس هيخسر بشجاعته وقوة معافرته ،الحب اتخلق عشان يخلق لينا اشحاص شايلين في قلوبهم لينا الحُب والسكن والمودة والرحمة ،شخص حبك واترتب على حُبه ده إنك أنت كمان حبيته ومن هنا بدأت حدوته الحب تكبر ما بينكم.

ما هو انت مش هتيجي تقارن بين شخص قاعد مستني أن حد يحبه ويجي لحد عنده من غير ما يدور عليه وهيجيله ازاي وهو قاعد متستت وحاطط رجل فوق رجل، اللي عاوز الحب ده بيدور عنه بينجم عنه وكأنه بينجم عن ألماس أو دهب بيحفر في التراب ويشق ليه الصخر عشان بيدور على الحب.

عارفين الحب اتخلق لي؟!.
عشان دي المشاعر الوحيده في العالم اللي صافيه من الكراهيه والحقد والشر ،دي المشاعر الوحيده اللي عمرها ما تكون متواجدة في القلب وليها حليف تاني من الشر وغيره زي ملك البلاد وحده هو اللي قدر يمسك الحكم ومحدش يقدر يشاركه وهو الحب كده لو مسك القلب محدش يقدر يشاركه فيه.

الحب اتخلق عشان يحببنا في نفسنا تخيل تكون فاقد الثقه في نفسك فاقد الثقه في روحك فاقد الثقه في كل حاجه ويجي شخص جميل يطبطب على روحك ويرجع ثقتك لنفسك ،شخص يكون عكازك وقت ما تتكسر يسندك، شخص يكون كتف ليك وقت ما تميل يلحقك،شخص يكون ضهرك يوم ما تنحني يرفعك.

الحب اتخلق عشان يخلي الدنيا مكان اجمل نعرف نعيش فيه فكر كده معايا لو الحب مش موجود كانت الدنيا ممكن تكون هاديه بالشكل ده .

لما تيجي تقرأ في قصص الحب بتاعت زمان تقعد تحلم وتتخيل أن يكون ليك قصه حب زي دي ،انت بطلها فيها طب مسألتش نفسك يا كاره الحب ورافض تدور علبهغ لي بتحلم بكده ؟ لي بتحلم بحد بيحبك وعاوزك؟ الإجابه هيا عشان انت بتحب الحب نفسه وحابب صدق مشاعره

عنتره لما حب عبله زمان مستسملش بالرغم من أن الكل كان ضده اخوه شيبوب اللي كان اقرب شخص ليه كان ضده وكان دايماً يقوله أن عبله عمرها ما هتكون ليه لكن عنتره مكنش فارس بس في الحرب ده كان فارس كمان في الحب.