نوفيلا.
جنون الحب.
(محمد وحبيبه).
الحلقه الثالثه.***************************************
مركز هو جامد في الملف اللي بين إيديه بيحاول يفهم منه ويحلل القضيه اللي بقالها شهر مش راضيه تتقفل زهق فرمي الملف بعيد عنه شويه ورجع بضهره لوره يسند وهنا عينه جات على صورته هو وحبيبه اللي متعلقه على الحيطه وكانت يوم قراية الفاتحه .
ضحك مع نفسه وهو بيفتكر حجم المشكله اللي عملها هو وحبيبه يومها بالرفض منه أنه مش هيعلق الصوره في مكتبه وهيا إصرارها زاد قدام عناده وهيا بتقوله أنه هيعلقها يعني هيعلقها وفي الاخر عملت اللي في دماغها وعلقتها يفتكر يومها لما بصتله بانتصار وصفقت بايديها وقعدت تغني مسيطره همشيك مسطره.
ضحك على غبائها هو لو مكنش عايزها تعلقها مكنتش هتتعلق بس هو حبها حب الصوره اللي بتجمع بينه وبين حب عمره ،نظر للصوره بتأمل فستانها البني الهادي اللي كان نزل بوسع جميل كان لونه نفس لون عيونها بالظبط وهو اللي اختراه ولتاني مره يضحك وهو بيتفكر لما قالتله ("انت جاي تتجوز شجره يمحمد فستان بني!!").
مقدرش يمسك ضحكته وضحك بخفه وهو بيهز رأسه حتى اليوم ده مخلصش من خناقهم بص لنفسه بقي وضحك اكتر وهو بيفتكر اللي قالته ("زي ما انت هتلبسني بني انا هلبسك اخضر اه امال ابقي شجره ومليش ورق!!؟" .
مجنونه والله يفتكر يومها انها فعلا جابتله قميص اخضر وخلته لبسه وصورته بيه بص لبنطلونه البني وقميصه الابيض وده بعد ما كان هيبوس رأسها أنها تسيبه من غير اخضر وتحت إصراره سألته يلبس اللي هو عاوزه بعد ما خدت مرادها من الصوره.
واخيرا ضحك على شكل الصوره حيث أن حبيبه قاعده على الكرسي ماسكه بوكيه الورد وهو جنبها وهيا رافعه كفها كله في وش الكاميرا وبتقول للمصور ("إياك متبينش الخاتم يجدع انت ").
أنت تقرأ
نوفيلا{جنون الحب} للكاتبه:حبيبه محمد.{مكتمله}.
Humorعندما يلتقي الحب والجنون معاً يصنعان المعجزات. الحب طريق متفرع ولكل منه حكايه. ولكل حب قصة ولكل قصه أبطال. الجنون، الحب، العشق، المرح،المشاغبه. يلتقيان معا فيصنعان حكايه مجنونه. يوميات من جنون الحب قريبا وحصريا. للكاتبه: حبيبه محمد.