نوفيلا{جنون الحب} للكاتبه:حبيبه محمد.{مكتمله}.

الفصل السادس 🖤

نوفيلا.
جنون الحب.
(محمد،حبيبه).
الحلقه السادسة.
............................................................................

اجمل حاجه في الدنيا دي إنك تحب والأجمل من كل ده إنك تتحب جمله سمعتها في مسرحيه زمان ومقدرتش إني افهم معناها ولا أفهم إي معني الحب هو فعلا ممكن الحب ممكن يكون سبب في سعادة حد؟.

هو الحب ممكن يخلي الدنيا اجمل ،يخليك تشوف الدنيا زي ورده جميله فرحان وانت كل يوم بتسقيها وهيا بتجازيك برحيقها الحلو وشكلها الجميل واغصانها وفروعها اللي بتتفتح كل يوم عن التاني مكنتش اعرف يعني اي حب ولا أعرف الحب ده عباره عن اي؟.

بس طلع الحب ده اجمل شعور إنت ممكن تحس بيه ،الحب طلع السكر اللي بيحلي المُر ويخلي ليه طعم مختلف ،الحب طلع أعظم شعور ممكن البني ادم يحس بيه.

الحب بيغير ملامحك بيخليك اجمل واجمل وخصوصا لو الي قدامك بيحبك ده اجمل والأجمل لما اللي قدامك يحس بحبك ،الحب بيخليك تشوف الدنيا زي سحابه غيث عدت على أرض جرداء مفيهاش حياه بس بقطره واحده من السحابه دي الأرض دي بقيت جنه.

جنه تتسكن جنه تقدر تعيش فيها من غير خوف أو قلق أو تحس ،جنه انت مستكين فيها إنت وحبيبك .

عرفت لي بس دلوقت لي ربنا خلق حواء من ضلع ادم عشان يكملوا بعض ،عشان قلوبهم تكون موصله ومفيش حاجه تقدر تفرقها وعرفت لي ربنا خلق لينا قلوب .

القلب بيحس بكل حاجه هو الوحيد اللي بيشوف الصح من الغلط عامل زي البوصله بيوريك الطريق الصح وعشان كده قلبنا الوحيد اللي بيقدر يحس بالمشاعر وهو الوحيد اللي يقدر يتقبل مشاعر الحب من غير ما يحس إنها تقيله .

بالعكس ده بيطير بيها وبيكون هاين عليه ينط من بين ضلوعك ويصرخ في اللي قدامك إنه بيحبه زمان قرأت مقوله بتقول" لو بتحب حد روح قوله إنك بتحبه متستناش منه هو يجي يقولك إنه بيحبك ما يمكن بالخطوه اللي انت بتعملها دي تفتح في وشه مليون طريقه يقولك بعدها هو بيحبك إزاي"؟.

الحب اتخلق عشان يخلي الوحش جميل ،يخلي اللي قلبه زي حجر الصوان حجر متفجر يخرج منه مايه تحيي اللي حواليه، وبرضه الحب اتخلق عشان يحيي القلوب المستكينه اللي مفكره إنها اتخلقت تضخ دم وخلاص .

حبو واتحبوا واخلقوا من كل حاجه فرصه تعبروا فيها للي بتحبه حبك متخليهوش يحس إن حبك ده قل في يوم او معدش موجود.

الحُب مافيهوش قانون ولا فقدان أهليّة
ربنا هو اللي بيوّلف القلوب على بَعضيها.

مههما إتكعبلت فِ ناس غَلط؛ مسسيرك فِ الاخر هتقابل إلى يكلمك ويششبهك على نياتكُم ترزَقون زى ما نكون هنقابل ، وزى مم نعمل هنلاقي الطيور على أشكالها تَقع والقلوب على نقاءها تَقع ، والارواح الطيبة مع اشباهها تقع.

كانت دي اخر الكلمات اللي حبيبه كتبتها تختم بيها روايتها اللي بقالها خمس شهور بتكتب فيها ابتسمت وهيا بتعيد قراءة الكلام اكتر من مره وكل مره تقرأ فيه الكلمات دي تحس إن مفيش غير شخص واحد بس اللي يستحق إن الكلام ده يكون ليه.