نوفيلا.
جنون الحب.
الفصل السابع .
"حبيبه ومحمد".
___________________________________________
ام كلثوم لخصت الحب وقالت:
الحب هو الود والحنية عمره ما كان غيرة وظنون وآسية...الحب هو اللي بأمره هويتك وأمره لا بإيدك ولا إيديا.❤️
الايام بتعدي ورا بعض يوم ورا التاني وحبيبه ومحمد كل يوم عن التاني بيزيد حبهم لبعض اكتر من اليوم اللي قبله.
محمد أخد اجازه اسبوعين من شغله وابتدا هو وحبيبه يجهزوا اوضه للبيبي اللي لسه معرفوش نوعه إي لكن محمد وحبيبه كانوا حاسين أنه ولد وابتدوا يجهزوا الاوضه إلى أساس كده.
السعاده كانت شريك تالت ليهم وهما بيختاروا كل حاجه وينقوها سوا كانت مشاركاهم في كل حاجه وده اللي خلاهم مختلفين عن الآخرين في أن سعادتهم باينه عليهم .
محمد مكانش مستعر من أنه يبين سعادته بإبنه ومراته بالعكس ده اخد شغل البيت كله وابتدا هو وحبيبه يساعدوا بعض برغم اعتراضه لإنه شاف حبيبه بتتعب وتهبط بسرعه إلا أنها بعناد رأسها ونشوفيتها أصرت أنها هتساعده.
حبيبه عرضت على محمد يرحوا جلسات يتعملوا فيها حاجات عن حياتهم اللي هيدخلوها جديد وقالتله إنها حابه تحس بالمسؤولية اكتر ووالدتها بعيده عنها واكيد مش هتقدر تتعامل مع البيبي من اول يوم يتولد فيه وأنهم هما الاتنين محتاجين ينمو معلوماتهم اكتر عن حياه الابوه.
ومحمد وافق بسرعه من غير نقاش وابتدوا يروحوا الجلسات سوا وطول الجلسه محمد بينكش فيها وهيا بتنكش فيه والكل كان بيحسد الاتنين على بعض وعلى كمية التفاهم الجميله اللي بينهم .
نزلوا يجيبوا باقي الاحتياجات اللي هيحطوها في الاوضه بعد ما جابوا سرير اطفال جميل بلون الابيض ودولاب خاص بيه للعب والهدوم لون الابيض وسجاده زرقه مرسوم عليها كارتون وحبيبه طبعا منستش تجيب من كل لعبه اتنين عشان تعرف تلعب مع ابنها.
حبيبه قاعده في عربيه التسوق ومحمد بيزق العربيه بيها وهي بتفكر تجيب اي ومحمد بيضحك عليها وعلى منظرها وهنا افتكر إصرارها انها مش هتقدر تمشي وهتركب في العربيه بالرغم من الناس اللي تشوفها تقول هبله بس هيا مهتمتش ومحمد بيضحك بينه وبين نفسه على جنونها اللي بالرغم من أنها هتكون أم خلال شهور إلا أنه لسه زي ما هو متغيرش.
_استنى استنى وقف كده.
قالتها حبيبه وهيا بتتعدل من قعدتها في العربيه ومحمد وقف العربيه وبص للي هيا بصتله وكانت لعبه كبيره على شكل باندا وحبيبه ابتسمت بسعاده طفل وقالتله وهيا بتشاور عليها:
_هات دي يا محمد بسرعه.
محمد رفع حاجبه بتعجب وقرب مسك الباندا وحطها في العربيه وهيا سقفت بسعاده وهو قالها:
_والبيبي هيلعب ازاي بالباندا دي أن شاء الله؟.
ابتسمت وببساطه بصت ليه وقالت:
أنت تقرأ
نوفيلا{جنون الحب} للكاتبه:حبيبه محمد.{مكتمله}.
Humorعندما يلتقي الحب والجنون معاً يصنعان المعجزات. الحب طريق متفرع ولكل منه حكايه. ولكل حب قصة ولكل قصه أبطال. الجنون، الحب، العشق، المرح،المشاغبه. يلتقيان معا فيصنعان حكايه مجنونه. يوميات من جنون الحب قريبا وحصريا. للكاتبه: حبيبه محمد.
