رواية #يكبرني_بـ22عاماً #واقــعـيـة
للكاتبة :سولي الــحـلـ2ـقـة
.
الأمن : قالك أستاذ اشرف تعالي للمكتب استلمي بطاقتك
أنا:😫😭😭في سري
يا حمارة يا انا
يا غبية ليش تعطي فيها له
مش عارفة سمعته لزبالة
ماهو نبش يحطني في راسة 😭 وانا نمشي زعمة شن يخطط وشن في راسة ياربي 😭ورجلية يرجفوواا 😭😭
....
وصلت وانا قلبي بيطلع من مكانه
صبيت عند الباب
أشرف:ادخلي
انا:لا حتى هكي كويس
أشرف: انا اول مرة نلاحظك هنا
انا:مانجيش الا وقت الإمتحان
اشرف:ليش ؟
انا:هكي متريحة خاشه تقويات
اشرف:ماشفتش ليبية بجمال هذا من قبل اكيد مامتك أجنبية
انا:🤢🤢(في عقلي يارب الصبر ) لا لا أستاذ ليبية اورجينال وياريت تعطيني بطاقتي لاني تأخرت 😒
اشرف:مازلت ما مليتش عيوني منك
انا: لو سمحت عطيني بطاقتي 😡
اشرف : حاضر ح نعطيها لك
صبا من المكتب وقرب مني وقال
:سجلي رقمي عندك وبأذن الله سنة هذي طالعة منها انتي
انا:لا لا شكراً قاعده نقرى و نتعب وبأذن الله ح ننجح
اشرف: وانا لعيون السماح هذينا مانبهنش يتعبن ويسهرن من القرايا غير خليني نتعرف عليك بس
انا: انت في شن تحكي 😡 مش عارف سمعتك انت ؟ و شن يحكوا عليك 😡
اشرف:شن يحكوا 😡
انا:اطلع وانت تعرف 😡
اشرف:معناها عارفة انك مش ح تنجحي الا برضايا 🤨
انا:ناجحة بيك ولا بلاك 😡
.مع دخلت حد من الموظفين
انا:(دموعي بدو ينزلو)معلش لو سمحت جيبلي بطاقتي
الموظف حس إن في حاجة وخذا البطاقة منا وعطاها ليا
....
خذيت بطاقتي وانا منهارة من البكا 😭😭ودخلت ع الأمتحان وخذيت نفس وشربت مية والحمدلله حليت كويس
بعد الأمتحان في كفي الجامعة.....
منى:هالتافه الواطي المنحط
نسرين :عارفه كان انا منك رآه شرشحت به دنيا ولميت عليه العالم
انا:لالا نبش فضايح والحمدلله اللي جت علي هكي
منى:تزعلش روحك
أسامة:دكتورة كيف حالك
أنا:اهلين دكتور أسامة كيف حالك
أسامه : الحمدلله
أنا: صحباتي منى و نسرين
أسامه:اهلين بيكن
منى&نسرين:اهلين😊
منى تحكي نسرين : اووووف ع الجمال 🤦🤤
أسامة: دكتورة سادين ممكن نحكي معاك من بعد اذنك
أنا:تفضل دكتور إن شاء الله خير
أسامه : تبي الصراحة بدون اي مقدمات
من اول ما شفتك وانا نشوف فيك حلالي ونشهد بالله شاريك يا بنت ناس
أنا: احرجتني دكتور 😳 😥 تبي الصراحة انا مش مفكرة في الموضوع توا مازال نكمل قرايتي
أسامة: اللي تبيها انا حاضر انا واتي لو تبي الفرح توا ولو ماتبش عادي
نديرو خطبة ونراجيك
أنا:دكتور آسفة وآلله مانبي نتزوج 😣
أسامة:مانبكش تردي عليا توا فكري في الموضوع
انا: يستر الله 😣
سلام
سلام
منى&نسرين بدن فيا ضرب
منى: مسكين راجل جاي يخطب في وحده نكد
نسرين:جمال ع الأبيض هابا لو يندري🤦
انا:موتن قهر 😜😋
بنت:معلش لوسمحتي دكتور أسامة شنو كان يبي منك
منى:وانتي شنو دخلك ؟
بنت:لو سمحتي نحكش معاك
أنا: معلش عليش تسألي
بنت:لأنه حبيبي ويحكي معايا
أنا:به ربي يهنيكم غير كنت نبيه يشرحلي مواد وهوا ماعندش وقت
بنت:لو سمحتي ماتحكش معاه مرة أخرى
انا:حاضرين
منى:انتي شنو دخلك هوا جا يحكي.......
سكرتلها فمها و عدينا
