روآية #يـكـبـرنـي_بـ22عاماً #واقــعــيـة
#للكاتبة_ســـولــي #الحلقــ7ـة
.
.
.
.
وصل الجماعة وتأسف منهم واجد
وانا قاعده نرعش ومنهارة من البكاء و مش عارفة كيف نحكي و نفتح الموضوع
دخل سليمان وهوا رقيتله 😡 وسكر الباب بالقوة
وجا لعندي وعيونه كافرات مش مسلمات
أنا:😭😭😭😭 ليش درت فيا هكي معقولة سبب تافة تخليك تحطني في الحظر
__________________________________
جا بكل برود وقعمز ع المكتب وقال
سُليمان: أنا نعطي إنذار إنذارين لو شخص يعزني الثالث نتخذ قرار
أنا:مش هكي تفاهم مش هكي 😭 والله ما توقعت روحي رخيصة عندك له درجة
سُليمان:🤬😠😡ما عش نسمعها الكلمة هذي
أنا:انت قتلي ماعش تعلقي في قروووبات مش صفحة عامة
سُليمان:أنا ما نبكش تعلقي في اي مكان انتي بنت ............ وهذا مش قدر باتك تعلقي في كل مكان
أنا:أنا ماقلت عيب ولا قلت حاجة غلط
سُليمان:مواضيع تافة شن يقربلك معاذ ما معاذ مواضيع ما يستهلنش اني نزل من قدري و نعلق
أنا: من قالك هكي نزل في قدري هوا مش موضوع عشان قدري ينزل منا
سُليمان:عارفة اكثر حاجة مانحبهش في الحياة حد يكسر كلمتي
أنا: انا ما كسرت كلمتك وانت كبرت الموضوع يا عمي ديرني طفلة وفهمني ، اشرحلي
ليش تعامل فيا على أني متهمة
سُليمان:عارف طبعي زفت والله عارف ..معلش مادورش
أنا:كيف ما ندورش تجرح مشاعر إنسان يعزك
سُليمان:ماهو عشان هكي درت هكي ..عارفة وقتها كنت بركان غضب الحمدلله اللي تمالكت نفسي
أنا: تمالكت نفسك 😳
سُليمان:على العموم حصل خير جيتك هذي بدنيا وكأنه ما صار شيء
أنا:لا عندك ما صار شيء لكن أنا يومين عدن سود نود والله يسامحك وخلاص
___________________________
نهرت من البكاء و صبيت بنطلع صبا سُليمان وجا قالي قعمزي و هوا قعمز ع الطاولة اللي مقابلة كرسي اللي مقعمزة فيه
_________________________________
سُليمان:خلاص بطلي بكا والله دمعتك تحرق فيا
أنا:لو تحرق فيك ما نزلتها ...أنا منصدمة أن هوا هذا السبب التافه اللي يخليك تخسرني
(جا حط صبعة علي فمي وقالي اسسسس )
سُليمان: إن شاء الله مانعيش دقيقة يوم اللي نخسرك
أنا:بعيد السو عليك 🤬😭😭
سُليمان (يشوف في عيوني ) : تخافي عليا ؟
أنا:خلاص خليني نطلع أنا جيتي هنا ماكنش له داعي
سُليمان:تبيني نتنرفز أخرى 🤨قتلك جيتك هذي بدنيا عندي
أنا:عندك أنت
(سُليمان حط ايديه علي ذرعاني و عصرهم بالقوة )
سُليمان:ماتعصبنش سادين 🤬
(أنا كنت نشوف شرار اللي في عيونه نقول معقولة هوا هكي ومش فطنتله صبيت من الكرسي وهوا وقف معايا وماسك ذرعاني وانا نحس في دنيا تبرم وبديت نفقد اعصابي ونبحت في سُليمان ونحس بسُليمان يقولي سادين كنك )
.اغمى عليا .......
.
(كنت فاقدة الوعي بعد فتحت عيوني ألقيت الوشاح اللي لبسته مغموم علي واجي حاولت نحولة ألقيت سُليمان يحول فيه)
.
أنا:معقولة تخنقني علي واجي
سُليمان : ماهوا نبش حد يشوفك
أنا:به أنا مغمى عليا كيف تحطه
سُليمان:انتي عندك هبوط مش نقص اكسجين
أنا:الشخص بعد يقعد مغمى عليه ماعش تخنقه مرات يموت
سُليمان:عندي تموتي ولا حد يشوفك
أنا: سُليمان😧😧
سُليمان: عيونة و قلبه نعم
أنا:ليش الغيرة هذي كلها و أنا وين
(طال صمت سُليمان)
سُليمان:هذي غرفة في المبنى دايرنها لو صارت فيا حاجة
أنا:بعيد السو عليك
(مسك يدي ) سُليمان :تخافي عليا
أنا:ساعدني خليني نصبي
(مسك يدي بالقوة وباسها)
سُليمان: سامحيني
أنا:كنه كل شيء فيك بالعنف
سُليمان: اول شخص في حياتي نتأسف منا
أنا: 😅😅معناها قدري كبير عندك
سُليمان: مش تعرفي بس 🥺
(قعد يشوف فيا وعينه مارمشت بكل)
أنا:خلاص تبحتش فيا هكي
سُليمان:عارفة عيونك بحر وانا غرقت فيهن
(غمضتهن)
سُليمان: تحاولش تغمضيهن
أنا:نبي ننقذك من الغرق
(غمضت عيوني أخرى نابش فيه ..لعند حسيت حاجة جت علي واجي فتحت 😳)
سُليمان:مش قتلك تحاولش تغمضيهن
أنا:خلاص باعد به
سُليمان:لاء
أنا:ارجوك حول ( وقعد نميل في رأسي )
سُليمان: مش قادر في مغناطيس شادني ليك
أنا:لالا هذا شيطان مش مغناطيس
سُليمان:😂😂😅عنشكلك
أنا:خلاص سُليمان فكلي هذي بنصبي
سُليمان:مازال ما كملت
أنا:خلاص حسيت روحي كويسة
(كلم الممرضة وفكاته ليا وهوا صباني وغم علي واجي )
أنا:ليش هكي
سُليمان:نبش حد يشوفك
أنا:ماهوا بعد نروحك بيشوفوني
سُليمان: لالا ح تنزلي مع دروج الخلفيات ولبس هذا ماعش تلبسيه
أنا:لابسة عباية واسعة شن تبيني نلبسلك
سُليمان: غمي وجك وانتي ساكتة وامسكي في يدي لعند ما نوصلوا للمكتب
(مسك يدي و قعدنا نمشوا لكن ماكنت نشوف في شيء كيف الهبلة لاصقة فيه وخلاص وصلنا للمكتب حاولت الوشاح بسرعة )
أنا:حرام عليك خنقتني (وناخذ في نفسي بالقوة)
(جا قرب مني قرب قرب )
أنا:😳
سُليمان يقرب
أنا:😳
يتبع......
بجد زعلانه منكم 😭تفاعل قليل بكل
في ناس تقرى وتفوت 😭 به وانا قاعده نكتب عشان خاطركم ... الحلقه 8 ولله جاهزة لو لقيت تفاعل ح نزلها في نفس اليوم
