روآية #يـكـبـرنـي_بـ22عاماً #واقــعــيـة
#للكاتبة_ســـولــي #الحلقــ9ـة .
.
.
أنا برهبة و خوف: حرام عليك يا سُليمان افرض درنا حادث و متنا مع بعضنا شنو يقولو علينا الناس
سُليمان : احسن برضوا
أنا: سُليمان 😳😳لا يا سُليمان😳 سُليمااااااان
__________________________
من الأرتباك اللساني تلعثم ماعرفتش نحكي مجرد اني نذهلت في لحظة الصدمة بعدها وقف السيارة عيطت بأعلى حس
__________________________
أنا: قتلتها قتلتها 😭😭
سُليمان: سادين اهدي خلاص قضاء الله هوا
أنا: 😭😭😭 لا لا لا 😭 لو ماكنت تجري ما كانت ماتت (وجسمي كله قعد يرعش)
سُليمان (في عقلة{ بصدمه و كان منذهل} ): معقولة لبكا هذا كله عشان ضربت قطوسة من غير قصد 😳شن حالي كان ضربت بني آدم قدامها
..........
أنا: 😭😭😭كيف الأرواح عندك رخيصة له درجة
سُليمان : مش قصدي ..ربي كتبلها تموت في اليوم هذ
أنا: لاااا🤬 أنت كنت تجري 😭انت جريت وقتلتها 😭 إنسان ماعنده ضمير 😭🤬 مش عارفة كيف حبيت واحد ماعنده ضمير 😭
سُليمان: يعني حبيتيني 😍
أنا: تراه خطاني 😭😭نزلني بنشوفها نزلني
سُليمان:تو نجيبها لك أنا هنا
(نزل سُليمان يشوف القطوسة اللي قتلها لقاها صغيرونة وكارسة تحت سيارة وخااايفة ....فرح لما لقاها مازالت عايشة ركب سيارة مش يوخر ويأخذ القطوسة )
أنا:وين القطوسة 🤬😭
سُليمان: عارفك حساسة وماتحملش القطوسة متمزطة ع الطريق قدرتش نرفعها
أنا: 😳🤯🤯.....لااااااااااا ياربي سامحني 😭😭😭 أنا مشتركة معاه في قتل روح 😭😭
سُليمان: 🤣😂 حسستيني بني آدم اللي مات
أنا: 🤬🤬😭مش فيها روح وتنفس وتحس يلي ماعندك دم أنا نغريت فيك أصلا نكرهك نكرهك 😭😭
سُليمان: يعني كنتي تحبيني صح 😂
أنا : يا برودك يا خي يا بروودك 😭
(سُليمان نزل من سيارة وجابها وجا )
أنا: نمسح في دموعي بفرح 😍😍 يعني ما متتش
سُليمان: الحمدلله
أنا: هات
سُليمان: قصدي قطوسة شوارع هذي.. مجرثمة
أنا:هاتها 🤬
سُليمان: به ديري جو انك كيوت و ياي نحبش القطط نخاف منهن
أنا: 🤢🤢هذا قرف مش كياته
(مدلي القطوسة )
أنا: يا روحي وعمري أنا سامحينا يا تموحه انتي يا خية محلاك 😍😍(ونحضن فيها و ندغبشلها علي راسها وهي منسجمة بكل ونحكي معاها بـ للغة الأطفال مش مفهومه😅 و سُليمان يشوف فينا ويضحك )
سُليمان: محلاك ازف
أنا: تجنن بكل 😍
سُليمان: عليك أنتي يا بختي 😅
أنا: لا مش بختك و ارجوك رد بيا ع السنتر
سُليمان: القطوسة نستنا موضوعنا 🤬 لا مازال مش مروح بيك نين ننهوا القصة هذي
( وصل بيا علي مزرعته )
أنا:😳😳 أنت وين شايلني
سُليمان: نبي نغتصبك مش هلك يعطوك ليا غصب عنهم
أنا: سُليمان عرفتك ما ديرها بس نبش نقعد أنا وياك في مكان وحدنا و شيطان شاطر
سُليمان: لااا لا اطمني هن كلمتين ورد غطاهن
(دخلنا للبوابة طلع الحارس مدلة القطوسة وقاله اهتم بيها اغسلها و أكلها نزلنا من سيارة وانا نشوف في المزرعه كانت قصر و الحوض سباحة ضخم وكان فيها غرفة للرياضة سُليمان عشقه رياضه و شيء هذا مش مبينه ان عمرة في الأربعينات دخلنا الاستراحة كانت فيلا دبولوكس )
أنا: خلاص خلينا هنا قدام الباب
سُليمان : لالا خليني نفرجك ع المكان
أنا:اوووف نبش
(مسك يدي وقعد يفرج فيا وانا لاوية واجي )
سُليمان: كل مكان وكل قطعة وكل اباجورة علي ذوقي أنا
أنا: بما انك اخترتني انا فأكيد ماعندش شك في ذوقك 😒
سُليمان: امممممم بدينا في الغرور
أنا: لا مش غرور قصدي اني شينة 😁
سُليمان: لا والله ذوقي سمح جديات بذات في اختياري لك
أنا: و الأولي 😁؟
سُليمان:خلينا في ثانية
(أنا في عقلي: تي كنك يا سادين اصحي العقلك حسيتك بديتي ترضي تكوني زوجة ثانية وين ضميرك كنه ما ينأبش فيك كنه رايح سااكت ...سُليمان قعد يوري فيا الغرف)
سُليمان:هذي غرفتي وأغلب وقتي قاعد فيها
(وانا مازال عقلي في خلينا في الثانية)
أنا: سُليمان ثق و تأكد اني مستحيل نكون زوجة ثانية
سُليمان: سادين ليش تكابري انا حاس انك تحبيني
(قرب مني و مسكني مع ذرعاني وحط خشمه علي خشمي )
وانا نحبك سادين والله نحبك و أول مرة في حياتي نحب بشكل هذا جننتيني
(غمضت عيوني وانا نسمع في كلامه وهو يحكي بهمس مع خشونة في صوته تمنيت دنيا توقف في هاللحظة ...... فطنت نفسي وتبعدت عليه)
أنا: أنت ما تحبنش🤬 أنت حبيت جمالي كيفك كيف اي حد نعجب بشكلي
سُليمان: 🤬🤬
(جا دفني ع سرير و رفع يديا فوق 🤬 )
سُليمان: عارفة أنا قاعد نفوتلك لأنه داير في حسابي انك مازالتي صغيرة وهذا إنذار الثاني على نفس الموضوع 🤬
أنا: به حول قتلتني 😭😭 مش قادرة ناخذ نفسي 😭
سُليمان: كان تشوفي وجك كيف منحمر 😍 محلاك زف
أنا: سُليمان الله يربحك حسيت شيطان بدى يوسوس في عقلك
سُليمان: صح والله 😍
أنا: حلفتك بأغلى حاجة عندك ما ضرني
سُليمان: تي نقولك نبيك حلالي اللي تمسك تمسني
أنا: الله يربحك حول به ماتخلش الشيطان يسيطر علي مشاعرك
سُليمان: هوا سيطر أصلا 😍(بدى يقرب من واجي يقرب
قعدت نعيط بأعلى صوووت 😭😭😭)
أنا: سُليمان الله يربحك حول ماديرش شيء غصب عني أنا مش راضية آلله يربحك
( صبا سُليمان ا ستعاذ من الشيطان ودخل حمام الغرفة اكرمكم الله وقعد يغسل في واجه )
أنا قعدت نبكي وقتله خليني نروح
سُليمان: يا عمري والله ما ندير حاجة ضرك قربت منك كان خاطري نبوسك لكن أنتي مش حابة بعدت
أنا (بخنقة عبرة): تعبانة أنا تعباااااااااانة حط مكانك مكاني تخيل ناخذ واحد متزوج وعنده عيال ..مراتك ح تعاديني ،عيالك اللي قطعة منك ح يقعدو يدعوا عليا بالمووت أنا مانحبش نجرح حد مانبش زوجتك و عيالك يتأذوا مني اللي ما نرضى علي نفسي ما نرضاه علي غيري
سُليمان: ليش تحملي علي روحك ذنب انتي مالك علاقة به أنا على كل حال كنت نااوي زواج وطحت فيك أنتي كنت ندور علي مواصفات واطباع معينة القيتهن فيك و بزايد
أنا: أنا لا يا سُليمان 😭 صح نجذبتلك بس هذا غلط و غلط كبير ..لو أنت ناوي تتزوج ..اتزوج بس مش أنا تحملنيش ذنب جرح لعيال صغار
سُليمان: أنا نبيك أنتي ..ونحبك أنتي .وانا متأكد انك ح تحبي عيالي زي عيالك ..أن .أنا لما جيتك شفت الموضوع لقدام والقيتك الأم و وزوجة المثالية
( أنا كنت في حالة صمت و استماع ومش عارفة شنو نرد .نعترف ان سكتني وماعرفتش شنو نرد عليه )
(مسك يدي بالقوة )
سُليمان: أنا مش مستعد نخسرك بسهولة و ح نحاول معاك
أنا: سُليمان هيا تأخرنا
سُليمان : هيا
......................______________________.…….............
ركبنا السيارة وكانت دنيا بتغرب دوبا طالع ضي نهار وسيارة سُليمان أسود من سواد الليل غمضت عيوني وانا مستمتعه بالهدوء و طريق وعطر سُليمان تمنيت طريق ماتكملش بعدها حسيت سيارة وقفت فتحت عيوني القيته يبحت فيا و مببتسم )
.
أنا:كنك 😅
سُليمان: ينشبعش منك
أنا: قصدي مازال ما وصلنا كنك وقفت
سُليمان: بندير فون للحراس تو نجي
(دار تلفونه وركب السيارة و مرة يبحت في طريق وعشرة يبحت فيا لدرجة خلاني نتبسم ...
وصلنا للسنتر جا مسك يدي وقعد يبوس في كف يدي من جوه و نزل يدي علي لحيته
وانا في عقلي : اوووف محلاها لحيته )
أنا: بننزل
سُليمان: نحبك
أنا: 😊
سُليمان: اتصلي بيها وقولها تنزل وقت تأخر توا ..ح نلحقكم لعند توصلوا للحوش
📞
أنا: هيا مني انزلي تأخرنا
منى : بنعرف من اللي تأخر 😒
__________
نزلت من سيارة وجتني منى ركبنا سيارتها يجوا الحرس بدون حس ولا مس يحطوا شكااااير مالاحد في سيارة شي من مطعم شي حلو جميع انواع مشروبات ومحل شوكلاطه 😅
: خلاص نستأذنك توا بعد تحسي روحك فاضية حاكيني
أنا: تمام 😊
_______________________________
منى : احكيلي شنو صار
أنا: شي قعد يهزب ويعارك
منى: تبي تقنعيني مادرتوش حاجات عيب 🙄
أنا: كلبة 🤨
منى: به احكي بتفاصيل وبطلي زمط احداث 😁
أنا: شئ يا حنة قالي واخذك واخذك وانا مانبش ناخذ متزوج وعنده عيال
منى : من جدك أنتي 🙄🙄 تي سُليمان بهيبته و بشخصيته قالك واخذك واخذك 😒وانتي ماتبش 🤨
أنا: حطي مكانك مكاني ترضيها
منى: تي والله كل الرضا أخرى
أنا: أنا بنكلم قرايتي مش حمل ضرة ومشاكل نشري راحتي
منى:تي والله راحتك عنده ومن قالك في مشاكل انتي في حوش و هي في حوش رآه سُليمان يروح ثمانية في الليل ومرات يقعد 12 في العمل
أنا: أخرى 🙄ماعندي عليش متزوجة😕
منى: يا غبية انتي يقعد عندك مكان مهأي للدراسة خصوصي ان يقعد يوم عندك و يوم عندها 😆😂
أنا: وليش نظلم في روحي وانا مازالت صغيرة 😔
منى: نعنها ظلمتي ياربي
أنا: هيا هيا ونزلي و إن شاء الله محمد مش قاعد بس
.(خطم سُليمان من جنب حوشنا و تبسمتله و تبسملي )
.
.
.
ماما: وين هذا كله
منى: أااااااه يا عميمة ياريتك عديتي معانا عليك سنتر خيااال نحن بعد ساونة رقدنا دايرين غرفة شموع ومساج وموسيقى هادية
ماما: والله تبيلي مشية جديات 😍
(دخلنا للغرفة)
أنا: واااك يا مني تقدري تغيري ردة فعل أي شخص شكلي ح نستحقلك أنا 😅
منى : نعجبك يا الحب 🥰
_________________________
رقدت
يتصل بياا سُليمان ساعة 3
رديت عليه وانا نص واعية ونص راقدة
سُليمان: "وفيك من الجمالِ دلالُ طفلٍ
وحيـدٌ،
بعد عُقمِ الوالدينِ
وفيك من الجلال مشيبُ شيخٍ
توضّأ بالدموعِ لركعتينِ
وفيك من السلاحِ سهامُ هدبٍ
ورمحُ القدّ، قوسا حاجبينِ
وفيك من السلام هدوءُ أمٍّ
لطفل نامَ بين الرضعتين ِ
ختمتُ بك القصيدة فاقرئيني
كـ -بسم اللهِ- بين السورتين."💛
(كنت راااقدة ونسمع في ركاحة صوته وهوا يتغزل بيا لا شعورياً قتلة)
أنا: نــحــبــك
سُليمان: ياااربي 😍 اليوم نحس اني ملكت الدنيا
عارفة أن اليوم هذا يسجل ك أفضل يوم في حياتي وابديها من القطوسة اللي غيرت جونا لا شعورياً تي والله حبيتها القطوسة هذ
أنا ومغمضة عيوني نتبسم
سُليمان: سادين
أنا: اممممم
سُليمان: نبي نفتح معاك موضوع ...........
................
يتبع....................
وسامحوني ع تأخير بس والله ما نفضى غير في الليل
نحبكم ..و إن شاء الله تعجبكم حلقة اليوم
الكاتبة سولي
