روآية #يـكـبـرنـي_بـ22عاماً #واقــعــيـة
#للكاتبة_ســـولــي #الحلقــ8ـة
..
.
.
.
(مسك يدي و قعدنا نمشوا لكن ماكنت نشوف في شيء كيف الهبلة لاصقة فيه وخلاص وصلنا للمكتب حاولت الوشاح بسرعة )
أنا:حرام عليك خنقتني (وناخذ في نفسي بالقوة)
(جا قرب مني قرب قرب )
أنا:😳
سُليمان يقرب
أنا:😳
سُليمان قرب مني بدرجة ماتوصفش وانا وخرت روحي لعند لصقت ع ساس
أنا:سُليمان كنك باعد من عليا
سُليمان:أنتي طيحتي وشاحك من غير ما تحسي
أنا😳😳 كيف ما حسيت به
سُليمان:لما دخلتي حامقة كنتي
انا برتباك كريت وشاحي ولبسته بسرعة
سُليمان: بس شعرك حلووو بكل
أنا:😓😥
سُليمان:قتلك ماعش تلبسيلي هكي
أنا:نبي نفهم شنو سبب غيرتك هذي مرة نبش حد يشوفك مرة ماتعلقش مرة تلبسش هكي
سُليمان:أنا نقول كلام ويتنفذ
أنا:كيف يتنفذ هذي 🙄
سُليمان: افهمي 🤬
أنا:شنو نفهم 🤬😡😠
سُليمان:حاسك ليا
أنا:😳😳كيف لك
سُليمان: حاسك ليا مش متخيل ان حد يأخذك غيري نشوف فيك حلالي
أنا:😳😳 أنت اكيد تبصر
سُليمان: لا نبصرش واخذك غصب علي يبي ولي يكره
أنا: مستحيل نوافق 😳
(قرب مني )
سُليمان: سادين شوفي حاولن آلاف من صبايا أن يطيحني لكن دوون جدوى صح نهدرز لكن فوق جو
و أقسم بالله العلي العظيم من يوم ما عرفتك بروحي بروحي استغنيت عليهن ....ألقيت فيك كل شيء نبيه
(جيت بنحكي حط صبعة علي فمي و قالي...)
سُليمان: اششششش خليني نكمل ...الحن اللي فاقده وبرائتك و طفولتك نبيها . حبيتك و حبيت عفويتك وحبيت طريقة تفكيرك والعاطفة الزايدة اللي عندك
كل حد يدور في اللي ناقصة و انا اللي ناقصني القيته فيك سادين مش متخيل ان حد غيري ياخذك
أنا:سُليمان بجد كلامك صدمني انا طبيعتي غيورة و راجلي ما تشاركني فيه حد
سُليمان: قاعد نقولك ان من يوم ما عرفتك ما حكيت مع بنت وتعالي نوريك فوني
و للعلم فوني مافش حد يقدر يلمسة ومافش حد عارف اللي فيه لكن مستعد نعطي لك انتي لأنه انتي نفسي
أنا: قصدي انا مانقدرش نجي علي ضرة ما نتحملش نموت
سُليمان: تغييري من هلي
أنا:نغيير من اي مخلوق يقرب من شخص اللي نحبه
سُليمان: به أنا نحبك
أنا: وانا بنعدي
سُليمان:به يا سادين 🤬 أنا نسحب كلامي لكن مافش حد ح يقرب منك و اللي يحاول ح يكون آخر يوم له في دنيا
أنا:مش لدرجة يعني
سُليمان: لدرجة واكثر . انتي عارفة لو كنتي متزوجة رآه درت راجلك داعشي و خذيتك
أنا:🥺🥺
سُليمان:توا اطلعي ولبس هذا ماعش نبيه زي ما قتلك
طلعت وانا منصدمة 😳 لكن مش عارفة ليش حاجة فيا هكي مطمنه ع الأخر
.
,منى:ووواو يا سادين كنك طولتي
انا: صارلي هبوط ركبولي تغذية
منى: 😳😳😳 يا روحي بعيد السو عليك
......ـ................
روحت تمددت ع السرير وشعوري كان مزيج من الخوف و الفرح كثرة تفكير ما حسيت بالوقت اللي مشى
أنا كيف نكتب علي روحي ناخذ متزوج وعنده عيال
ويقعدوا يقولولي خطافة رجاله و خرابة لبيوت
صح سُليمان الشخص الوحيد اللي جذبني صح من زمان وانا خاطري نتزوج حد يكون في فرق سن بيناتنا صح شخصيته القوية جذبتني .بس مانرضش اني نظلم صغار معايا 💔😭
طال تفكيري في الليلة هذي لعند مارقدت
.....______………
ثاني يوم
جتنا سارة و سندس خواتي طبعا سارة عندها بنوته وسندس عندها ثلاث اولاد
............
سارة:يا ماما ماشين التونس نحن
ماما:لباس كنك
سارة: منها نعاين ومنها ندهور علمنا ضايق
ماما: به يا بنيتي ان شاء الله ماعندك سو وامتى ماشيين
سارة: مازال ما حجزنا لكن في هالأسبوعين
سندس:بلكي نعدي معاكم نغيير جو
سيدرا:به به حتى نا 🥺
ماما:خلي المراه تمشي هي وراجلها وحدهم ياخذوا راحتهم
سارة:على أساس بنتحشم من خواتي أنا 🙄 بالعكس يغيرلي جو ياريت نمشوا مع بعضنا
سندس:غريبة سادين ساكتة
(أنا كنت سرحانة في موضوعي )
ماما: تفكر في القراية نفسيتها تعبانه
(أنا 😳حي عليا لقراية امتحاناتي يبدن بعد يومين )
أنا:عن اذنكم نعدي نقرى امتحاني بعد بكرى
___________
بديت نقرى وانا عقلي مرة يشيلني في دراسة ومرة عند سُليمان
وقريت لكن المنهج كنت شربته شرب عبارة عن تذكير بس
_______________
جا يوم الأمتحان
وبديت نحل وكان اشراف حقير لأبعد حدود
خطم أشرف وبحت فيا زييين وقعد يقول أي محاولة غش يعتبر نفسه ساقط
.
ومتاع الأشراف يجي يقولي تعالي قعمزي هنا
صبيت وقعمزت في المكان اللي قال عليه
بعدها صباني أخرى
ثالثة
رابعة
أنا:😠🤬🤬كنك تصبي فيا ما عش خليتني نحل ونركز في ورقتي
المشرف:هك
أنا: شفتني نغش ؟
المشرف :لا
أنا: به عليش تصبي فيا 😡🤬
المشرف:هك
أنا: مش استفزاز الحكاية 🤬
جت مشرفة سمرة : حلي امتحانك وانتي ساكتة يا طالبة
.
أنا خلاص بديت ننهار وعلى وشك دموعي بدوا ينزلوا
لأنه أكثر حاجة نكره في حياتي هوا الظلم هديت نفسي وتمالكت اعصابي و حليت امتحاني وطلعت
.........
جاني مسج من سُليمان:
أنا عارف انك في الأمتحان وماحبيت نزعجك الفترة هذي عشان قرايتك وعارفك ح تحلي وترفعي رأسي يا أحلى دكتورة .
قديش فرحت بالمسج وحسيت بالأرتياح
ثاني امتحان...
بندخل للقاعة
جتني المشرفة سمرة: تعالي في القاعة لأخرى
أنا: بس هذي قاعتي
المشرفة: هذي مليانه وعدي للقاعة لأخرى و ما تكثري كلام
أنا:ياربي صبرني 😡🤬 (في سري )
____________________
عدت فترة الأمتحانات بسوها وكلمت منى وونسرين يباتو عندي يغيرلي جوي لكن كل وحدة طلعتلي سبلة ماعادا مني قالتلي تعاركت مع هلي وجيتك
أنا:يا عمري ربي ما يحرمني منك 🥺🥰
منى:ولا منك يا الحب
طلعت أنا وياها لمحل ميكاب وشرينا المحل كله وطلعنا 😅🤗
سُليمان📞📲📞📞
أنا:😳
سُليمان: حرم سُليمان وين ماشية تنسرف ؟
أنا: وانا شن عرفني بيها 🙄
سُليمان:نتكلم علي حضرت جنابك
أنا:ليش واثق اني لك
سُليمان: لأنه هذا طبعي
أنا: كيف طبعك
سُليمان:لما نحط حاجة في رأسي لازم نديرها
أنا: بعناد يعني..... وانا مش ح نكون شيء من ممتلكاتك يا حضرة الضابط
....___________
سكرت الخط
و أول مرة ما ننهار واول مرة ما بكيت علي موضوع ضايقني حسيت بالأشمأزاز ان يبيني عشان يرضي رغباته ومتطلبات
ونواقصه يبيني ك تكملة ....
كان يتصل بيا علي (رقم خاص) وما نرد
سُليمان كان الفترة هذي تعبان بجد وحس أن هو خسرني جديات
سُليمان (في عقلة): ياربي ابتليت بعشقها 💔 مافش وحده زيها ومافش وحدة تقارن بيها .شيء نادر اجتعمن فيها كل صفات الحسنة (الجمال،العلم,الأنوثة, الحن ،العقل ) استملكتني
مانشوفش أن عشقي لها ذنب
جبروتي وعصبيتي وعنادي كلهن يتحولن معاها
قدامها ننسى من أنا
#نضعف لما نشوفها ولا نسمع صوتها ولا حتى نفكر فيها
_________
سُليمان كمل يومه كله تفكير فيها لعند ما رقد
_______________________________________________
منى كانت أقرب وحدة ليا بس مع ذلك ماعطيتهش تفاصيل كاملة عليا انا و سُليمان
_________________
اليوم الأخر.......
منى: شنو رايك نمشوا لبيوتي سنتر نديرو ساونة و اقنعة حتى تتغير نفسيتنا شوية
أنا: اي والله فكرة صح
____________
عدينا للسنتر و غيرنا جو كان فيا ضيق بسيط من كلام سُليمان لكن كل ما نذكرة نحاول نلهي نفسي ب اي شيء لانه فكرت أن مايستحق تفكيري فيه
طلعنا ومنى كانت فرحاانة ع الأخير وتضحك وتبصر
وصلنا لباب الخروج
.........
ونلقوا 😳😳😳😳😳😳😳.....
.......
............
اربع سيارات ضخمات سووود نفس الشكل والباركي متاع سنتر مافش ولا سيارة ومافش ولا مخلوق مخطم
منى: حي علينا يا سادين بنموتو😭😭😭
سادين: الموضوع هذا والله ما مخاطي سُليمان
نزل قزاز سيارة وفعلا ً طلع سُليمان
منى: والله نا جا في عقلي أشرف كيف عرفتي أن سُليمان
أنا: كنك هبلة أنتي تو الخنثى أشرف يقدر يدير هكي
سُليمان: سادين اركبي نبيك
منى: لا ما تركبش شكله متعصب و ح يقتلك
أنا: شن تبي مني هربت من الموت القيتك انت 😭 خليني في حالي
سُليمان: ماتخلنش ندير تصرف ما يعجبك اركبي برضاك خلينا نتفاهموا
أنا : أنا جايتك نشكيلك من اللي كانوا يضايقو فيا نلقاك انت زيهم
سُليمان:🤬🤬🤬🤬
نزل من سيارة بغضب
سُليمان: اخرلك مرة تقارنيني بحد 🤬
(مسك يدي بالقوووة و ركبني بالغصب وسكر البطمة )
منى:حرام عليك 😭😭😭
سُليمان : انتي خليكي هنا في سنتر و ماتحولش تبلغي حد أنا نحب سادين ونبي نفهمة علي مواضيع وجايبها لأنها ع الفون ماتردش ربع ساعة وح تكون عندك
منى بخوف و رعب : به 😳😳
________
سُليمان بلغ الحرس أن ما يمشوش وراه و خلاهم في المنطقة هذ
________
ركب السيارة وكان يجري بسرعة جنونية
أنا: سُليمان الله يربحك مانحبش سرعة هدي
سُليمان: أنا ما ينردش عليا يا سادين
أنا:بهدي السرعة وخلينا نتفاهموا
سُليمان: به ليش ما قلتيها من قبل 😡🤬
(ويخبط ع الدومان وبعدها قوى سرعة دبل.)
أنا برهبة و خوف: حرام عليك يا سُليمان افرض درنا حادث و متنا مع بعضنا شنو يقولو علينا الناس
سُليمان : احسن برضوا
أنا: سُليمان 😳😳لا يا سُليمان😳 سُليمااااااان
يتبع..........
